Amerikalı konqresmenlər Ağ Evi Myanmaya qarşı sanksiyalar tətbiq etməyə çağırdı
"Ölkə.Az" xəbər verir ki, 40-dan çox konqresmendən ibarət qrup ABŞ prezidenti Donald Trampın administrasiyasına məktub ünvanlayıb. Məktubda müsəlman rohincalara qarşı soyqırım həyata keçirən Myanma hökumətinə qarşı sanksiyaların tətbiq edilməsi təklif edilir.
Məktub dövlət katibi Reks Tillersona göndərilib. Məktubda konqresmenlər Myanma hərbi hökuməti və digər məmurlara qarşı konkret addımların atılmasını tələb edirlər. Əsasən Myanma hökumət nümayəndələrinin ABŞ-a girişinin qarşısının alınması istənilir.
Məktubun mətnində deyilir: "Görünür Birma hökuməti törədilənləri inkar edir. Biz Birma ərazisində sıxışıb qalanların və ya geri qayıtmaq istəyənlərin müdafiəsini təmin etmək üçün hərəkətə keçməyi tələb edirik".
Hikmət Həsənov
Ölkə.Az