AMEA-nın bir neçə institutunda struktur və kadr dəyişiklikləri olub

AMEA-nın bir neçə institutunda struktur və kadr dəyişiklikləri olub
19:40
14.03.2018
2642
Ölkə
A
Azərbaycan Milli Elmlər Akademiyasının (AMEA) bir neçə institutunda struktur və kadr dəyişiklikləri baş verib.

“Ölkə.Az”ın  məlumatına görə, AMEA Rəyasət Heyətinin növbəti iclasında bu barədə qərar qəbul edilib.

Müvafiq qərarla AMEA Məhəmməd Füzuli adına Əlyazmalar, Genetik Ehtiyatlar, Geologiya və Geofizika institutlarının strukturunda qismən dəyişiklik edilib.

Digər qərarla AMEA-nın Elm Tarixi İnstitutunun İnformasiya və tərcümə şöbəsi yaradılıb.

İclasda kadr məsələlərinə də baxılıb. Biologiya üzrə fəlsəfə doktoru Mehrac Abbasov AMEA-nın Genetik Ehtiyatlar İnstitutunun elmi işlər üzrə direktor müavini, filologiya üzrə fəlsəfə doktoru Oruc Əliyev AMEA-nın Folklor İnstitutunun elmi işlər üzrə direktor müavini, filologiya üzrə fəlsəfə doktoru Elçin Abbasov isə həmin institutun elmi katibi vəzifəsinə təyin ediliblər.

ŞƏRH YAZ
0

Qanunsuz ağac kəsən daha bir nəfər cərimələndi

Qanunsuz ağac kəsən daha bir nəfər cərimələndi
12:33
Bu gün
30
Ölkə
A
Ekologiya və Təbii Sərvətlər Nazirliyinin “Qaynar xətt”inə Nəsimi rayonu, 3-cü mikrorayon, Hüseynbala Əliyev küçəsi 38 ünvanında ağac kəsintisi ilə bağlı daxil olan şikayət Nazirliyin əməkdaşları tərəfindən yerində araşdırılıb.

Bu barədə "Ölkə.Az"a nazirliyin mətbuat xidmətindən məlumat verilib.

Sözügedən əraziyə baxış keçirilib və məlum olub ki, tikinti işləri aparılan zaman 1 ədəd sərv ağacı kəsilib. Araşdırma zamanı torpaq sahəsinin Bakı şəhər İcra Hakimiyyəti və Bakı şəhər İcra Hakimiyyətinin Memarlıq və Şəhərsalma Baş İdarəsi tərəfindən qeyri-yaşayış obyektinin tikintisi məqsədilə Seymur İbrahimova ayrıldığı məlum olub.

Faktla bağlı qanun pozucusu barəsində akt və protokol tərtib edilib və o, İnzibati Xətalar Məcəlləsinə əsasən 2200 manat məbləğində cərimə edilib.

ŞƏRH YAZ
0

Səyyad Salahlı: "Ölkədə dini ayinlərin icrası ilə bağlı hər hansı qadağa yoxdur"

Səyyad Salahlı:
12:07
Bu gün
169
Ölkə
A
“Azərbaycanda heç vaxt dini zəmində qarşıdurma olmayıb”.

“Ölkə.Az”ın Report-a xəbərinə görə, bunu “Bakı prosesi: Dini icmalar və vəzifələr” mövzusunda keçirilən konfransda Dini Qurumlarla İş üzrə Dövlət Komitəsi sədrinin birinci müavini Səyyad Salahlı deyib.

O qeyd edib ki, Azərbaycanda digər xalqlara hörmətlə yanaşırlar: 
“Azərbaycan müxtəlif millətlərin nümayəndələri yaşayırlar. Onlara heç vaxt təzyiq olmayıb, əksinə hörmətlə yanaşıblar, diqqət göstəriblər”.

S.Salahlının sözlərinə görə, Prezident İlham Əliyevin uğurla həyata keçirdiyi “Bakı prosesi” öz nəticəsini verir:

 “Biz dini maarifləndirməni həyata keçirməliyik. Biz preventiv tədbirlər həyata keçirməklə ölkədə sabitliyi pozmağa yönəlmiş addımların qarşısını alırıq. Ölkədə dini ayinlərin icrası ilə bağlı hər hansı qadağa yoxdur. Məsələn, vəhhabilər bunu gizlətmirlər, deyirlər ki, biz hakimiyyətə gələcəyik, sizin malınızı mülkünüzü ələ keçirəcəyik. Bu, artıq dini fəaliyyət deyil. Ölkədə Konstitusiyanın tələblərinə əməl edilir. Biz imkan verə bilmərik ki, hansısa qruplar ölkənin siyasi quruluşunu dəyişsinlər. Bu, dünya xalqları tərəfindən də təqdir olunur”.

ŞƏRH YAZ
0
BAĞLA