AMEA-nın əsas binası zülmətə qərq oldu — Milyonluq borc

AMEA-nın əsas binası zülmətə qərq oldu
15:18
23.01.2018
2418
Ölkə
A
Bu gün Bakıda yerləşən Azərbaycan Milli Elmlər Akademiyasının (AMEA) əsas binasının elektrik enerjisi kəsilib.

“Ölkə.Az”-ın əldə etdiyi məlumata görə, binanın elektrik enerjisinin kəsilməsinə səbəb kimi AMEA-nın “Azərişıq” ASC-yə milyon manata yaxın borcunun olması göstərilir. 

AMEA-nın prezidenti, akademik Akif Əlizadə hazırda Fransada səfərdə olduğu üçün binaya elektrik enerjisinin verilməsi ilə bağlı danışıqlar onun müavini tərəfindən aparılır. 

Faktın doğruluğunu AMEA-dan “Ölkə.Az”-a təsdiq ediblər. 

Adının çəkilməsini istəməyən mənbə bildirib ki, AMEA-nın yaranma günündə elektrik enerjisi yaranan borca görə kəsilib.  

Qeyd edək ki, bu gün həm də AMEA-nın yaranma günüdür. 1945-ci il yanvarın 23-də AMEA yaradılıb. 

Vasif Həsənli
Ölkə.Az

ŞƏRH YAZ
0

Zakir Həsənov generallarla görüşün detallarını açıqladı

Zakir Həsənov generallarla görüşün detallarını açıqladı
13:16
Bu gün
392
Ölkə
A
"Azərbaycan-Gürcüstan-Türkiyə hərbi rəhbərlərinin 4-cü üçtərəfli görüşü Türkiyədə keçiriləcək".

"Ölkə.Az" xəbər verir ki, bunu Bakıda keçirilən 3-cü üçtərəfli görüşün yekunlarına dair mətbuat konfransında Azərbaycanın müdafiə naziri, general-polkovnik Zakir Həsənov deyib. 

O qeyd edib ki, Azərbaycanın müdafiə naziri, Türkiyə Silahlı Qüvvələrinin Baş Qərargah rəisi, ordu generalı Yaşar Güler və Gürcüstan Silahlı Qüvvələrinin Baş Qərargah rəisi, general-mayor Vladimer Çaçibaianın Bakı görüşü üç qardaş ölkənin rəhbərlərinin tapşırıqları əsasında həyata keçirilib. 

Nazir qeyd edib ki, görüş vaxtı regionda hərbi siyasi vəziyyət müzakirə edilib: "Görüş 3 qardaş ölkə əməkdaşlığının strateji səviyyədə olmasını təsdiq edir. Görüşün məqsədi 3 qardaş dövlətin regionda həyata keçirilən strateji, iqtisadi layihələrin təhlükəsizliyini təmin edilməsi, bölgədə sülhün və sabitliyin qorunmasına dəstək verməkdir".

Z.Həsənov qeyd edib ki, görüşdə işçi qrupunun bir neçə il ərzindəki fəaliyyətinə dair hesabat da dinlənilib: "2019-cu ilin fəaliyyət planını da təsdiqlədik. Görüşdə beynəlxaq hüquq əsaslanaraq dövlətlərin ərazi bütövlüyü, sərhədlərin toxunulmazlığı məsələsi vurğulandı. Üçtərəfli formatda hər üç ölkənin ordularının daha yüksək səviyyədə əməkdaşlığı təsdiq edildi. Hərbi, hərbi təhsil, hərbi tibb və digər sahələrdə əməkdaşlığın dərinləşdirilməsi planlaşdırılır və bununla bağlı qərar verdik. İqtisadi layihələrin təhlükəsizliyinin təmin olunması ilə bağlı üçtərəfli komanda qərargah təlimləri hazırda Türkiyə ərazində keçirilir. Bu ildən etibarən təlimlərdə əsgəri gücdən istifadə olunur. Növbəti üçtərəfli görüş Türkiyədə keçiriləcək".

Ölkə.Az

ŞƏRH YAZ
0

Piyadanı vurub qaçan sürücü tutuldu

Piyadanı vurub qaçan sürücü tutuldu
12:31
Bu gün
1317
Ölkə
A
Bakıda beş gün əvvəl qadın piyadanı vuraraq hadisə yerindən qaçan sürücü tutulub.

"Ölkə.Az" xəbər verir ki, bu barədə Daxili İşlər Nazirliyi məlumat yayıb. 

Belə ki, Suraxanı rayon Polis idarəsi əməkdaşlarının keçirdikləri əməliyyat-axtarış tədbirləri nəticəsində noyabrın 16-da Əntiqə Quliyevanın xəsarət alması ilə nəticələnən yol-nəqliyyat hadisəsini törətməkdə şübhəli bilinən “Mercedes” markalı avtomobilin sürücüsü, Bakı şəhər sakini Rəhim Rəhimov saxlanılıb.

Ölkə.Az

ŞƏRH YAZ
0
BAĞLA