Aparıcı Mikayıl: "Alxanlıda əsgərlikdə olmuşam, Yusifin çayxanasını da tanıyıram"

Aparıcı Mikayıl:
11:45
10.07.2017
148
Maqazin
A
Space-in aparıcısı Mikayıl Güləddinoğlu Milli Məclisin deputatı Astan Şahverdiyevin telekanallarla bağlı iradına cavab verib.

Aparıcı Ölkə.Az-ın əməkdaşıyla söhbətində deyib ki, Şahverdiyev haqlı olsa da, səsləndirdiyi fikirlər Space-ə aid deyil:

"Deputatın iradıyla tamamilə razıyam və deyim ki, həmin ərəfələrdə verilişimin yayımından imtina etdim. Space-də efirə heç bir şou getmədi və ancaq tarixi filmlərimiz göstərilib. Proqrama baxsanız da dediklərimi görə bilərsiniz. Ona görə də Astan Şahverdiyevin iradı sırf Space-ə aid deyil. O ki qaldı hadisənin özünə, Azərbaycan oğlu kimi, qarabağlı olaraq mənimçün çox sarsıdıcıdır".

Teleaparıcı qeyd edib ki, 2001-2002-ci illərdə Füzulinin Alxanlı kəndində hərbi xidmətdə olub və hətta bəzi yerlərini də tanıyır:

"Mənə yad yer deyil. O kənddə hərbi xidmətdə olmuşam, kənd camaatını da tanıyıram. Alxanlı kəndindən bir az irəlidə şərab zavodu var. Ordan o tərəfə ermənilərin mövqeləri gəlir. Alxanlını oradan vurmağa nə var ki? 2001-2002-ci illərdə orada hərbi xidmətdə olmuşam, bir il ərzində doğmalaşıb. Hətta Yusifin çayxanasını da tanıyırdım". 

Qeyd edək ki, A.Şahverdiyev Ölkə.Az-a açıqlamasında son günlər cəbhədə baş verən hadisələrdən sonra telekanalların şou proqramlarını dayandırmamağına etirazını bildirib:

"Mən bu cür hallara çox neqativ baxıram. Məgər televiziya və radiolar matəm elan olunmasını və ya kütləvi qırğın olmağını gözləməlidir ki, efirlərində şou verilişləri dayandırsın? Baxın, ayın 4-də erməni quldurları Füzulidə körpə uşağı və yaşlı qadını öldürdülər. Ancaq bir çox televiziya kanalları və radiolarda şou proqramlar davam edirdi. Bu doğru hal deyil. Bu elə bir məsələdir ki, burada hər birimiz vicdanla hərəkət etməliyik. O ki qaldı, şoumenlərə, mən onlara bundan artıq nə deyə bilərəm. Onların öz vicdanlarına qalıb. Bütövlükdə mən bu cür hallara çox pis baxıram. Bu cür hallara yol vermək doğru deyil".

İntiqam VALEHOĞLU
Ölkə.Az

ŞƏRH YAZ
0

Tanınmış aparıcı oğul atası oldu — VİDEO

Tanınmış aparıcı oğul atası oldu
22:24
21.05.2018
4476
Maqazin
A
Tanınmış teleaparıcı Azər Zahid ikinci dəfə ata olub.

"Ölkə.Az" xəbər verir ki, bu barədə Azər Zahidin özü "Instagram" səhifəsində məlumat verib

Qeyd edək ki, bu aparıcının ikinci evliliyindən doğulan ikinci övladıdır.

Belə ki, Azərin aparıcı Vüsalə Əlizadə ilə olan evliliyindən Dilək adlı qızı var.

Ölkə.Az

ŞƏRH YAZ
0

Türk müğənni “Sarı gəlin”i erməni dilində oxudu — VİDEO

Türk müğənni “Sarı gəlin”i erməni dilində oxudu
19:59
21.05.2018
5364
Maqazin
A
“Sarı gəlin” mahnısını erməni dilində oxuyanlara biri də əlavə edilib.

 “Ölkə.Az” xəbər verir ki, bu dəfə türk müğənni Aydilge “Sarı gəlin” mahnısını erməni dilində səsləndirib.

Hadisə “Kral TV”də yayımlanan “Rota” verilişində olub. Ahmet Koç və Serkan Çağırının aparıcısı olduğu verilişə qonaq qismində dəvət edilən Aydilge “Sarı gəlin” mahnısını ermənicə oxuyub.

Onun bu hərəkəti sosial şəbəkələrdə geniş rezonansa səbəb olub.

Hikmət Həsənov
Ölkə.Az

ŞƏRH YAZ
2
BAĞLA