Ana dilini qorumaq üçün professor özünü yandırdı

Ana dilini qorumaq üçün professor özünü yandırdı
07:59
12.09.2019
7413
Dünya
A
Rusiyanın Udmurditya Respublikasının Dövlət Universitetinin professoru 79 yaşlı Albert Razin ana dilinin öyrənilməsinə imkan verilməməsi və sıradan çıxmasına etiraz olaraq öz həyatına qəsd edib.

“Ölkə.Az” “360”-a istinadən xəbər verir ki, professor İjevskdə parlament binası qarşısında  təkbaşına  milli Udmurt dilinin qorunması məqsədi ilə  “Mənim Vətənim varmı?” və  “Əgər ana dilim sabah sıradan çıxacaqsa,  o zaman mən bu gün ölməyə hazıram!” şüarı ilə aksiya keçirib və sonda isə özünə od vuraraq yandırıb.

Udmurtiyalı professor aldığı yanıq xəsarətindən xəstəxanada dünyasını dəyişib.  Onun bədənin 90 faizi, xüsusən də  nəfəs orqanlarında ciddi yanıq olduğundan həyatını xilas etmək mümkün olmayıb.

Alim uzun illər Udmurt dilinin qorunması istiqamətində mübarizə aparıb. Bu məqsədlə bir il öncə  həmfikirləri ilə  Udmurtiya parlamentinə Udmurtlara könüllü olaraq öz ana dillərini öyrənməsi barədə müraciət ünvanlayraq, bununla bağlı qanun qəbul olunmasını istəyiblər. Müracitdə Udmurt dilinin artıq sıradan çıxdığını qeyd edərək, narahatlıqlarını ifadə ediblər.

Albert Razini yaxından tanıyanlar onun  belə bir addım atmasından dəhşətə gəliblər. Onlar qeyd ediblər ki, Albert ömür boyu ana dilinin  qorunması istiqamətində çox ciddi mübarizə aparıb.

“Udmurtlık” cəmiyyətinin rəhbəri Aleksey Şklyayevin fikrincə Albert razin belə bir addım atması ancaq  Udmurt dilinin  və mədəniyyətinin məhv olmasına diqqəti cəlb etmək olub.

Mürtəza

Ölkə.Az

ŞƏRH YAZ
0

ABŞ-da silahlı insident zamanı 3-ü azyaşlı olmaqla 5 nəfər ölüb

ABŞ-da silahlı insident zamanı 3-ü azyaşlı olmaqla 5 nəfər ölüb
02:08
Bu gün
220
Dünya
A
ABŞ-ın San-Dieqo şəhərində üçü uşaq olmaqla 5 nəfər silahlı insident nəticəsində ölüb.

"Ölkə.Az" APA-ya istinadən xəbər verir ki, bu barədə “Fox News” telekanalı məlumat yayıb.

Polisin bildirdiyinə görə, səhər saatlarında 911 xidmətinə zəng gəlib, telefonda isə ancaq mübahisə səsləri eşidilib. Daha sonra növbəti zəngi atışma səsləri eşidən qonşulardan biri edib.

Çağırış ünvanına gedən polis əməkdaşları evdə bir uşağın qan içərisində yerdə uzandığını görüb və evə daxil olub. Hadisə yerində bir qadın, bir kişi və 3 yaşlı uşağın meyitləri aşkar olunub. Oradan götürülən 5 və 9 yaşlı uşaqlar isə sonradan xəstəxanada keçinib. 11 yaşlı daha bir oğlan uşağı əməliyyat olunub, onun vəziyyəti barədə məlumat verilmir.

Telekanalın bildirdiyinə görə, qadın evdə 4 uşağı ilə yaşayırmış. Onun həmin kişi ilə hansı əlaqəsinin olması hələ ki müəyyən edilməyib. Polis qatilin ölənlərdən birinin olduğunu hesab edir.

Ölkə.Az

ŞƏRH YAZ
0

Fransada “sarı jiletlilər” yenə aksiya keçirdi — 147 nəfər saxlanıldı

Fransada “sarı jiletlilər” yenə aksiya keçirdi
01:47
Bu gün
188
Dünya
A
Fransada "sarı jiletlilər"in aksiyası zamanı 147 nəfər saxlanılıb, 8 min 861 nəfər isə yoxlandıqdan sonra sərbəst buraxılıb.

"Ölkə.Az" report-a istinadən xəbər verir ki, bu barədə Paris şəhər prefekturası məlumat yayıb.

Aksiya zamanı ticarət obyektlərinə, avtomobillərə, ictimai məntəqələrə, küçələrə ciddi zərər yetirilib. Ən çox ziyan Parisin İtaliya meydanındakı “İtaliya 2” ticarət mərkəzinə dəyib.

Fransa Daxili İşlər Nazirliyinin yaydığı məlumata əsasən, aksiyada Fransa üzrə 28 min nəfər, paytaxtda isə 4 min 700 nəfər iştirak edib.

Polis Parisdə və paytaxtın kənarında etiraz edən “sarı jiletlilər”ə qarşı gözyaşardıcı qaz və tüstü şaşkalarından istifadə edib.

Xatırladaq ki, bir il bundan qabaq “sarı jiletlilər”in ilk aksiyasında on dəfə çox, 280 min nəfər iştirak etmişdi.

Ölkə.Az

ŞƏRH YAZ
0
BAĞLA