Ana 9 yaşlı oğlunu döydü, uşaq evdən qaçdı

Ana 9 yaşlı oğlunu döydü, uşaq evdən qaçdı
19:45
22.07.2019
2134
Ölkə
A
Abşeron rayonunda azyaşlı yaşadığı evi tərk edərək küçədə gecələyib.

"Ölkə.Az" xəbər verir ki, Abşeron rayon sakini, 9 yaşlı Tunar Əhmədlinin anası Aysel Hacıyeva tərəfindən döyüldükdən sonra evi tərk etdiyi güman edilir. Küçədə gecələyən uşaq bir neçə gündən sonra polislər tərəfindən tapılaraq "Uşaq Sığınacağı Reinteqrasiya Mərkəzi"nə gətirilib. Uşağın ilk ifadəsində məlum olub ki, 4 gün küçədə qalıb və buna səbəb anası tərəfindən şiddətə məruz qalmasıdır. 

"Azərbaycan Uşaqları Birliyi" İctimai Birliyi və Uşaq Sığınacağı Reinteqrasiya Mərkəzinin sədri Kəmalə Ağazadə Trend-ə açıqlamasında bildirib ki, hadisə ilə Abşeron Rayon Polis idarəsi və Rayon Prokurorluğu ciddi məşğul olur: 

“Uşaq bizə polis əməkdaşları tərəfindən gətirilib, onun üzərində zorakılıq izləri də var idi. Anasını tapmaq mümkün olmadığından biz sosial şəbəkələrdə Tunarın şəklini paylaşdıq və onu tanıyanlardan bizimlə əlaqə saxlamağı xahiş etdik. Ötən gün isə uşağın atası Rasim Əhmədli bizimlə əlaqə yaratdı və bu gün mərkəzə gəldi. Onunla söhbətdən sonra məlum oldu ki, Aysel Hacıyeva ilə boşanıblar, bu evlilikdən iki övladları var. Tunar uzun zaman atası ilə qalmağı israr edib, ancaq aliment probleminə görə Aysel övladını atasının yanına buraxmayıb və uşağa qarşı şiddət göstərib”. 

Mərkəz sədri qeyd edib ki, Tunar hazırda məhkəmə-tibbi ekspertizasına göndərilib: 

“Biz sonradan Aysel Hacıyeva ilə də görüş keçirmişik və ilkin ehtimallara görə, uşağın bədənində olan xəsarətlər ana tərəfindən olub. O bildirib ki, Rasim Əhmədli uzun zamandır yığılan borcu az miqdarda ödəyib. Aysel hazırda yeni ailə qurub və bu nikahdan iki övladı var, birinə isə hamilədir. Tunar hazırda ekspertizadadır və çox güman ki, hadisə öz təsdiqini taparsa, anaya cinayət işi açılacaq, istintaqa cəlb olunacaq”. 

Ölkə.Az

ŞƏRH YAZ
0

Bərdə ölkənin ən inkişaf etmiş regionlarından birinə çevrilir

Bərdə ölkənin ən inkişaf etmiş regionlarından birinə çevrilir
18:30
Bu gün
131
Ölkə
A
Prezident İlham Əliyevin birbaşa rəhbərliyi və xüsusi qayğısı nəticəsində ölkəmizdə həyata keçirilən genişmiqyaslı quruculuq tədbirləri, əhalinin sosial müdafiəsinin daha da gücləndirilməsinə artan dövlət qayğısı, iş yerlərinin açılması keyfiyyətcə yeni mərhələyə qədəm qoyub. Yeni mərhələ deyərkən təbii ki, prezidentin son iki ildə ardıcıl və sistemli şəkildə həyata keçirdiyi siyasi, iqtisadi, sosial və dövlət strukturunun daha da təkmilləşdirilməsi üçün həyata keçirilən genişmiqyaslı islahatlardan söhbət gedir. Bu islahatlar təkcə paytaxt Bakının deyil, bütün regionların inkişafı üçün böyük önəm kəsb edir.

Aparılan islahatların və düzgün siyasi kursun nəticəsində ölkəmizin bütün rayonlarında inkişaf dinamikası hiss olunmaqdadır. Və həqiqət naminə onu da deməliyik ki, bu inkişaf dinamikasının ən çox hiss olunan rayonlarından biri də Bərdədir. Həyati əhəmiyyətli problemlərin aradan qaldırılması, kənd təsərrüfatı məhsullarının istehsalında irəliləyiş, sənaye, tikinti, nəqliyyat və rabitə sahələrindəki inkişaf, yeni xidmət və digər infrastruktur obyektlərinin istifadəyə verilməsi, məşğulluğun səviyyəsinin yüksəldilməsi və digər zəruri tədbirlərin həyata keçirilməsi prosesində Bərdə rayonu son illər ön mövqeyə çıxıb və ümumilikdə demək olar ki, Bərdə rayonu ölkənin ən sürətlə inkişaf edən rayonlarından birinə çevrilib. 

Bu inkişafı hər bir bərdəli hiss etdiyi kimi, kənardan gələn qonaqlar da hiss edirlər. Çünki Azərbaycanın ən qədim və tarixi diyarlarından biri olan Bərdənin müasir gözəlliyi bu gün göz oxşayır. Bərdənin gözəlliyi və yenidən qurulan infrastrukturu, o cümlədən sosial inkişafı ətraf rayonlardan fərqlənir və bu fərq elə Bərdəyə ayaq basar-basmaz hiss olunur.  

