Amerika bodibildinq ulduzu yeməkdən boğularaq öldü
ABŞ-ın 26 yaşlı bodibildinq ulduzu Duqlas Makarver dünyasını dəyişib.
"Ölkə.Az" xəbər verir ki, Florida ştatındakı evinin mətbəxində yeməkdən boğularaq ölən idmançının meyiti bir gün sonra tapılıb. Duqlasın hissiyatsız bədəni tanışları tərəfindən növbəti gün səhər saatlarında aşkar edilib.
Makarver xəstəxanaya çatdırılıb. Amma həkimlər onun artıq öldüyünü aşkar ediblər. Ölümündən bir müddət əvvəl Makarver rəfiqəsi Dana Brukla telefonda danışıb. O, qıza şam yeməyi hazırladığını bildirib.
Duqlasın boyu 183 sm, çəkisi isə 120 kq olub. O, karyerasına 21 yaşında başlayıb. 2016-cı ildə "Mister Olimpiya" çempionatında səkkizinci yeri tutub. 2017-ci ildə Avstraliyada keçirilən müsabiqə vaxtı səhnədə ikən huşunu itirib. Onun səhhəti ilə bağlı problemləri var idi.
Hikmət Həsənov
Ölkə.Az
