Almaz Orucova: "Tənqid etdiklərini məclislərinə oxumağa çağırırlar"

Almaz Orucova:
15:36
09.04.2018
3058
Mədəniyyət
A
Tanınmış xanəndə, əməkdar artist Almaz Orucova səsi olmayan müğənnilərdən danışıb.

"Ölkə.Az"a açıqlamasında əməkdar artist bildirib ki, sənət aləmində sənətə aidiyyatı olmayan xeyli insan var: "Sənətdə sənətə aidiyyatı olanlar olmalıdır. Ancaq bəzən məclisdə görürsən ki, ən çox tənqid edilən, səsi olmayan, bayağı ifalarla tanınan birini məclisə çağırıblar. Ən pisi odur ki, həmin adamları məclislərinə dəvət edənlər onları tənqid edənlərdir".

Xanəndə bildirib ki, belə ifaçılarla sənətkarlar da mübarizə aparmalıdır: "Çünki biz bu yerə qədər gəlmək üçün zəhmət çəkmişik. Hər uğurumuz zəhmətlə olub".

İntiqam VALEHOĞLU 
Ölkə.Az

ŞƏRH YAZ
1

Qanlı Yanvar gecəsi tarix daha bir dəhşətə şahidlik etdi

Qanlı Yanvar gecəsi tarix daha bir dəhşətə şahidlik etdi
13:07
Bu gün
165
Mədəniyyət
A
“Qanlı Yanvar hadisələri zamanı birinci kurs tələbəsi idim. Hadisələrdən əvvəl küçələrdə nümayişlər keçirilirdi, xalqımız azadlıq uğrunda mübarizə aparırdı. Mən də gənc olmağıma baxmayaraq, nümayişlərdə iştirak edirdim. 1990-cı il yanvarın 19-dan 20-nə keçən gecə tarix daha bir dəhşətə şahidlik etdi. Əsrlər boyu düşmənləri tərəfindən vəhşiliklərə məruz qalan xalqımız növbəti qətliamla üzləşdi. Həmin gecə Azərbaycan televiziyasının enerji bloku partladıldı, respublikada televiziya verilişləri dayandırıldı, sovet qoşunları fövqəladə vəziyyət elan edilməsindən xəbərsiz olan dinc əhaliyə amansız divan tutdu... Səhəri gün hər kəs o dəhşətli hadisədən xəbərdar oldu. Tələbə yoldaşlarımızdan bir neçəsi Qanlı Yanvar gecəsində şəhidlik zirvəsinə ucaldı. Lakin tökülən qanlar xalqımızı öz mübarizəsindən döndərmədi və müstəqilliyimizi əldə etdik. Biz bu gün yaşadığımız bu müstəqil dövlət üçün şəhidlərimizə borcluyuq”.

“Ölkə.Az” AZƏRTAC-a istinadən xəbər verir ki, bu sözləri yanvarın 20-də Şəhidlər xiyabanını ziyarətə gələn Gənc Tamaşaçılar Teatrının aktyoru, Əməkdar artist Nofəl Vəliyev deyib.

Aktyor yanvarın 20-nin həm kədərli, həm də şərəfli gün olduğunu bildirib və şəhidlərə Allahdan rəhmət diləyib.

Ölkə.Az

ŞƏRH YAZ
0

Prezident yeni komissiya yaratdı

Prezident yeni komissiya yaratdı
20:30
15.01.2019
3723
Mədəniyyət
A
Prezident İlham Əliyev Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərman imzalayıb.

"Ölkə.Az"ın məlumatına görə, fərmanla Azərbaycan Respublikası Mədəniyyət Nazirliyinin tabeliyində yeni, mütərəqqi və ölkənin bütün ərazisini əhatə edəcək kitabxana sisteminin yaradılması, habelə mədəniyyət və təhsil xidmətləri göstərən qurumların (mədəniyyət mərkəzləri, klublar, musiqi məktəbləri, rəsm qalereyaları və s.) fəaliyyətində səmərəliliyin artırılması məqsədilə təkliflər hazırlanması üçün aşağıdakı tərkibdə Komissiya yaradılır:

Komissiyanın sədri

Azərbaycan Respublikası Prezidenti Administrasiyasının Humanitar siyasət məsələləri şöbəsinin müdiri

Komissiya sədrinin müavini

Azərbaycan Respublikasının mədəniyyət naziri

Komissiyanın üzvləri

Azərbaycan Respublikası Prezidenti Administrasiyasının Ərazi-təşkilat məsələləri şöbəsi müdirinin müavini

Azərbaycan Respublikası Prezidenti Administrasiyasının İctimai-siyasi məsələlər şöbəsi müdirinin müavini

Azərbaycan Respublikası maliyyə nazirinin müavini

Azərbaycan Respublikası təhsil nazirinin müavini

Bakı Şəhər İcra Hakimiyyətinin nümayəndəsi.

Ölkə.Az

ŞƏRH YAZ
1
BAĞLA