Ankara və Vaşinqton arasında buzlar əriyir

"Ölkə.Az" xəbər verir ki, səfər zamanı ABŞ və Türkiyə arasında münasibətləri normallaşdırma mexanizminin yaradılması barədə razılıq əldə edilib. Bu məlumatı  amerikalı dövlət katibi ilə mətbuat konfransı keçirən Türkiyə XİN rəhbəri Mevlud Çavuşoğlu verib.

Tillersonun Türkiyə səfəri iki günlükdür. Görüş zamanı Tillerson Türkiyə prezidenti Rəcəb Tayyip Ərdoğanla görüşüb. Sonra isə Tillerson türk həmkarı Mevlud Çavuşoğlu ilə də görüş keçirib.

"Dünən ABŞ dövlət katibi Ərdoğanın görüşü konstruktiv şəraitdə keçib. Bütün suallar açıq verilib. Nəinki ikitərəfli münasibətlər, eyni zamanda regional məsələlər üzrə əməkdaşlıq da müzakirə edilib. Biz münasibətlərin normallaşması barədə razılığa gəlmişik. Amma ABŞ da dəfələrlə bizə söz verdiyinə əməl etməyib. Biz kağız üstündə qalmayan addımlardan danışdıq. Qərara gəldik ki, bu problemlərin həlli üçün mexanizm hazırlayaq",-deyə Çavuşoğlu jurnalistlərə məlumat verib.

Türkiyəli diplomat əlavə edib ki, bu mexanizm çərçivəsində ilk türk-amerikan görüşü mart ayına planlaşdırılıb.

Hikmət Həsənov
Ölkə.Az