KORONAVİRUSA YOLUXANLARIN SAYI - CANLI STATİSTİKA

Altay Həsənov: Azərbaycan bədii gimnastika üzrə 37-ci dünya çempionatının keçirilməsinə tam hazırdır

Altay Həsənov: Azərbaycan bədii gimnastika üzrə 37-ci dünya çempionatının keçirilməsinə tam hazırdır
23:13
11.09.2019
4250
İdman
A
Azərbaycan bədii gimnastika üzrə 37-ci dünya çempionatının keçirilməsinə tam hazırdır.

"Ölkə.Az" bildirir ki, Trend-in məlumatına görə, bunu Azərbaycan Gimnastika Federasiyasının (AGF) vitse-prezidenti Altay Həsənov deyib.

Altay Həsənov bildirib: "Sentyabr ayının 16-dan 22-ə kimi Bakıda bədii gimnastika üzrə 37-ci dünya çempionatı keçiriləcək. Yarışa ciddi hazırlıq gedir. İnanırıq ki, hər şey yüksək səviyyədə olacaq. Bədii gimnastika üzrə dünya çempionatı Azərbaycanda ilk dəfə 2005-ci ildə keçirilib. Bu, Olimpiya idman növləri üzrə Azərbaycanda keçirilən ilk vacib idman yarışı idi. O vaxtdan ölkədə çox sayda Avropa çempionatları, dünya kuboku yarışları keçirilib və biz müəyyən təcrübə toplamışıq".

O, vurğulayıb ki, 61 ölkənin iştirak edəcəyi bu dünya çempionatına böyük maraq var: "Çempionatda 61 ölkə iştirak edir. İnanıram ki, yarışları izləyən tamaşaçılar bizim komandaya dəstək olacaq. Ona görə də media vasitəsilə hamını bu gözəl idman bayramına dəvət edirəm. Əsas hədəfimiz lisenziya qazanmaqdır. Məlum olduğu kimi, bu dünya çempionatı Tokioda keçiriləcək Olimpiya oyunlarına lisenziya qazanmaq imkanı verir. Bu bizim üçün çox vacibdir".

A.Həsənov xüsusilə vurğulayıb ki, biletlərin 45 faizi xaricdən alınıb.

Qeyd edək ki, 14 ildən sonra ölkəmiz yenidən ən önəmli yarışlarından biri - Bədii Gimnastika üzrə Dünya Çempionatına ev sahibliyi edəcək.

16-22 sentyabr tarixlərində keçiriləcək yarış yalnız bütün dünyadan olan bədii gimnastların birincilik uğrunda mübarizəsi ilə deyil, eyni zamanda 2020-ci ildə Tokioda (Yaponiya) təşkil ediləcək 32-ci Olimpiya Oyunlarına lisenziya xarakteri daşıması ilə əlamətdar olacaq.

62 ölkənin iştirak edəcəyi çempionatda həm fərdi gimnastlar, həm də qrup hərəkətləri komandaları 7 gün boyunca baş tutacaq ayrı-ayrı alətlər və çoxnövçülük yarışlarında ən yaxşıların sırasında olmağa çalışacaqlar. Eyni zamanda komanda hesabında ən güclülərin adları açıqlanacaq.

İlkin qeydiyyat siyahısına əsasən yarışda çıxış edəcək 300-dən çox gimnast Olimpiadaya yeni namizəd olmaq üçün bütün güclərini toplayaraq yarışacaqlar. Belə ki, fərdi proqramda çoxnövçülük üzrə ilk 16-lıqda yer alan gimnastlar (bir ölkədən maksimum 2 gimnast olmaqla) lisenziya əldə etmiş olacaqlar. Qrup hərəkətləri komandalarına gəldikdə isə, ötən ilin Dünya Çempionatının nəticələrinə əsasən Bolqarıstan, Rusiya və İtaliya artıq lisenziyanı təmin edib. Bu ilin çempionatında çoxnövçülük xalları üzrə daha 5 ən yaxşı komanda Tokioya vəsiqə qazanacaq.

Ölkə.Az

ŞƏRH YAZ
0

Tarix açıqlandı: İyulun 5-də...

Tarix açıqlandı: İyulun 5-də...
17:02
28.05.2020
3487
İdman
A
“Formula-1” üzrə dünya çempionatı Qran-Prilərinin yeni təqvimi açıqlanıb.

"Ölkə.Az"ın xəbərinə görə, koronavirus pandemiyası səbəbindən dayandırılan və ləğv edilən yarışın iyulun əvvəllərində startı planlaşdırılır.

İlk olaraq iyulun 5-də və 12-də Avstriya Qran-Prisi keçirilməlidir. Yarışın Azərbaycan mərhələsi sentyabrın 20-də baş tutacaq. Əvvəlcə həmin tarixdə Bakıda yalnız "Formula-2"nin keçiriləcəyi dəqiqləşmişdisə, təşkilatçılar artıq “Formula-1”in də həmin vaxt ölkəmizdə baş tutmasını nəzərdə tutur.

Dünya çempionatının Avropa bölümünün yekun təqviminin iyunun 1-də açıqlanması gözlənilir. Hazırkı duruma əsasən təqvim aşağıdakı kimi formalaşıb:

5 iyul – Avstriya

12 iyul – Avstriya

19 iyul - Macarıstan

2 avqust – Böyük Britaniya

9 avqust – Böyük Britaniya

16 avqust – İspaniya

30 avqust – Belçika

6 sentyabr – İtaliya

20 sentyabr – Azərbaycan

27 sentyabr – Rusiya

4 oktyabr - Çin

11 oktyabr - Yaponiya

25 oktyabr - ABŞ

1 noyabr - Meksika

8 noyabr - Braziliya

22 noyabr - Vyetnam

29 noyabr – Bəhreyn

6 dekabr - Bəhreyn

13 dekabr – BƏƏ.

Qeyd edək ki, əvvəlki mərhələlər, o cümlədən Azərbaycan Qran-Prisi koronavirus səbəbindən baş tutmayıb. Bəzi yarışlar ləğv edilib, bəziləri təxirə salınıb. (Apasport)

ŞƏRH YAZ
0

"Bavariya"nın kapitanı Bundesliqada 400-cü oyununa çıxıb

23:50
26.05.2020
2629
İdman
A
Almaniya Bundesliqasının XXVIII turunda Dortmund "Borussiya"sı ilə keçirilən oyun "Bavariya"nın kapitanı Manuel Noyer üçün əlamətdar olub.

''Ölkə.Az'' Apasport.az-a istinadən xəbər verir ki, hazırda davam edən turun mərkəzi qarşılaşması qapıçının Bundesliqada 400-cü matçı olub.

34 yaşlı qolkiper bu göstəriciyə çatan 3-cü futbolçu kimi tarixə düşüb. Bu baxımdan rekord "Verder"in hücumçusu Klaudio Pizarroya məxsusdur. Onun aktivində 487 görüş var. İkinci pillədə "Union"un üzvü Kristian Gentner (402) qərarlaşıb.

Qeyd edək ki, "Bavariya" Coşua Kimmixin 43-cü dəqiqədə vurduğu yeganə qol sayəsində səfərdə 1:0 hesabı ilə öndədir.

Ölkə.Az

ŞƏRH YAZ
0
BAĞLA