Anar Nağılbazın anasıdan şok müsahibə — "Keçmiş gəlinimin də..."

Anar Nağılbazın anasıdan şok müsahibə
09:47
02.12.2017
11039
Maqazin
A
Son günlər repçi Anar Nağılbazın adı ətrafında xoşagəlməz olaylar baş verməkdədir. Hətta sənətçinin intim videosu da yerli mətbuata ayaq açıb. Ardınca isə repçinin keçmiş həyat yoldaşı Anjelika Cəbiyeva mətbuata ittiham dolu müsahibə verib. Nağılbazın öz övladları ilə maraqlanmdığını deyib.

Bu gün səhər isə repçinin səhhətində problem yaranması ilə bağlı xəbər yayılıb.

 

Məsələ ilə bağlı repçinin anası Şərqiyyə Cəbiyeva cebhe.info-ya danışıb. O, oğlunun adı ətrafında yaranan söz-söhbətlərə hüquq yolla cavab verəcəklərini deyib.

-Şərqiyyə xanım, doğrudur ki, oğlunuz Anarın səhhətində problem yaranıb?

-Bəli qızım, Anar depressiyaya düşüb, halı çox pisdir. Xəstəxanaya aparmaq istəyrik. Özü razılaşmır, evdə müalicə alır. Qonşuluqda tibb bacısı var, çağırdıq gəldi, Anara sakitləşdirici iynələr vurdu. Ola bilər ki, bir neçə günə xəstəxanaya yerləşdirdik. Haqqında gəzən şayiələrə, söz-söhbətlərə görə halı pisləşib. Az qalsın, evdə hamımız depressiyadayıq.

-Ümumiyyətlə, Anarın səhhətində indiyə qədər hər hansı bir problem olmuşdu?

-Qızım, hamının səhhətində problem olur. Elə adam yoxdur ki, səhhəti ilə əlaqədar problem yaşamasın. Elə mən özüm də yaşlı adamam, xəstəyəm. Ayaqlarım, ürəyim xəstədir. Bu hadisə də səhhətimi daha da pisləşdirib. Bu qədər şayiə olmaz axı?! Ay sənə qurban olum, kimin başına belə iş gəlsə, xəstəxanalıq olacaq da. Anarın ürəyində ağrılar yaranıb, özünü yaxşı hiss etmir. Təzyiqi yüksəlir, pis olur.

-Oğlunuz haqqında şayiənin kim tərəfindən yayıldığını bilirsiniz, yaxud təxmininiz varmı?

-Anar mənim oğlumdur. Hansı ana istəyər ki, oğlunun adı belə xoşagəlməz söhbətlərdə hallansın. Biz nəvələrimizi çox istəyirik. Görməmisiniz, qız (Anar Nağılbazın keçmiş həyat yoldaşı Anjelika Cəbiyevanı nəzərdə tutur-red) müsahibəsində deyib ki, uşaqlara baxmırıq, maddi baxımdan köməklik göstərmirik. Guya mart ayından uşaqları görmürük. Halbuki, uşaqlar iyul ayını bizdə qalıblar. Avqustun ortasında gediblər. Noyabrda tətil günlərində də bizdə qalıblar. Üstəlik də, nəvəm 2 gün də məktəbə getməyib. Uşaqların əyin-başlarına da həmişə biz baxmışıq. Ay sənə qurban olum, uşaqlar yanımızda böyüyüb.  Nəvələrimi nə qədər çox istəyirəm. Məktəb ləvazimatları hamısı bizim öhdəmizdədir. Düzdür, Anar işləmir. O, çox iş axtardı, amma olmadı. Ancaq sağ olsun, dostları, yoldaşları. Bir də görürsən səhnəyə oxumağa çağırırlar. Əlinə nə pul gəlsə, öz balalarına xərcləyər. Bilirsiniz, Anar niyə ağladı? Öz balalarından ayrılacağı üçün göz yaşı tökdü.

-Anjelika Cəbiyevanın Anar Nağılbaza qarşı söylədiyi iddialar əsaslıdır?

-Həqiqəti heç kim bilmir. Ortalıqda ev söhbəti gedir… O, deyir ki, ev problemi olub. Amma onların ayrılmağının əsl səbəbi başqadır. Evdən əlavə bunların başqa dərdləri vardı.

-Nə problemindən söhbət gedir?

-Bu haqda danışmaq istəmirəm. Nəyə görə ayrılıblar, açıqlamaq istəmirəm. Sadəcə, onu demək istəyirəm ki, məndə də faktlar var. Bəli, bizdə də çox faktlar var. 84 yaşım var, indi bu yaşımda çıxıb televiziyaya, onların həyatını danışmayacağam ki?! Ayıbdır, lazım gələr, məhkəmədə hər şey açıqlanar. Yəni deməyim odur ki, belə şayiələr atırsa, bizdə çoxlu faktlar var. Ayıbdır, yalandan şayiə yayıb, insanı bu günə qoymaq olmaz. Anarın yerinə bir başqası olsa bundan da pis günə qalar. 20 ildir ki, rep sənəti ilə məşğuldur. Onu bu formada yerə vurmaq olmaz. Anar ağıllı-savadlı oğlan olub. Hələ 4 yaşından hərfləri özü öyrənib, yazıb. Heç kim ona yazıb-oxumağı öyrətməyib. Şeirlər kitabı çıxıb. Oğlum haqqında deyilənlərin heç birinə layiq deyil. Bu şayiəni çıxaran adama ayıb olsun. Bəs o, fikirləşmir ki, uşaqları böyüyür?  Onlara mənəvi zərbə vurur, adlarına xələl gətirir. Heyif, mənim nəvələrimə… Gecə-gündüz nəvələrim üçün ağlayıram. Allah heç bir nənəni-babanı nəvələrindən ayırmasın, qızım (Ağlayır). Böyük dərddir, belə şayiə yaymaq düzgün deyil. O uşaqlar bizim yanımızda doğulub, böyüyüb, necə ola bilər ki, onları istəməyək?

