"Alyans yeni soyuq müharibəyə can atmır" — NATO-nun baş katibi

14:49
14.02.2018
737
Dünya
A
NATO yeni soyuq müharibəyə və ya silahlanma yarışına can atmır.

"Ölkə.Az" xəbər verir ki, bu bəyanatı qurumun baş katibi Yens Stoltenberq səsləndirib. Stoltenberq bildirib ki, alyans Rusiya ilə münasibətləri normallaşdırmaq üçün addımlar atır.

"NATO-müdafiə ittifaqıdır. Bizim addımlarımız proporsional və düşünülmüşdür. Soyuq müharibədən sonra uzun illər müttəfiqlər hərbi xərcləri və hərbi potensialı azaltdılar, Rusiya ilə partnyorluq qurmağa çalışdılar",-deyə baş katib bildirib.

Bununla yanaşı, Yens Rusiyanı Krımın qanunsuz ilhaqı, Ukraynanın şərqində vəziyyətin kəskinləşməsi ilə ittiham edib. Moskva isə dəfələrlə Ukraynada münaqişə tərəfi olmadığını bildirib və münaqişənin tezliklə həllində maraqlı olduğunu qeyd edib.

"Cavab olaraq biz proporsional müdafiə tədbirləri qəbul edirik, alyansın şərqdəki mövcudluğunu artırırıq. Eyni zamanda Rusiya ilə münasibətləri yaxşılaşdırmağa cəhd edirik, bizə yeni soyuq müharibə və silahlanma yarışı lazım deyil",- deyə Stoltenberq əlavə edib.

Hikmət Həsənov
Ölkə.Az

ŞƏRH YAZ
0

Paşinyanın oğlu Qarabağda əsgərlik çəkəcək

Paşinyanın oğlu Qarabağda əsgərlik çəkəcək
09:54
Bu gün
925
Dünya
A
Ermənistanın yeni baş naziri Nikol Paşinyanın yeganə oğlu Aşot Paşinyan hərbi xidmətə gedəcək.

"Ölkə.Az" xəbər verir ki, Paşinyan özünün "Facebook" səhifəsində bildirib ki, martda oğlunun 18 yaşı tamam olur və o, hərbi xidmətə yollanacaq.

Aşot Paşinyan isə işğal olunmuş Dağlıq Qarabağda hərbi xidmətdə olmaq istəyir.

Bununla yanaşı, Paşinyan hərbi xidmətdə olmayan həmvətənlilərini 20 gün ərzində Ermənistana qayıdaraq əsgərliyə yollanmağa da çağırıb.

Qeyd edək ki, Nikol Paşinyanın 3 qızı, 1 oğlu var.

ŞƏRH YAZ
0

Donald Tramp: görüş yeri və vaxtı dəyişməz qalır

Donald Tramp: görüş yeri və vaxtı dəyişməz qalır
09:36
Bu gün
667
Dünya
A
ABŞ prezidenti Donald Tramp əvvəl nəzərdə tutulduğu kimi, iyunun 12-də Sinqapurda Şimali Koreya lideri Kim Çen Inla görüşə biləcəyini deyib.

"Ölkə.Az" "RİA Novosti"yə istinadla xəbər verir ki, Tramp jurnalistlərə görüş üzərində çoxlu insanın işlədiyini bildirib. “Yaxşı irəliləyiş var. Biz iyunun 12-də Sinqapuru nəzərdə tuturuq, bu, dəyişməyib”, - deyə prezident qeyd edib.

Xatırladaq ki, mayın 24-də Donald Tramp Sinqapurda sammit keçirməkdən imtina etdiyi barədə Şimali Koreya lideri Kim Çen Ina məktub göndərmiş, bunu KXDR tərəfinin son bəyanatında nümayiş etdirdiyi “böyük qəzəb və açıq düşmənçilik” ilə əsaslandırmışdı.

Dünən isə KXDR lideri Kim Çen In və Cənubi Koreya Prezidenti Mun Ce-in arasında ikinci görüş olub. Tərəflər 27 aprel bəyannaməsinin ən qısa müddətdə reallaşdırılması niyyətlərini elan ediblər. Eyni zamanda, Kim Çen In ABŞ-la sammit keçirməkdə qərarlı olduğunu təsdiqləyib.

Ölkə.Az

ŞƏRH YAZ
0
BAĞLA