Angela Merkel: “Türkiyə iqtisadiyyatının yardıma ehtiyacı yoxdur”
Almaniyanın baş naziri Angela Merkel Türkiyənin iqtisadi vəziyyətini dəyərləndirib.
“Ölkə.Az” xəbər verir ki, xanım Merkel “Türkiyənin xüsusi bir alman iqtisadi yardımına ehtiyacı yoxdur” deyib.
Məsələ ilə bağlı açıqlama verən Merkel deyib:
“Türkiyədə iqtisadi problemlərin olması heç kəs üçün faydalı deyil. Amma Milli Bankın müstəqil olmasını təmin etmək üçün hər şeyi etmək lazımdır”.
Almaniyanın iqtisadiyyat naziri Peter Altmayer isə ABŞ-ın Türkiyə və Çinə əlavə gömrük vergisi tətbiq etməsinə görə Trampı tənqid edib və “Bu ticarət müharibəsi iqtisadi artımı həm yavaşladır, həm də məhv edir. Yeni problemlər üzə çıxa bilər” deyib.
Hikmət Həsənov
Ölkə.Az
