Ana və iki azyaşlının intiharı ilə bağlı cinayət işi başlandı
Daxili İşlər Nazirliyi (DİN) Şəmkirdə ananın iki azyaşlı övladı ilə birgə intiharı ilə bağlı məlumat yayıb.
"Ölkə.Az"ın nazirliyin saytına istinadən verdiyi məlumata görə, iyulun 25-də, saat 21:00 radələrində Şəmkir rayonunun Zəyəm qəsəbə sakini 25 yaşlı Pərvanə Mahmudova intihar məqsədilə azyaşlı uşaqları Sənan və Səma ilə birgə özünü Düyərli kəndinin ərazisindən keçən Böyük Kəsik-Bakı sərnişin qatarının altına atıb.
Ana və övladları hadisə yerində ölüblər.
Faktla əlaqədar cinayət işi başlanılıb.
Araşdırma aparılır.
