KORONAVİRUSA YOLUXANLARIN SAYI - CANLI STATİSTİKA

Ana 10 aylıq körpə qızını boğub öldürdü — Ağdamdakı DƏHŞƏTLİ QƏTLİN TƏFƏRRÜATI

Ana 10 aylıq körpə qızını boğub öldürdü
10:20
19.09.2019
14172
Hadisə
A
Ağdam rayonunun Qərvənd kəndində 10 aylıq körpəsini öldürməkdə təqsirləndirilən Günel İsmayılovanın cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib. 

Cinayət işi hakim Nural Əliyevin icraatına verilib.

Məhkəmə hazırlıq iclası oktyabr ayının 1-nə təyin edilib.

Qeyd edək ki, hadisə bu ilin aprel ayında baş verib.

Hadisə ailə münaqişəsi zəminində baş verib. Qərvənd kəndində müvəqqəti məskunlaşan Laçın rayonundan məcburi köçkün, 27 yaşlı Günel İsmayılova həyat yoldaşı Ramil Ramiz oğlu İsmayılovla dalaşıb, bundan sonra 10 aylıq yeganə qız övladını boğaraq qətlə yetirib.

O, hadisədən sonra Ağdam Rayon Polis Şöbəsinə gedərək könüllü təslim olub və saxlanılaraq istintaqa cəlb olunub.

Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adamöldürmə), 120.2.9-cü təqsirkar şəxs üçün aşkar surətdə köməksiz vəziyyətdə olan adamı öldürmə) maddələri ilə ittiham verilib.

Məlumata görə, 27 yaşlı G.İsmayılova bir müddət əvvəl ikinci dəfə ailə həyatı qurub və ailədə tez-tez münaqişələr baş verib. Boşanmaq ərəfəsində olan qadın övladını boğaraq öldürüb. Öldürülən uşaq ailənin tək övladı olub.

Natiq Allahverdiyev
Ölkə.Az

ŞƏRH YAZ
1

Azərbaycanda şok! Səsini yazıb özünü tövlədə asdı — SƏSYAZISI

Azərbaycanda şok! Səsini yazıb özünü tövlədə asdı
15:20
Bu gün
1492
Hadisə
A
Azərbaycanda tükürpədici hadisənin illər sonra şok təfərrüatı üzə çıxıb.

"Ölkə.Az" xəbər verir ki, Ucar rayonu,Küçəkənd kəndi ərazisində özünü asaraq intihar edən gəncin telefonda intihardan əvvəl şok səs yazısı tapılıb. Hadisə ilə bağlı Oxu24.com saytına açıqlama verən Əfruz Umarova bildirib ki, oğlu Şəmistan Umarov 14.08.2018-ci il tarixində yaşadığı evin tövləsində özünü asaraq intihar edib. Qadının sözlərinə görə, oğlunun asılmış meyitini bibisi Xuraman tapıb.

“Oğlumun asılmış meyitini bibisi görüb. Artıq onu tapanda ölmüşdü.Sonra onun mobil telefonunda baxanda səs yazısını tapdıq. Səs yazısı intihardan bir neçə dəqiqə əvvəl qeydə alınıb. Oğlum orada onu intihar etməyə məcbur edən şəxslərin adını açıqlayıb.”

Əfruz Umarovanın sözlərinə görə, oğlu Şəmistan Nərgiz adlı qızla ailə həyatı qurub. Övladları doğulana qədər ailədə hər şey normal olub. Daha sonra söz-söhbətlər baş verdikdən sonra qız atası evinə gedib. “Gəlinimiz acıq edib atası evinə getmişdi. Oğlum da onun arxasınca getdi. Amma evə gəlməkdən imtina etdi gəlin. Bu hadisədən sonra gəlinin anası və qardaşları oğluma təyziq etməyə başladı. Ona hədə-qorxu gəlirdilər. Şəmistan bu hədə-qorxulardan bezdiyi üçün özünü asıb. Özünün yazdığı səs yazısına hər şeyi açıq deyib. Onun telefonundan “Salam, bu səsi yazıram ki, məni Hikmət, Minayə bir də Nəsib məcbur etdi ki, özümə qəsd edəm.Telefonu axtarıb səs yazımı tapsınlar.

Anam,ailəm ,uşağım size çox sevirəm.Hələlik, məni məcbur edən bu insanlar oldu”.” Əfruz Umarovanın sözlərinə görə səs yazısında adı hallanan şəxslərdən Minayə oğlunun qayınanası digər şəxslər isə onun qayınlarıdır. Qadın açıqlamasında bildirib ki, bu səs yazısının olmasına baxmayaraq adları hallanan şəxslər məsuliyyətə cəlb edilməyib. Ananın bu gün narahatlığı da məhz bununla bağlıdır. “Həmin adamlar indi də kiçik oğlumu ölümlə hədələyir. Qorxuram ki, ona də nəsə olar. Hədə-qorxularla bağlı dəfələrlə rəsmi şəkildə şikayət etmişəm. Amma heç bir nəticə yoxdur. Gəlib evimizdən qızımın əşyaların aparıblar. Xahiş edirəm ki, bununla bağlı tədbir görülsün.”

Oxu24.com istintaq materialları ilə tanış olub. Materiallardan məlum olur ki, iş müstəntiq, II dərəcəli hüquqşünas Elvin Teymurzadənin icrratında olub. İş üzrə təyin edilmiş məhkəmə-fofonskopik ekspertiziyasının qəraraına görə, 31.01.2019-cu il tarixli 758 nömrəli rəyində göstərir ki, qeyd olunan səs montaj deyil.Ekspertiza qərara gəlib ki,intihar edən şəxsdə yüngül dərəcəli əqli gerilik xəstəliyinin kəskinləşməsi prosesi baş verib.Bu səbəbdən də intihar edib. Bu səbəbdən də cinayət işinin başlanmasına xitam verilib. Qadın bu rəylə razı olmadığını bildirib.

“Mənim oğlum əqli cəhətdən qüsurlu olsaydı hərbi xidmətə gedə bilməzdi.O normal insan idi.İşləyirdi, sürücülük vəsiqəsi var idi. Mal-qoyun alveri ilə məşğul olurdu. Sizcə, əqli geriliyi olan şəxs bu işləri görə bilərmi?Bizdə o rəyin verilməsində müəyyən şübhələr var. Bununla bağlı cənab Baş prokuror Kamran Əliyevə də rəsmi müraciət etmişik. Ümid edirəm ki, cənab prokuror bu məsələyə ədalətli qərar verəcək. Mənim istəyim ailəmizə qarşı təyziqlərin dayandırılması və günahı olan şəxslərin cəzalandırılmasıdır.” Oxu24.com intihar edən şəxs Şəmistan Umarovun intihardan əvvəl qeydə aldığı səs yazısını təqdim edir:

ŞƏRH YAZ
0

Bakıda dəhşətli qəza — Avtobus minik avtomobili ilə toqquşdu - VİDEO

Bakıda dəhşətli qəza
12:08
Bu gün
1753
Hadisə
A
Sabunçu rayonunda yol nəqliyyat hadisəsi baş verib.

"Ölkə.Az" xəbər verir ki, hadisə Sabunçu rayonunda baş verib. Rayonun Ramana qəsəbəsi ərazisində 214 saylı marşurut avtobusu ilə "Mersedes" markalı minik avtomobili toqquşub. Qəza zamanı xoşbəxtlikdən xəsarət alan olmasa da, minik avtomobilinə ciddi ziyan dəyib.

Hadisənin səbəbləri araşdırılır.

Ölkə.Az

ŞƏRH YAZ
0
BAĞLA