Alpinistlərin nəşi helikopterlə Bakıya göndəriləcək

Alpinistlərin nəşi helikopterlə Bakıya göndəriləcək
20:55
16.05.2018
7171
Ölkə
A
Quba rayonunda itkin düşmüş alpinistlərin meyiti helikopterlə Bakıya göndəriləcək.

"Ölkə.Az"ın "Report"a istinadən məlumatına görə, onların meyiti müayinə olunmaq üçün Səhiyyə Nazirliyi Məhkəmə-Tibbi Ekspertiza və Pataloji Anatomiya Birliyinə təhvil veriləcək.   

Qeyd edək ki, ötən il dekabrın 26-da Quba rayonunda dağlıq ərazidə “Gilavar" Hava və Ekstrim İdman Klubunun üzvləri Fəridə Zəbiyulla qızı Cəbrayılzadə, Babur Vaqif oğlu Hüseynov və Namin Nizami oğlu Bünyatzadə itkin düşüblər. Dekabrın 27-dən Fövqəladə Hallar Nazirliyinin (FHN) peşəkar xilasedicilərindən ibarət dəstələrin və Ekologiya və Təbii Sərvətlər Nazirliyinin (ETSN) əməkdaşlarının iştirakı ilə aparılan axtarışlar nəticəsində mayın 16-da axşam saatlarında axtarışların aparıldığı ərazidə alpinistlərə aid çadırın yeri müəyyən edilib, 3 meyit (2 kişi və 1 qadın) və alpinistlərə aid digər əşyalar aşkarlanıb. 

Ölkə.Az

ŞƏRH YAZ
1

AMEA-da 500-ə yaxın magistr və doktorantın yataqxana problemi yaranıb

AMEA-da 500-ə yaxın magistr və doktorantın yataqxana problemi yaranıb
22:28
Bu gün
4584
Ölkə
A
Hazırda Azərbaycan Milli Elmlər Akademiyasında (AMEA) yataqxanada yerləşdirməyə ehtiyacı olan 500-ə yaxın magistr və doktorant var.

"Ölkə.Az" xəbər verir ki, bunu akademiyadan Trend-ə bildiriblər.

Əlavə edilib ki, həmin şəxslər imkan olduqca AMEA-nın Bakı şəhəri, Yasamal rayonu, Şərifzadə küçəsi, 12 ünvanında yerləşən yataqxanasında yaşayış yeri ilə təmin olunacaqlar.

Yataqxanadakı otaqlar boşaldıqdan sonra orada subay magistr və doktorantların yaşayış yeri ilə təmin olunması üçün zəruri şərait yaradılacaq, daha sonra magistr və doktorantlar oraya köçürüləcək.

Yataqxanada məskunlaşacaq şəxslər yalnız kommunal xidmətlərin ödənişini həyata keçirəcəklər.

Xatırladaq ki, AMEA ilə "Evrostroy-S" MMC arasında bağlanmış 14 noyabr 2012-ci il tarixli müqaviləyə əsasən, Şərifzadə küçəsi, 12 ünvanında yerləşən yataqxanada yaşayan AMEA-nın işçiləri həmin ərazidə yeni inşa edilən binalarda mənzillə təmin ediliblər.

Ölkə.Az

ŞƏRH YAZ
0

Prezidentin rəis təyin etdiyi şəxs deputat qardaşıdır

Prezidentin rəis təyin etdiyi şəxs deputat qardaşıdır
21:29
Bu gün
8721
Ölkə
A
Xəbər verdiyimiz kimi, Prezident İlham Əliyev bu gün Baba Hacı-Baba oğlu Salayevi Fövqəladə Hallar Nazirliyinin Akademiyasının rəisi təyin edib. O bu vəzifədə Pənah Hüseyn oğlu Süleymanovu əvəz edib.

"Ölkə.Az" xəbər verir ki, Baba Salayev bundan əvvəl Gömrük Sahəsində Hüquqpozmalara Qarşı Mübarizə Baş İdarəsinin rəisi olub. O, bu vəzifədə 2 il çalışıb.

Qeyd edək ki, B. Salayev deputat Hacı Salayevin qardaşıdır.

Ölkə.Az

ŞƏRH YAZ
1
BAĞLA