Almanların məşhur film ulduzu \"KGB\" casusu çıxdı
"Ölkə.Az" xəbər verir ki, aktrisa Sovet İttifaqı üçün casus fəaliyyəti göstərib. Bu barədə alman kəşfiyyat sənədlərinə əsasən məlumat verilir. Məxfiliyi ləğv edilən sənədlərdə Rökkün Sovet casusu olduğu barədə məlumat var.
1930-cu illərdə nasistlərin propoqanda naziri Cozef Göbbels Hollivud qadın ulduzlarına qarşı alman film ulduzları yetişdirmək barədə qərar verir. Bundan sonra ulduzu parlayanlardan biri də Marika Rökk olmuşdu.
Marika Macarıstanda anadan olub və nasist rəhbərliyi ilə yaxın münasibətlər qurub. Müharibədən sonra nasist rəhbərliyi ilə əlaqələri olduğu üçün iki il müddətinə aktrisalıqdan uzaqlaşdırılıb. Ortaya çıxan kəşfiyyat sənədlərinə əsasən isə nasistlərdən Moskvaya məlumat sızdırırmış.
2004-cü ildə 90 yaşında vəfat edən aktrisa 40 filmdə rol alıb. Rusiya lehinə casusluq etməsi barədə şübhələr ilk dəfə 1951-ci ildə kəşfiyyat sənədlərində qeydə alınıb. İddiaya əsasən, Rökk meneceri Hayns Hoffmayster tərəfindən SSRİ kəşfiyyatı ilə əlaqə qurub. Eyni zamanda, onun əri Georg Yakobsun da casus olma ehtimalı sənədlərdə qeyd edilib. 1951-ci ildə kino sənətini tərk edən Rökk Düsseldorf şəhərində kiçik bir dükan açır. Kəşfiyyat sənədlərində onun bu hərəkəti casusluq fəaliyyətini davam etdirmək üçün ağıllı manevr kimi dəyərləndirilib.
Hikmət
Ölkə.Az