Antarktidada həyəcan — 3 trilyon ton buz əriyib

Antarktidada həyəcan
19:17
14.06.2018
2403
Dünya
A
Antarktidada buzlar əriyir.

 “Ölkə.Az” xəbər verir ki, buzların əriməsi sürətlənib və 1992-2017-ci illər arasında 3 trilyon ton buzun əridiyi üzə çıxıb.

“Nature” jurnalında yayımlanan məqaləyə əsasən, Antarktidada 1992-2011-ci illər arasında 84 milyard ton buz əriyib. 2012-2017-ci illər arasında isə bu rəqəm 241 milyard tonu ötüb. 25 il ərzində isə bu rəqəm 3 trilyon ton buz olub.

NASA və Avropa Kosmik Agentliyinin 88 əməkdaşı 25 il ərzində əriyən buz təbəqəsinin Texas ştatı boyda bir ərazini 4 metr dərinlikdə su ilə dolduracaq qədər olduğunu hesablayıblar.

Alimlər qeyd edirlər ki, əriyən buzlar dünya okeanında suyun səviyyəsinin 7.6 mm artmasına səbəb olub.

Hikmət Həsənov
Ölkə.Az

ŞƏRH YAZ
0

NASA Aya robot-geoloqlar göndərir

NASA Aya robot-geoloqlar göndərir
16:15
22.02.2019
2171
Dünya
A
NASA-nın elmi şöbəsi bu ilin sonuna qədər Aya bir sıra missiyalar planlaşdırır.

“Ölkə.Az” xəbər verir ki, missiyaların siyahısı qurumun rəsmi internet səhifəsində dərc edilib.

Şöbənin direktor müavini Stiv Klark məsələ ilə bağlı deyib: 

“Yerin peykinə göndəriləcək aparatlar bizim üçün nümunə şarı olacaq. Bu, bizə Aya elmi missiyanın aparılması üçün infrastrukturun inşasına kömək edəcək. Biz yerli şirkətlərdən istifadə edəcəyik. Bu məqsədlə hər il müvafiq müsabiqələr keçiriləcək”.

ABŞ-da keçirilən prezident seçkilərində Donald Trampın qələbəsindən sonra NASA-nın əsas tapşırıqlarından biri kosmosun fəthi və insanın Aya qayıdışı olub. Tramp və NASA-nın administratoru Cim Braydenstin tez-tez Ayın orbitində stansiya inşası planlarından danışır, Ayın səthində daimi infrastrukturun qurulmasından bəhs edirlər. Bu işdə ilk addım NASA və aparıcı 9 kosmik startap və iri şirkətin ötən ilin noyabr ayında imzaladığı müqavilə olub. Bu müqavilə çərçivəsində NASA yaxın illərdə Aya aparatlarını aparmaq üçün onların xidmətindən istifadə edə biləcək.

Hikmət Həsənov
Ölkə.Az

ŞƏRH YAZ
0

Ekvadorda dəhşətli zəlzələ

Ekvadorda dəhşətli zəlzələ
15:38
22.02.2019
1434
Dünya
A
Ekvadorun şərqində güclü zəlzələ meydana gəlib.

 “Ölkə.Az” xəbər verir ki, ABŞ Geologiya xidmətinin məlumatına əsasən, yeraltı təkanlar 7.7 bal gücündə olub.

Zəlzələ Ekvadorun Palora şəhərinin 132 km cənub-şərqində qeydə alınıb. Yeraltı təkanların episentri 152 km dərinlikdə olub. Tələfat və dağıntılar barədə hələ məlumat yoxdur.

Hikmət Həsənov
Ölkə.Az

ŞƏRH YAZ
0
BAĞLA