“Altibox Norway Chess 2018” superturnirinin qalibi müəyyən olub

“Altibox Norway Chess 2018” superturnirinin qalibi müəyyən olub
21:14
08.06.2018
1341
İdman
A
Dünya çempionu tituluna yeni iddiaçı Fabiano Karuana (ABŞ) Norveçin Stavanger şəhərində başa çatmış “Altibox Norway Chess 2018” superturnirinin qalibi olub.

"Ölkә.Az" xəbər verir ki, sonuncu turda Fabiano Karuana ağ fiqurlarla həmvətəni Uesli So üzərində qələbə qazanıb və 5 xalla öz rəqiblərini yarım addım geridə qoyub. Qeyd etmək lazımdır ki, turniri dünya çempionu Maqnus Karlsendən (Norveç) məğlubiyyətlə başlayan Karuana finişdə onu qabaqlaya bilib.

Maqnus Karlsen (Norveç), Hikaru Nakamura (ABŞ) və doqquzuncu turda Sergey Karyakinə (Rusiya) qalib gələn Vişvanatan Anand (Hindistan) hərəyə 4,5 xal toplayıblar.

Sonuncu turda Maksim Vaşye-Laqrav (Fransa) və Maqnus Karlsen, Levon Aronyan (Ermənistan) və Hikaru Nakamura arasında matçlar heç-heçə nəticələnib. Həmin gün azərbaycanlı qrossmeyster Şəhriyar Məmmədyarov oyundan azad idi. O, 3,5 xalla turniri yeddinci yerdə başa vurub.

Ölkә.Az

ŞƏRH YAZ
0

Şəhriyar Məmmədyarovdan növbəti heç-heçə, Teymur Rəcəbov oyunu davam etdirir

Şəhriyar Məmmədyarovdan növbəti heç-heçə, Teymur Rəcəbov oyunu davam etdirir
22:10
22.01.2019
209
İdman
A
Azərbaycan şahmatçıları Şəhriyar Məmmədyarov və Teymur Rəcəbovun da iştirak etdikləri “Tata Steel Masters-2019” turnirində bu gün doqquzuncu turun oyunları keçirilir.

"Ölkə.Az" xəbər verir ki, növbəti turda Şəhriyar Məmmədyarov polşalı Yan Kşiştov Duda ilə oyununu heç-heçə başa vurub. Teymur Rəcəbovun isə Vladimir Fedoseev ilə mübarizəsi davam edir.

Ölkə.Az

ŞƏRH YAZ
0

Məhkəmədən Ronalduya həbs cəzası

Məhkəmədən Ronalduya həbs cəzası
15:18
22.01.2019
577
İdman
A
Dünya futbolunun ulduzu Kriştianu Ronaldu hakim qarşısına çıxıb.

“Ölkə.Az” xəbər verir ki, Ronaldu vergi ödəməməkdə günahkar bilinib.

Madrid məhkəməsi onun barəsində 23 ay müddətinə həbs qətimkan tədbiri seçib. Ronaldu 23 ay müddətinə şərti həbs cəzası alıb.

Bundan başqa futbolçu İspaniya xəzinəsinə 18 milyon avrodan çox cərimə ödəməli olacaq.

Qeyd edək ki, “Yuventus”un hücumçusu 2011-2014-cü illər arasında 6 milyon avro məbləğində vergidən yayınıb. Müttəhim cinayətini etiraf edib.

Hikmət Həsənov
Ölkə.Az

ŞƏRH YAZ
0
BAĞLA