Ana 10 aylıq körpə qızını boğub öldürdü — Ağdamdakı DƏHŞƏTLİ QƏTLİN TƏFƏRRÜATI

Ana 10 aylıq körpə qızını boğub öldürdü
10:20
19.09.2019
13117
Hadisə
A
Ağdam rayonunun Qərvənd kəndində 10 aylıq körpəsini öldürməkdə təqsirləndirilən Günel İsmayılovanın cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib. 

Cinayət işi hakim Nural Əliyevin icraatına verilib.

Məhkəmə hazırlıq iclası oktyabr ayının 1-nə təyin edilib.

Qeyd edək ki, hadisə bu ilin aprel ayında baş verib.

Hadisə ailə münaqişəsi zəminində baş verib. Qərvənd kəndində müvəqqəti məskunlaşan Laçın rayonundan məcburi köçkün, 27 yaşlı Günel İsmayılova həyat yoldaşı Ramil Ramiz oğlu İsmayılovla dalaşıb, bundan sonra 10 aylıq yeganə qız övladını boğaraq qətlə yetirib.

O, hadisədən sonra Ağdam Rayon Polis Şöbəsinə gedərək könüllü təslim olub və saxlanılaraq istintaqa cəlb olunub.

Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adamöldürmə), 120.2.9-cü təqsirkar şəxs üçün aşkar surətdə köməksiz vəziyyətdə olan adamı öldürmə) maddələri ilə ittiham verilib.

Məlumata görə, 27 yaşlı G.İsmayılova bir müddət əvvəl ikinci dəfə ailə həyatı qurub və ailədə tez-tez münaqişələr baş verib. Boşanmaq ərəfəsində olan qadın övladını boğaraq öldürüb. Öldürülən uşaq ailənin tək övladı olub.

Natiq Allahverdiyev
Ölkə.Az

ŞƏRH YAZ
1

Azərbaycanda ana uşağına zəhər içirdi

Azərbaycanda ana uşağına zəhər içirdi
14:25
Bu gün
608
Hadisə
A
Şamaxıda ehtiyatsızlıq səbəbindən üç yaşlı uşaq zəhərlənib.

"Ölkə.Az" oxu.az-a istinadən xəbər verir ki, bu gün səhər saatlarında Şamaxıda yaşayan 2016-cı il təvəllüdlü Rəhimov Cəlal Cəlil oğlu ehtiyatsızlıq səbəbindən zəhərlənib.

Uşağın vəziyyəti ağır olduğundan onu təcili olaraq Bakıya - 1 saylı Kliniki Tibbi Mərkəzə göndəriblər.

1 saylı Kliniki Tibbi Mərkəzin Toksikologiya şöbəsinin müdiri Azər Maqsudov açıqlamasında səhər saatlarında mərkəzə zəhərləmə ilə azyaşlı uşağın daxil olduğunu təsdiqləyib.

O bildirib ki, uşağın vəziyyəti ağır olduğundan Bakıya göndəriblər:

“Uşağın vəziyyəti həddindən artıq ağırdır. Anası səhvən uşağa xlorofos məhlulu içirib. Hazırda uşağın vəziyyəti kritikdir.

Həkimlər əllərindən gələni edir ki, onu ağır vəziyyətdən çıxarsınlar. Bu dəqiqə üçün heç nə demək mümkün deyil”.

Ölkə.Az

ŞƏRH YAZ
0

Azərbaycanda gəncin burnundan diş çıxdı — VİDEO

Azərbaycanda gəncin burnundan diş çıxdı
10:26
Bu gün
2128
Hadisə
A
Bakı şəhərindəki klinikaların birində çox az hallarda icra edilən əməliyyat olub. Burunun içindən çıxan diş cərrahi müdaxilə ilə çıxarılıb. Nadir hallarda baş verən bu əməliyyatı edən həkim "Xəzər Xəbər"ə danışıb.

Əvvəlcə burunun içərisinə alətlərlə müdaxilə edilib. Kiçik bir prosedurdan sonra isə orda bitən diş çıxarılıb.

Həkim-stomatoloq Naib Bayramov deyib ki, sözügedən əməliyyat nadir hallarda olur.

Onun sözlərinə görə, dişin burunun içində çıxması daha çox gizli formada olur və özünü demək olar ki, çox vaxt biruzə vermir. Nadir hallarda nəfəs almaqda problem kimi özünü biruzə versə də, çox vaxt sakit formada olur.

Naib Bayramov bildirib ki, dişin bu formada çıxmasının bir neçə səbəbi var. Həkimin sözlərinə görə, bu günə kimi belə problemlə 2 xəstə əməliyyat edilib.

Xezerxeber.az mövzu ilə bağlı daha ətraflı videomaterialı təqdim edir:

Ölkə.Az

ŞƏRH YAZ
0
BAĞLA