Ana oğlunu məhkəməyə verdi — MƏHKƏMƏ

Ana oğlunu məhkəməyə verdi
19:03
10.07.2019
677
Ölkə
A
Azərbaycanda ana övladını məhkəməyə versə də, məhkəmə ədaləti bərpa edib.

"Ölkə.Az" Oxu.Az-a istinadən xəbər verir ki, tərəflərdən biri - Kamil İsmayılovun verdiyi xəbərə görə, tərəflər arasında Bakı şəhəri, Rəsulzadə qəsəbəsi, C.Xəndan küçəsi, 12 A saylı evin mülkiyyət hüququ üzrə mübahisə yaranıb.

Binəqədi Rayon Məhkəməsinin 5 aprel 2007-ci il tarixli qətnaməsinə əsasən, evin alıcısı qismində İsmayılov Kamil Ənvər oğlunun tanınması və evin onun mülkiyyətinə verilməsi, həmin mənzil üzərində İsmayılova Gülbəniz Rəsul qızının və İsmayılov Ənvər Kamil oğlunun mülkiyyət hüquqlarına xitam verilməsi qərara alınıb.

Lakin həmin qətnamədən cavabdeh G.İsmayılova tərəfindən verilmiş apellyasiya şikayəti 11 il sonra - 27 iyun 2018-ci ildə Binəqədi Rayon Məhkəməsinə daxil olub, baxılması üçün mülki işlərlə birlikdə Bakı Apellyasiya Məhkəməsinə göndərilib.

Məhkəmə iclasında iddiaçı K.İsmayılov izahatında göstərib ki, məhkəmə qətnaməsi çıxarıldıqdan 11 il sonra anası, yəni cavabdeh G.İsmayılova tərəfindən apellyasiya şikayətinin verilməsi qanunsuzdur.

Halbuki qətnamə çıxarılarkən anası və atası Ənvər İsmayılov qətnamə ilə razılaşıblar. Məhkəmə qətnamə qəbzinə imza edilməklə, K.İsmayılovun anası tərəfindən qəbul edilib. Lakin bu barədə xəbərnamə, qəbz iş materiallarından çıxarılaraq mülki iş yenidən siyahıya alınıb və siyahıda həmin qətnamə göstərilməyib.

Sonra məhkəmə hesab edib ki, şikayət geri qaytarılmalıdır. Çünki Mülki Prosessual Məcəlləsinin 360-cı maddəsinə əsasən, apellyasiya şikayəti məhkəmə qətnaməsi rəsmi qaydada verildiyi gündən bir ay müddətinə verilə bilər.

Eyni zamanda, məhkəmə bu qənaətə gəlib ki, G.İsmayılova məhkəmə qətnaməsini 6 iyun 2018-ci il tarixində təkrarən alıb. Bu hal da apellyasiya şikayətinin verilməsi üçün buraxılmış prosessual müddətin bərpa edilməsi üçün əsas ola bilməz.

İş materiallarının qətnamənin alınmasına dair poçt xəbərnamələrinin sıralandığı səhifələrə nəzər yetirdikdə müəyyən olunur ki, orada 118 nömrəli səhifə çıxarılıb.

Məhkəmə qərar çıxardıqdan sonra G.İsmayılova Binəqədi Rayon Məhkəməsinin qərarından apellyasiya şikayəti verib.

Şikayətə Bakı Apellyasiya Məhkəməsində hakim Vüqar Həsənovun sədrliyi ilə iyulun 16-da baxılacaq.

Ölkə.Az

ŞƏRH YAZ
0

Evində çətənə becərirmiş — FOTO

Evində çətənə becərirmiş
21:47
16.07.2019
4128
Ölkə
A
Ağdamda xüsusi qulluq edilmiş çətənə kolları aşkar edilib.

“Ölkə.Az” DİN Mətbuat Xidmətinin Bərdə regional qrupuna istinadən xəbər verir ki, Ağdam RPŞ-nin əməkdaşları tərəfindən əməliyyat keçirilib.

Həyata keçirilmiş tədbirlər nəticəsində çətənə bitkisi yetişdirməkdə şübhəli bilinən İmamqulubəyli qəsəbə sakini Azər Allahverdiyev saxlanılıb.

Onun yaşadığı ünvana baxış keçirilən zaman evin həyətində aqrotexniki qaydada qulluq etdiyi ümumi çəkisi 8 kiloqram 870 qram olan 28 ədəd narkotik tərkibli çətənə bitkisi aşkar edilərək götürülüb.

Faktla bağlı araşdırma aparılır.

Ölkə.Az

ŞƏRH YAZ
0

Azərbaycanda vəkil barəsində cinayət işi başlanıb

Azərbaycanda vəkil barəsində cinayət işi başlanıb
20:59
16.07.2019
1255
Ölkə
A
12 saylı Vəkil bürosunun vəkili Vüqar Poladov Cinayət Məcəlləsinin 312.2-ci (Vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddəsi ilə ittiham olunur.

“Ölkə.Az” xəbər verir ki, onunla birlikdə Misir Əmirov da təqsirləndirilən şəxs qismində istintaqa cəlb olunub.

Onlar barəsində cinayət işinin istintaqı başa çatdırılaraq baxılması üçün Bakı Ağır Cinayətlər Məhkəməsinə göndərilib. Cinayət işi hakim Samir Əliyevin icraatına verilib. Məhkəmənin hazırlıq iclası yaxın günlərdə məlum olacaq.

Vəkillər Kollegiyasından bildirilib ki, V. Poladovun vəkillik fəaliyyəti bir müddət əvvəl dayandırılıb.

Ölkə.Az

ŞƏRH YAZ
0
BAĞLA