ANS-in keçmiş aparıcısı Almaniyadan sığınacaq istədi
"Ölkə.Az"ın məlumatına görə, bu barədə jurnalist sosial şəbəkədə yazıb:
"Əziz dostlar, son iki gündə mənə ünvanlanan çoxsaylı suallara cavab olaraq bir məlumatı sizinlə paylaşmaq istəyirəm. Son dövrdə baş verən proseslər, peşə fəaliyyətimə olan təzyiqlər və sonda qızım Zəhranın səhhətində yaşanan ciddi problemlər məni Almaniyaya gəlib, bu hökumətdən sığınacaq istəməyə vadar etdi. Doğma torpaqdan, yurd-yuvadan ayrılmaq çətin olsa da mən buna məcbur idim. Atamın məzarından torpaq götürüb ölkəni birdəfəlik tərk etdim! Qırx illik həyatımı, iyirmi iki illik karyeramı sıfırladım. Mənən intihar etdim. Allahdan özümə və mənim vəzizyyətimdə olanlara səbr diləyirəm".
Qeyd edək ki, Tünzalə Rafiqqızı ANS telekanalında iqtisadiyyat xəbərlərinin aparıcısı olub.
Ölkə.Az
