APOEL-in baş məşqçisi: "Addım-addım istəyimizə çatdıq"

APOEL-in baş məşqçisi:
23:28
13.08.2019
1119
İdman
A
"Komanda olaraq, çıxışımızdan razı qaldım. Çətin oyun alındı. Qapıçımız ilk yarıda əla top çıxardı. Qapımızı toxunulmaz saxlamaqla istəyimizə nail olduq".

"Report"un məlumatına görə, bunu Kipr APOEL-inin baş məşqçisi Tomas Doll Bakıda "Qarabağ"a 2:0 hesabı ilə qalib gəldikləri UEFA Çempionlar Liqasının III təsnifat mərhələsinin cavab görüşündən sonra mətbuat konfransında deyib. 

Almaniyalı mütəxəssis bildirib ki, penalti olmasaydı belə, ilk qolu vurmasaydılar belə, fərqlənmək imkanları yaranacaqdı. O, bunu ilk matçdan fərqli çıxış etmələri ilə əlaqələndirib: "Rəqibi bir az irəlidə qarşıladıq, yüksək motivasiya ilə çıxış etdik. Cəsur, ürəkli və sürətlə oynadıq. İlk oyunla müqayisədə nəyisə dəyişməyə nail olduq. İkinci hissənin ilk 15 dəqiqəsində çətinlik çəkdik. Bu bölümdə qapımızı toxunulmaz saxlayaraq, addım-addım istəyimizə çatdıq".

Doll sələfi Paolo Trametsaninin rolunu da vurğulayıb: "Bura gələndə komandama dedim ki, mərhələ keçsək, Trametsaninin rolu böyük olacaq. Ona və daim bizimlə olan klub prezidentinə minnətdaram".

Baş məşqçi qələbədə komandada özünəinam hissi yaratmalarının böyük rol oynadığını da vurğulayıb. O, ilk oyunla müqayisədə sistemi dəyişdirdiklərini bildirib. Təcrübəli mütəxəssis 4-3-3 sistemi ilə oyuna başladıqları halda, "Qarabağ"ın hücumları ilə əlaqədar ikinci hissənin əvvəllərində sistemi dəyişdirdiklərini və yalnız növbəti qoldan sonra 4-3-3-ə qayıtdıqlarını əlavə edib.

Ölkə.Az 

ŞƏRH YAZ
0

Şenol Günəş Elxan Məmmədova Türkiyə millisinin formasını bağışladı — FOTO

Şenol Günəş Elxan Məmmədova Türkiyə millisinin formasını bağışladı
02:03
Bu gün
307
İdman
A
Bu gün AFFA-nın inzibati binasında baş katib Elxan Məmmədov Türkiyə milli komandasının baş məşqçisi Şenol Günəşlə görüşüb.

"Ölkə.Az" bildirir ki, görüş zamanı Türkiyə milli komandasının Avro-2020-nin final mərhələsinin A qrupunda iki oyununu Bakı Olimpiya Stadionunda keçirəcəyi ilə bağlı məmnunluq hissləri ifadə edən fikirlər səsləndirilib.  

Qeyd olunub ki, oyunların məhz Bakıda keçirilməsi türkiyəli azarkeşlərin doğma komandalarını dəstəkləməsi üçün məsafə və atmosfer baxımından daha rahat olacağı bildirilib.  

Eyni zamanda, ölkəmizdə olan çoxsaylı Türkiyə futbolu azarkeşlərinin sevimli komandalarına doğma meydan əhval-ruhiyyəsi yarada biləcəyi vurğulanıb.  

Elxan Məmmədov Türkiyə milli komandasına Avropa çempionatında uğurlar arzulayıb, Şenol Günəş isə öz növbəsində səmimi qəbula görə təşəkkürünü bildirib.  

Qeyd edək ki, Şenol Günəş Türkiyə millisinin Bakıda məşq edəcəyi Bakı Olimpiya Stadionu, Tofiq Bəhramov adına Respublika Stadionu və “Bakcell Arena”nın durumuna nəzər salıb. 

ŞƏRH YAZ
0

Orta məktəb müəllimi İtaliyada dünya çempionu oldu — FOTO

Orta məktəb müəllimi İtaliyada dünya çempionu oldu
20:00
05.12.2019
487
İdman
A
Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrinin müəllim və şagirdlərinin müxtəlif beynəlxalq yarışlardakı uğurları davam edir.

"Ölkə.Az" baku.ws-ə istinadən xəbər verir ki, Bakı şəhəri 306 nömrəli tam orta məktəbin idman müəllimi Sübhan Hümbətov İtaliyada Dünya Koreya Döyüş Sənətlərinə daxil olan Hapkido döyüş növü üzrə keçirilən dünya çempionatında 75 kiloqram çəki dərəcəsində I yerə çıxaraq qızıl medala layiq görülüb.

Paytaxtdakı 118 nömrəli tam orta məktəbin XI sinif şagirdi Ayxan Mansırlı Makedoniyada təşkil olunan 11-ci Avropa Karate Şotokan çempionatında 16-17 yaşlı idmançılar arasında 68 kiloqram çəki dərəcəsində II yeri, 17-18 yaşlı idmançılar arasında isə III yeri qazanıb. Bu münasibətlə şagird Dünya Şotokan Federasiyası tərəfindən gümüş və bürünc medallar, həmçinin sertifikatlarla təltif olunub.

Bakı şəhəri 151 nömrəli tam orta məktəbin IV sinif şagirdi Amin Nəsibov güləş üzrə Rusiyada keçirilən beynəlxalq turnirdə 60 kiloqram çəki dərəcəsində II dərəcəli diploma layiq görülüb.

Növbəti uğurun sahibi 191 nömrəli tam orta məktəbin VII sinif şagirdi Yusif İbrahimovdur. O, Özbəkistanda keçirilən beynəlxalq Taekvando–DO İTF idman növü üzrə açıq çempionatda 11-13 yaşlı idmançılar arasında 42 kiloqram çəki dərəcəsində III yerə layiq görülərək medal və diplomla təltif edilib.

ŞƏRH YAZ
0
BAĞLA