Antalyada turist avtobusu aşdı — Xəsarət alanlar var

Antalyada turist avtobusu aşdı
15:00
21.08.2017
29
Dünya
A
Türkiyənin Antalya şəhərində turistləri aparan avtobus aşıb.

"Ölkə.Az" xəbər verir ki, avtobusda 26 sərnişin olub. İnsident nəticəsində 20 nəfər xəsarət alıb. Türkiyənin bəzi mətbu orqanları 6 nəfərin xəsarət aldığını yazır.

Mətbuatın xəbərinə görə turistlər Antalyadan Kəmərə gedirmiş. Amma tuneldən çıxanda yağan yağışın islatdığı asfalt örtüyü sürüşməyə səbəb olub. Sürücü idarəetməni itirib və avtobus aşıb. Yaralılar yerli xəstəxanalara yerləşdirilib.

İlkin məlumata əsasən turistlər arasında türk vətəndaşları və xarici vətəndaşlar var.

Hikmət Həsənov
Ölkə.Az

ŞƏRH YAZ
0

Rusiya, İran və Türkiyə liderləri razılığa gəldilər — MÜHÜM QƏRAR VERİLDİ, FOTO

Rusiya, İran və Türkiyə liderləri razılığa gəldilər
22:09
22.11.2017
310
Dünya
A
Soçidə Türkiyə, Rusiya və İran prezidentlərinin Suriya məsələsinə dair üçtərəfli sammiti keçirilib.

“Ölkə.Az” xəbər verir ki, tədbirdə Türkiyə prezidenti Rəcəb Tayyib Ərdoğan, Rusiyanın dövlət başçısı Vladimir Putin və İran prezidenti Həsən Ruhani iştirak ediblər. Tədbirdən sonra jurnalistlər üçün mətbuat konfransı keçirilib. Konfransda çıxış edən liderlər çox önəmli məsələlər barədə açıqlamalar veriblər. Onun sözlərinə görə, 3 ölkənin gəldiyi razılığa görə, Suriya Milli Dialoq Konqresi yaradılıb.

“Suriya Milli Dialoq Konqresinin yaradılması ölkənin gələcək həyatı üçün mühüm rol oynayır. Bu gün ortaq çıxışımız da bu istiqamətdə görüləcək tədbirlər barədə idi. Əgər biz birgə terrorla mübarizə aparırıqsa, buradakı əli qana batan qüvvələrlə birgə ola bilmərik. Biz mütləq onlarla mübarizə aparmalıyıq”, - deyə ərdoğan bildirib.

Rusiya prezidenti Vladimir Putin də öz növbəsində görüş barədə danışıb. Rusiya başçısı bunları deyib:

“Rusiya, İran və Türkiyə Suriya üzrə əməkdaşlığın prioritet sahələrini müəyyənləşdirən birgə bəyanat qəbul ediblər. Sənəddə Rusiya, Türkiyə və İran arasında Suriyada gələcək əməkdaşlığın prioritet sahələri müəyyən edilib, qarşıya konkret vəzifələr qoyulub. Rusiya, İran və Türkiyənin səyləri sayəsində Suriyanın parçalanmasının qarşısını almaq mümkün oldu. Terrorçulara qarşı irimiqyaslı hərbi əməliyyatlar başa çatır. Beynəlxalq terrorçuların Suriyanı ələ keçirməsinə, humanitar fəlakətə imkan verilmədi. İŞİD, Cəbhət ən-Nusra və digər ekstremist qruplaşmaları sonuna qədər məhv etməklə bağlı əməkdaşlığı genişləndirmək üçün liderlər hazır olduqlarını təsdiq etdilər”.

Ziya Səccad
Ölkə.Az

ŞƏRH YAZ
0

Misirdə Türkiyə lehinə casusluq edən 29 nəfər saxlanıldı

Misirdə Türkiyə lehinə casusluq edən 29 nəfər saxlanıldı
19:31
22.11.2017
541
Dünya
A
Misir polisi Türkiyə lehinə casusluq etməkdə şübhəli bilinən 29 nəfəri saxlayıb.

"Ölkə.Az" xəbər verir ki, saxlanılan şəxslər həm də terrorçularla əməkdaşlıq, çirkli pulların yuyulması və lisenziyasız valyutadəyişmə fəaliyyəti kimi əməllərdə də ittiham edilirlər. Məlumatı Misir mətbuatı paylaşıb.

Qeyd edilir ki, əməliyyat Misir prokurorluğunun sərəncamı əsasında aparılıb. İstintaqa məlum olub ki, saxlanılanlar telefon danışıqlarını köçürərək türk kəşfiyyatına ötürüblər. Məqsəd isə Misirdə qadağan edilmiş "Müsəlman qardaşları" dini hərəkatının fəaliyətini bərpa etməkdir.

Hikmət Həsənov
Ölkə.Az

ŞƏRH YAZ
0
BAĞLA