Hələ sovet dönəmində Azərbaycanda Kənd Təsərrüfatının, xüsusən də pambıqçılığın inkişafında xüsusi yer tutan Bərdə bu gün də Azərbaycanda pambıqçılığın mərkəzi hesab olunur. Son illərdə prezident İlham Əliyevin Kənd Təsərrüfatının imkişafında pambıqçılığa verdiyi önəm hamıya aydındır və son bir neçə ildə Azərbaycanda pambıqçılığın sürətlə inkişafı da bunun bariz nümunəsidir. Bərdə rayonu isə sovet dönəmində olduğu kimi, bu gün də Azərbaycan pambıqçılığının mərkəzidir. 

Son illərdə Bərdədə təkcə pambıqçılıq inkişaf etməyib, eyni zamanda rayonda bostan, tərəvəz, şəkər çuğunduru, günəbaxan əkininin sahəsi xeyli genişlənib. Ardıcıl olaraq həyata keçirilən məqsədyönlü təşkilat-təsərrüfat və sosial quruculuq tədbirləri nəticəsində iqtisadiyyatın əsas sahələri üzrə ahəngdar inkişafa nail olunub. 

Qeyd etmək lazımdır ki, əvvəlki illərdə rayon iqtisadiyyatının əsas sahəsini kənd təsərrüfatı təşkil edirdisə, indi bununla yanaşı, digər sahələr, xüsusilə tikinti-quruculuq işləri də genişlənir. Bu gün hər bir bərdəli fəxrlə rayonda aparılan quruculuq və yenidənqurma işlərinin aparılmasından danışır. 

Həyata keçirilən aqrar islahatlar nəticəsində torpaq və əmlakın özəlləşdirilməsi, uzunmüddətli kreditlərin verilməsi, regionların sosial-iqtisadi inkişafı Dövlət Proqramında nəzərdə tutulmuş tədbirlərin həyata keçirilməsi, buğda və digər kənd təsərrüfatı məhsulları istehsalçılarının maddi marağının təmin edilməsi üçün dövlət büdcəsinin vəsaiti hesabına əkilən hər hektara görə yardım verilməsi kənd təsərrüfatı məhsulları istehsalçılarının marağını daha da artırıb. Bərdəlilər özləri deyir ki, düzgün aparılan ardıcıl siyasət nəticəsində onların həyat şəraiti durmadan yaxşılaşır və bunu bərdəlilər hər il daha çox hiss edirlər. 

Qeyd edək ki, Prezident İlham Əliyevin fəaliyyətinin əsas istiqamətini də məhz regionların sosial-iqtisadi inkişafı və əhalinin həyat yüksəlişinin davamlı təmin edilməsi təşkil edir. Bu baxımdan deyə bilərik ki, Bərdədə aparlan düzgün siyasət məhz Prezident İlham Əliyevin fəaliyyətinin reallaşmasına hədəflənib və bu baxımdan rayon rəhbərliyinin səmərəli fəaliyyəti ancaq təqdir olunmalıdır. Yaradılan əlverişli şəraitin nəticəsidir ki, hər bir bərdəli həyat şəraitində baş verən müsbət dəyişiklikləri hiss edirlər.

ŞƏRH YAZ
0

Dünyanı vahiməyə salan koronavirusa yoluxmaq istəmirsinizsə, bunları mütləq edin

Dünyanı vahiməyə salan koronavirusa yoluxmaq istəmirsinizsə, bunları mütləq edin
18:16
Bu gün
558
Ölkə
A
Koronaviruslar soyuqdəymədən tutmuş Orta Şərq Respirator Sindromu və Şiddətli Kəskin Respirator Sindromuna (SARS) qədər müxtəlif xəstəliklərə səbəb olan böyük bir virus qrupudur.

"Ölkə.Az" BAKU.WS-ə istinadən xəbər verir ki, xəstəliyin kliniki simptom və əlamətləri əsasən hərarətdir, bəzi pasiyentlərdə döş qəfəsi rentgenoqrafiyalarının nəticələrində hər iki ağciyərdə infiltrasiya və tənəffüs çatışmazlığı müşahidə olunub.

Beynəlxalq sərnişinlər: ehtiyat tədbirləri

Xəstəliyin baş qaldırdığı bölgələrə və ya bölgələrdən (hazırda Vuhan şəhəri) səfər edərkən kəskin respirator xəstəlik riskini aşağıdakı vasitələrlə azaltmaq məqsədəuyğun hesab edilir:

Kəskin respirator xəstəliklərdən əziyyət çəkən insanlarla yaxın təmasda olmamaq;
Əlləri mütəmadi yumaq, xüsusilə xəstə insanlar və onların ətraf mühiti ilə birbaşa təmasdan sonra;
Canlı və ya ölü ferma, yaxud da vəhşi heyvanlarla yaxın təmasdan çəkinmək;
Kəskin respirator infeksiyanın simptomlarını daşıyan sərnişinlər öskürərkən məsafə saxlamalı, öskürərkən və asqırarkən ağızlarını birdəfəlik istifadə üçün dəsmalla bağlamalı, əllərini yumalıdırlar.

ŞƏRH YAZ
0
BAĞLA