Alpinistlərlə bağlı nazirlikdə xüsusi komissiya yaradıldı

Alpinistlərlə bağlı nazirlikdə xüsusi komissiya yaradıldı
11:22
17.05.2018
1033
Ölkə
A
Meyitləri tapılan alpinistlərlə bağlı Səhiyyə Nazirliyinin Məhkəmə-tibbi Ekspertiza və Patoloji Anatomiya Birliyində xüsusi komissiya yaradılıb.

Bu barədə "Ölkə.Az"a Səhiyyə Nazirliyinin mətbuat xidmətinin əməkdaşı Səfayə Əhmədova məlumat verib.

Məlumata görə, komissiyaya Səhiyyə Nazirliyinin Məhkəmə-tibbi Ekspertiza və Patoloji Anatomiya Birliyinin Quba rayon şöbəsinin rəisi Çingiz İsgəndərov rəhbərlik edir, komissiyanın üzvləri isə Xaçmaz rayon Məhkəmə-tibbi Ekspertiza və Patoloji Anatomiya Birliyinin rəisi Gündüz Tanrıverdiyev və Siyəzən rayon Məhkəmə-tibbi Ekspertiza və Patoloji Anatomiya Birliyinin rəisi Nizami Qasımovdur.

S.Əhmədova deyib ki, tapılan alpinistlərin meyiti Səhiyyə Nazirliyinin Məhkəmə-tibbi Ekspertiza və Patoloji Anatomiya Birliyinin Quba rayon şöbəsinə gətirilib, gecə müayinə edilib. Müayinələr başa çatdıqdan sonra meyitlər bu gün ailələrə təhvil verilib. Namin Nizami oğlu Bünyatzadənin meyiti Şəmkir rayonuna, Fəridə Zəbiyulla qızı Cəbrayılzadənin meyiti Masallı rayonuna aparılıb, Babur Vaqif oğlu Hüseynovun meyiti isə Bakıya gətirilir".

O qeyd edib ki, müayinələrin nəticələrinə uyğun olaraq müvafiq rəy tərtib olunacaq: "Bu rəy də Quba rayon prokurorluğuna təqdim ediləcək".

Xatırladaq ki, 27 dekabr 2017-ci il tarixindən Fövqəladə Hallar Nazirliyinin peşəkar xilasedicilərindən ibarət dəstələrin və Ekologiya və Təbii Sərvətlər Nazirliyinin əməkdaşlarının iştirakı ilə aparılan axtarışlar nəticəsində mayın 16-da axşam saatlarında axtarışların aparıldığı ərazidə alpinistlərə aid çadırın yeri müəyyən edilib, 3 meyit (2 kişi və 1 qadın) və alpinistlərə aid digər əşyalar aşkar edilib.

Qeyd edək ki, ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.
Baş Prokurorluğun yaydığı məlumatda bildirilir ki, hadisə ilə əlaqədar xüsusi mühafizə olunan təbiət əraziləri və obyektlərindən istifadə sahəsində qanunvericiliyin tələblərinə əməl edilməməsinə, habelə adları qeyd olunan alpinistlərin ixtisası, təcrübəsi, hazırlıqlarının yürüşə imkan verib-verməməsi, meteoşəraitin dağın zirvəsinə qalxmağa əlverişli olub-olmaması, marşrutun seçilməsi və təhlükəsizlik tədbirləri ilə bağlı digər məsələlərə nəzarət edilməsi sahəsində məsul şəxslərin öz xidməti vəzifələrini lazımi qaydada yerinə yetirməməsinə dair şübhələr üçün kifayət qədər əsaslar yarandığından Cinayət Məcəlləsinin 314.2-ci (səhlənkarlıq, ehtiyatsızlıqdan ağır nəticələrə səbəb olduqda) maddəsi ilə cinayət işi başlanıb. Cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirləri həyata keçirlir.

ŞƏRH YAZ
0

“Diqlas” da son durum — FHN-in 7 əməkdaşı xəsarət alıb

“Diqlas” da son durum
15:02
Bu gün
521
Ölkə
A
Nizami rayonu, Qara Qarayev prospektinin 8-ci kilometr adlanan ərazisindəki “Diqlas” Ticarət Mərkəzində baş verən yanğının söndürülməsi zamanı Fövqəladə Hallar nazirliyinin 7 əməkdaşı müxtəlif dərəcəli xəsarət alıb.

Bunu “Ölkə.Az”a Səhiyyə nazirliyinin mətbuat xidmətinin nümayəndəsi Səfayə Əhmədova deyib.

Onun sözlərinə görə,  yanğın olan ərazidə təcili tibbi yardımın həkimləri ümumilikdə 9 nəfərə tibbi yardım göstəriblər:
 “Onlardan biri  Fövqəladı Hallar nazirliyinin əlindən xəsarət aldığından 3 saylı şəhər klinik xəstəxanasına yerləşdirilib. Digər 6 FHN əməkdaşına isə yerindəcə  baxılıb. Onlar yanğın söndürən zaman müxtəlif dərəcəli yüngül xəsarət alıblar, istidən və tüstüdən vəziyyətləri pisləşən olub. Bunan əlavə olaraq 2 nəfər sahibkarın isə halı pisləşdiyindən həkimlər onlara yerində müdaxilə edib”.

Mürtəza
Ölkə.Az

ŞƏRH YAZ
0

Yeznəsini başqa qadınla tutdu, üstünə benzin töküb yandırdı — Tovuzda dəhşət

Yeznəsini başqa qadınla tutdu, üstünə benzin töküb yandırdı
14:30
Bu gün
1800
Ölkə
A
Yeznəsinin üstünə benzin töküb yandırmaqda təqsirli bilinən Əkbərov Vüqar İman oğlunun məhkəməsi başlayır.

"Ölkə.Az" xəbər verir ki, cinayət məcəlləsinin 120.2.4-cü maddəsi ilə təqsirli bilinən Əkbərov Vüqar İman oğlunun məhkəmə prosesi aprel ayının 1-i Gəncə Ağır Cinayətlər Məhkəməsində hakim Xəqani Səmədovun sədrliyi ilə keçiriləcək.

Qeyd edək ki, hadisə 2018-ci ilin oktyabr ayında Tovuz rayonunun Qovlar qəsəbəsində baş verib.

Belə ki, 1981-ci il təvəllüdlü Ələkbərov Elbrus İmran oğlunun üstünə benzin töküb od vurublar.

Hadisə nəticəsində E.Ələkbərov ağır yanıq xəsarətləri alaraq Tovuz rayon Mərkəzi Xəstəxanasına yerləşdirilib.

Faktla bağlı Tovuz rayon Polis Şöbəsində araşdırmalara başlanıb.

Aparılan araşdırmalar zamanı məlum olub ki, hadisəni E.Ələkbərovun qaynı Əkbərov Vüqar İman oğlu törədib. Belə ki, oktyabrın 4-də gecə saat 1 radələrində V.Əkbərov E. Ələkbərovun evinə gəlib və onun başqa qadınla münasibətdə olduğunu görüb.

Nəticədə qayın və kürəkən arasında münaqişə başlayıb. Münaqişə nəticəsində V.Əkbərov özü ilə gətirdiyi benzini E.Ələkbərovun üzərinə tökərək ona od vurub və hadisə yerindən qaçıb. E.Ələkbərov qonşuların köməyi ilə xəstəxanaya çatdırılıb. V.Əkbərov Tovuz RPŞ-nin əməkdaşları tərəfindən saxlanılıb. 

Natiq Allahverdiyev
Ölkə.Az

ŞƏRH YAZ
0
BAĞLA