-Qeyd etdiniz ki, Anar Nağılbaz hazırda işsizdir. Yanılmıramsa, 2013-cü ildə o, Qaraçuxurda yerləşən mədəniyyət evində müdir müavini vəzifəsinə təyin olunmuşdu. Bəs o iş necə oldu?
-Hə, doğrudan da mədəniyyət evində işləyib. Yaşlı adamam, unutmuşam. Orada işləyən vaxtlarında hətta yoldaşını da arada özü ilə işləməyə aparırdı.

-Belə bir şayiə dolaşır ki, Anar Nağıbaz ölkədən getmək istəyib. Məhz Avropa ölkələrindən birindən sığınacaq istədiyinə görə onu indi "vururlar”…

- Anarın harasa getmək fikri olmayıb. Hətta indi də heç yana getməyib, hazırda evdədir. Mənə də gətirib, bəzən o xəbərləri göstərirlər ki, guya Anar bu söz-söhbətlərdən sonra ölkədən çıxıb gedib. Mənim də ürəyim xəstədir, yüksək təzyiqim var, yaşlı adamam. Oxuyuram, halım pisləşir. Anar heç yerə getməyib, evindədir. Arada olur ki, səhhəti ilə bağlı müalicə olunmaga getmək istəyib. Amma ölkəni birdəfəlik tərk etmək haqqında düşünməyib.

-Yayılan videoya və keçmiş gəlninizin ittihamlarına görə hüquq-mühafizə orqanlara müraciıt edəcəksiniz?

-Sözün düzü, biz də bu məsələnin üstünə düşmüşük. Haqq-ədalət bərqərar olmalıdır. Kim düzgün danışmayıb, şər atıb, cəzasını almalıdır. Yanlışlıq oğlumdadırsa, cəzasını almalıdır. O qız düzügün hərəkət eməyib, çıxıb yalandan şayiələr yayıbsa cəzasını çəkməlidir.

-Bəs uşaqlar bu məsələyə necə reaksiya göstərirlər?

-Onlar hələ balacadır. Qızın 5 yaşı var, oğlan isə üçüncü sinifə gedir. Böyüyüb başa düşərlər. Nəvələrim bizi çox istəyir, ayrıla bilmirlər. Uşaqlar hələ körpədir, başa düşmürlər. Onlar böyüyəndən sonra anlayacaqlar ki, ata ilə ana hansı səbəbə görə ayrılıb. Anar pisdirsə, niyə Anjelika onun soyadını daşıyır

ŞƏRH YAZ
0

Oturduğu yerdə günə 41 min sterlinq qazanır

Oturduğu yerdə günə 41 min sterlinq qazanır
23:03
15.10.2018
1232
Maqazin
A
Məşhur müğənni Adele hazırda albom buraxıb, mahnı oxumasa da, oturduğu yerdən pul qazanır.

“Ölkə.Az” xəbər verir ki, sənətdə heç bir yenilik etməsə də, ticari yatırımları sayəsində gündə 41 min sterlinq qazanır.

30 yaşlı müğənni musiqininin daşını 5 yaşlı oğlu Angeloya görə atıb. O, oğlu ilə daha çox vaxt keçirmək üçün qastrol səfərlərinə və konsertlərə ara verdiyini açıqlayıb. Yeni albomlarıyla satış rekordları qıran Adele son səfərini 2017-ci ildə bitirib. O müddətdə Adelenin sərvəti 105 milyon sterlinqə çatıb.

Müğənninin Melted Stone Ltd. şirkəti ötən il 4,9 milyon sterlinqlik işə imza ataraq 25,5 milyon nağd pul qazanıb. Adele özü isə bu qazancdan 2,25 milyon sterlinq əldə edib. Onun digəri bir şirkəti isə sənətçiyə ötən il 4,4 milyon sterlinq ödəyib.

Ölkə.Az

ŞƏRH YAZ
0

Paylaşdıqları foto Mustafa ilə Simgenin sirrini açdı — Sevgili olduqları iddiası təsdiqlənir

Paylaşdıqları foto Mustafa ilə Simgenin sirrini açdı
22:34
15.10.2018
1076
Maqazin
A
Türkiyəli müğənnilər Mustafa Sandalla Simge Sağın arasında arasında sevgi münasibəti olması barədə gəzən xəbərlər təsdiqlənir.

“Ölkə.Az” Türkiyə mətbuatına istinadən xəbər verir ki, cütlük paylaşdıqları şəkillərlə sirrin üstünü açıblar. Belə ki, bir müddət əvvəl aralarında sevgi münasibəti olduğu barədə xəbərlər gəzən Mustafa və Simgenin Fethiye Göcek tətilinə çıxdıqları iddia edilir. Sandal ötən həftə Simgenin mahnısını paylaşaraq “Aç qoynunu gəlirəm” yazmışdı. Lakin Simge aradalarında hər hansı münasibət olmadığını demişdi. 

Cütlüyün eyni vaxtda eyni yerdən foto paylaşması onların sevgili olduqları iddiasını gücləndirib. Hələ ki tərəflərdən hər hansı açıqlama gəlməyib.

Ölkə.Az

 

ŞƏRH YAZ
0
BAĞLA