KORONAVİRUSA YOLUXANLARIN SAYI - CANLI STATİSTİKA

Ana 9 yaşlı oğlunu döydü, uşaq evdən qaçdı

Ana 9 yaşlı oğlunu döydü, uşaq evdən qaçdı
19:45
22.07.2019
2467
Ölkə
A
Abşeron rayonunda azyaşlı yaşadığı evi tərk edərək küçədə gecələyib.

"Ölkə.Az" xəbər verir ki, Abşeron rayon sakini, 9 yaşlı Tunar Əhmədlinin anası Aysel Hacıyeva tərəfindən döyüldükdən sonra evi tərk etdiyi güman edilir. Küçədə gecələyən uşaq bir neçə gündən sonra polislər tərəfindən tapılaraq "Uşaq Sığınacağı Reinteqrasiya Mərkəzi"nə gətirilib. Uşağın ilk ifadəsində məlum olub ki, 4 gün küçədə qalıb və buna səbəb anası tərəfindən şiddətə məruz qalmasıdır. 

"Azərbaycan Uşaqları Birliyi" İctimai Birliyi və Uşaq Sığınacağı Reinteqrasiya Mərkəzinin sədri Kəmalə Ağazadə Trend-ə açıqlamasında bildirib ki, hadisə ilə Abşeron Rayon Polis idarəsi və Rayon Prokurorluğu ciddi məşğul olur: 

“Uşaq bizə polis əməkdaşları tərəfindən gətirilib, onun üzərində zorakılıq izləri də var idi. Anasını tapmaq mümkün olmadığından biz sosial şəbəkələrdə Tunarın şəklini paylaşdıq və onu tanıyanlardan bizimlə əlaqə saxlamağı xahiş etdik. Ötən gün isə uşağın atası Rasim Əhmədli bizimlə əlaqə yaratdı və bu gün mərkəzə gəldi. Onunla söhbətdən sonra məlum oldu ki, Aysel Hacıyeva ilə boşanıblar, bu evlilikdən iki övladları var. Tunar uzun zaman atası ilə qalmağı israr edib, ancaq aliment probleminə görə Aysel övladını atasının yanına buraxmayıb və uşağa qarşı şiddət göstərib”. 

Mərkəz sədri qeyd edib ki, Tunar hazırda məhkəmə-tibbi ekspertizasına göndərilib: 

“Biz sonradan Aysel Hacıyeva ilə də görüş keçirmişik və ilkin ehtimallara görə, uşağın bədənində olan xəsarətlər ana tərəfindən olub. O bildirib ki, Rasim Əhmədli uzun zamandır yığılan borcu az miqdarda ödəyib. Aysel hazırda yeni ailə qurub və bu nikahdan iki övladı var, birinə isə hamilədir. Tunar hazırda ekspertizadadır və çox güman ki, hadisə öz təsdiqini taparsa, anaya cinayət işi açılacaq, istintaqa cəlb olunacaq”. 

Ölkə.Az

ŞƏRH YAZ
0

AQTA 76 ictimai iaşə və ərzaq satışı müəssisəsində qayda pozuntusu aşkarladı — FOTO

AQTA 76 ictimai iaşə və ərzaq satışı müəssisəsində qayda pozuntusu aşkarladı
18:50
Bu gün
482
Ölkə
A
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

Agentlikdən verilən məlumata görə, AQTA əməkdaşları tərəfindən 12 iyul 2020-ci il tarixində Bakıda, eləcə də regionlarda fəaliyyət göstərən 41-i ictimai iaşə obyekti, 153-ü ərzaq satışı mağazası olmaqla, ümumilikdə 194 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 76-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.

Bakı şəhəri üzrə:

“Grandmart” (Nəsimi rayonu), “Speed One Enter” MMC-yə məxsus ərzaq mağazası, “Nihat”, “77 market”, “Best mart”, “Bizim”, “Sev al”, “Səba”, “Amin” marketləri, Ələsgərov Adil Kamal oğluna, İbrahimov Akif İbrahim oğluna, Cəfərov Elgün Elşad oğluna, Mirzəyev Vasif Nazir oğluna məxsus ərzaq mağazaları;

Digər şəhər və rayonlar üzrə:

Qobustan rayonunda Zaidov Vahid Əvəz oğluna məxsus kafe və Axundov Qabil Nuru oğluna məxsus “Dostlar” kafesi;

Quba rayonunda Kərimli Mahmud Seyran oğluna, Xəlilov Toğrul Ağalar oğluna, Rzayev Xoşbəxt Zeynalabdin oğluna və Manafov Qədim Cahangir oğluna məxsus kafelər;

Salyan rayonunda Əliyev Natiq Absalam oğluna və Abberin Çingiz Abbasqulu oğluna məxsus ərzaq mağazaları;

