ANS-lə bağlı son qərar açıqlandı
Milli Televiziya və Radio Şurası (MTRŞ) ANS televiziyasının yenidən fəaliyyətə başlayacağı haqda şirkətin prezidenti Vahid Mustafayevin fikirlərinə münasibət bildirib.
"Ölkə.Az" xəbər verir ki, MTRŞ-nin aparat rəhbəri Toğrul Məmmədov bildirib ki, ANS TV-nin açılması mümkün deyil.
“Bu barədə Ali Məhkəmənin qərarı mövcuddur. Şuranın qərarı qüvvədə saxlanılıb. Bundan başqa daha nə demək olar? Faktiki olaraq, Şura qərarını verib. Məhkəmə tərəfindən qərara dəyişiklik olunmayıb” – T.Məmmədov ANS-lə bağlı məsələyə aydınlıq gətirib.
MTRŞ rəsmisi əlavə edib ki, yaxın vaxtlarda Azərbaycanda yeni telekanalın yaradılması gözlənilmir.
Qeyd edək ki, Vahid Mustafayev Ölkə.Az-a müsahibəsində ANS-in yenidən açılacağını bildirib.