Ağsu rayonunda Məmmədov Əli Gülməmməd oğluna məxsus kafe (fəaliyyəti məhdudlaşdırılıb);

Şamaxı rayonunda “Farel”, “Məlhəm”, “Çənlibel”, “Sənan”, “Xan”, “Zümrüd”, “Avtovağzal” kafeləri, Hüseynov Rauf Nurəddin oğluna, Hüseynov Rafiq Kamal oğluna, Eyyubov Anar Məhəmməd oğluna məxsus kafelər, İsmayıllı Yılmaz İslam oğluna və Əliyev Röyal Ədalət oğluna məxsus ərzaq mağazaları;

Kürdəmir rayonunda Sərdarov Əflatun Sərdar oğluna, Səfərov Adil Nazim oğluna məxsus market, Bəşirov Niyazi Bircəxan oğluna məxsus kafe;

Göyçay rayonunda Yəhyazadə İdrak Vaqif oğluna, Cəbrayılov Elçin Fizuli oğluna məxsus marketlər, Salmanov Cümşüd Behbud oğluna, Şirinov Fuad Güloğlan oğluna, Qədimov Elnur Ağaməmməd oğluna, Həmidov Adil Oqtay oğluna, Xəlilov Rəfael Rəsul oğluna məxsus kafelər, Yusubov Tahir Məhəmməd oğluna, Şirinov Elşad Ədalət oğluna, Qasımov Elnur Natiq oğluna, Həşimov Elnur Oqtay oğluna, Kazımov Seyidməmməd Mirəli oğluna, Əliyev İlqar Murtuz oğluna, Mütəllimov Ceyhun İbrahim oğluna məxsus ərzaq mağazaları və Süleymanov Pünhan İlham oğluna məxsus “Şəki şirniyyat” mağazası;

Lənkəran rayonu, Şürük kəndində Mahmudov Şahmar Mirnazim oğluna məxsus “Ballı” market;

Astara rayonunda Süleymanov Rövşən Rakif oğluna məxsus market;

Bərdə rayonunda Şükürov Heydər Sabir oğluna, Mürsəlov Azər Əziz oğluna, İbişov İlqar Kamal oğluna, Zülfüzadə Rüfət Rəhman oğluna, Mehdizadə Cavid Qırımxan oğluna, Qurbanov İlqar Kərim oğluna, Məmmədov Mehman Vahid oğluna məxsus ərzaq mağazaları;

Gəncə şəhərində “Oba” (N.Nərimanov, 50A), “Orxan”, “Oba” (Gülüstan yaşayış massivi), “Delfin”, “Panda”, “Sevimli dad” marketləri və Quliyeva Nərminə Qasım qızına, Nağıyev Məhəmməd Cəbrayıl oğluna məxsus ərzaq mağazaları;

Gədəbəy rayonunda “Qorxmaz”, “Əkbər”, “Meh”, “Aşağı Narzan”, “Nuşican”, “Eldorado” və “Ləzzət” kafeləri.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

 

 

ŞƏRH YAZ
0

Azərbaycan Respublikası Gənclər Təşkilatları Milli Şurası bəyanat yayıb

Azərbaycan Respublikası Gənclər Təşkilatları Milli Şurası bəyanat yayıb
18:45
Bu gün
477
Ölkə
A
İyulun 12-də günorta saatlarından başlayaraq Ermənistan silahlı qüvvələri artilleriya qurğularından istifadə etməklə atəşkəs rejimini kobud şəkildə pozaraq Azərbaycan və Ermənistan dövlət sərhədinin Tovuz rayonu istiqamətindəki ordumuzun mövqelərini atəşə tutublar.

Azərbaycan Respublikası Gənclər Təşkilatları Milli Şurasının Bəyanatında belə deyilir. 

Bəyanatda qeyd olunur ki, düşmənin bu təxribatına milli ordumuz böyük rəşadət nümayiş etdirərək sarsıdıcı cavab verib, ağır itkilər verən Ermənistan silahlı birləşmələrinin həmləsi qətiyyətlə dəf edilib. Ali baş komandanımızın qəti iradəsi, zabitlərimizin peşəkarlığı, əsgərlər arasında hökm sürən ruh yüksəkliyi və hərbi birləşmələrimizin maddi-texniki gücü növbəti dəfə Azərbaycan əsgərinin, ordusunun və dövlətinin düşmən üzərindəki gücünü və üstünlüyünü şərtləndirib.

Hücumun qarşısını alarkən Azərbaycan Ordusunun gənc hərbi qulluqçuları qəhrəmancasına şəhid olublar. Bu bir daha hər bir Azərbaycan gəncinin vətənin müdafiəsi və tarixi-əzəli torpaqlarımızın işğaldan azad edilməsi istiqamətində ən yüksək fədakarlığa hazır olduğunu nümayiş etdirdi. Bütün xalqımız növbəti dəfə Azərbaycan gənci, Azərbaycan əsgəri ilə fəxr etdi, sonsuz dərəcədə qururlanmış oldu.

Allah şəhidlərimizə rəhmət etsin, yaralı əsgər və zabitlərimizə şəfa versin!

Ölkənin bir çox aparıcı gənclər təşkilatlarını və on minlərlə gənci ətrafında birləşdirən Azərbaycan Respublikası Gənclər Təşkilatları Milli Şurası olaraq, cəbhə xəttində və sərhəddə baş vermiş təxribatla bağlı aşağıdakıları bəyan edirik:

1. Ermənistan hökuməti təcavüzkar siyasətini davam etdirərək Ermənistan-Azərbaycan Dağlıq Qarabağ münaqişəsinin nəticələrini aradan qaldırmaq, işğalçı qüvvələrini Azərbaycanın beynəlxalq tanınmış ərazilərindən çıxarmaq əvəzinə, yeni mövqelər ələ keçirmək, gərginliyi artırmaq məqsədilə təxribatlar törədir. Bu təxribatları Azərbaycanın ərazi bütövlüyünə yeni təhdid kimi qiymətləndirir və sərt şəkildə qınayırıq. Beynəlxalq ictimaiyyəti münaqişənin həllinə zərbə vuran və yeni təhdidləri ortaya çıxaran bu kimi təxribatlara düzgün hüquqi-siyasi qiymət verməyə, Ermənistanı təcavüzkar siyasətini dayandırmağa məcbur edəcək qərarlar almağa çağırırıq,

2. Səngərdə mətanətlə torpaqlarımızı müdafiə edən, ərazi bütövlüyümüzün bərpası uğrunda mübarizəyə daima hazır olan ordumuza dəstək verir və onlarla həmrəylik ifadə edirik,

3. Ermənistanın ölkəmizə qarşı artıq 30 ildir davam edən işğal və hərbi təcavüz siyasətinin regionda sülhə, sabitliyə və inkişafa qarşı ən böyük təhdid olduğunu bir daha vurğulayır və işğalın beynəlxalq təşkilatlar, böyük dövlətlərin liderləri, beynəlxalq ictimai xadimlər, xarici ölkələrin beyin mərkəzləri, qabaqcıl ali təhsil müəssisələrinin diqqətinə çatdırmaq üçün bütün ictimaiyyəti sosial şəbəkələrdə fəal olmağa və #StopArmenianAggression #KarabakhisAzerbaijan #WarCriminals həştəqləri ilə paylaşımlar etməyə dəvət edirik,

4. Bütün beynəlxalq təşkilatlara, o cümlədən Birləşmiş Millətlər Təşkilatına (BMT), Avropada Təhlükəsizlik və Əməkdaşlıq Təşkilatına (ATƏT), Avropa Şurasına (AŞ), Avropa İttifaqına (Aİ) və digərlərinə müraciət edərək, Ermənistan hökumətinə beynəlxalq öhdəliklərinə və beynəlxalq təşkilatların qəbul etdiyi qərarlara, o cümlədən BMT Təhlükəsizlik Şurasının 822, 853, 874 və 884 saylı qətnamələrinə riayət etməyə vadar etməyə çağırırıq,

5. Hazırkı həssas məqamda paylaşılan və yayılan məlumat və foto-videolar vətəndaşlarımızı sayıq olmağa, ordumuzun hərbi texnikalarının və canlı qüvvəsinin hərəkət istiqaməti və ya onların toplandığı yerlər haqqında foto və videoları heç bir halda yayımlamamağı, eyni zamanda məlumat paylaşdığınız zaman yalnız rəsmi mənbələrə istinad etməyinizi xahiş edirik.

Ölkəmizin ən böyük gənclər təşkilatları platforması olaraq, Ermənistan-Azərbaycan, Dağlıq Qarabağ münaqişəsi və torpaqlarımızın işğalı ilə bağlı məlumatların dünya ictimaiyyətinə çatdırılması üçün gənclər təşkilatları səfərbər ediləcək və ardıcıl, mütəmadi sosial kampaniyalar vasitəsilə Azərbaycan həqiqətləri beynəlxalq birliyin diqqətinə çatdırılacaq.

Azərbaycan Respublikası Gənclər Təşkilatları Milli Şurası olaraq bütün sosial şəbəkə istifadəçilərini, ictimai fəalları və qeyri-hökumət təşkilatlarını bu fəaliyyətə dəstək verməyə dəvət edirik!

Şəhidlər ölməz, vətən bölünməz!

Qarabağ Azərbaycandır!

Biz birlikdə güclüyük!

ŞƏRH YAZ
0
BAĞLA