APOEL-in futbolçularından qol sevinci zamanı qeyri-etik hərəkət — VİDEO

APOEL-in futbolçularından qol sevinci zamanı qeyri-etik hərəkət
14:53
08.11.2019
4164
İdman
A
Avropa Liqasının qrup mərhələsinin 4-cü turunda “Qarabağ” Kiprdə APOEL-lə qarşılaşıb. Nikosiyadakı GSP stadionunda keçirilən oyunda meydan sahibləri 2:1 hesablı qələbə qazanıb.

"Ölkə.Az" xəbər verir ki, APOEL-in futbolçuları ikinci qoldan sonra “Qarabağ” klubuna qarşı qeyri-etik hərəkət ediblər. Belə ki, qol sevincini yaşamaq üçün "Qarabağ" klubu üçün ayrılmış texniki zonaya yaxınlaşan kiprli futbolçular əvvəlcə oturacağa ayaqla zərbə endirib, ardınca skamyanın üst tərəfinə əllə möhkəm zərbə endiriblər. 

Kiprli futbolçular bu addımla bəlkə də "Qarabağ" üzvlərini təxribata çəkmək istəsəyiblıər. Ağdam təmsilçisinin üzvləri kiprli futbolçuların bu addımına heç bir cavab verməyiblər.

ŞƏRH YAZ
1

Azərbaycan BNA ilə razılaşdı — NBA yarışları ölkəmizə gəlir

Azərbaycan BNA ilə razılaşdı
23:38
11.12.2019
488
İdman
A
Ölkə basketbolunda dəyişikliklər davam etməkdədir. Yeni basketbol klubları ilə Azərbaycan Superliqasına start verən yerli federasiya daha bir məsul yarışın astanasındadır.

"Ölkə.Az" xəbər verir ki, ilk dəfə Junior NBA (Milli Basketbol Assosiasiyası) liqası 2020-ci ildən Azərbaycanda keçiriləcək.  

Oxu.Az bu münasibətlə Azərbaycan Basketbol Federasiyasının yenidən dörd illiyə prezidenti seçilmiş Nadir Nəsibovdan müsahibə götürüb.

– Yenidən prezident seçildiniz. Hansı dəyişikliklər olacaq?  

– Kardinal dəyişikliklər olmayacaq. Çünki Junior NBA liqasının Bakıda olması elə özü dəyişiklikdir. Biz dünya basketbol sistemində qeydiyyata düşmüşük. NBA-nın Avropa, Afrika və Yaxın Şərq üzrə ispaniyalı vitse-prezidenti Xesus Bueno dekabrın 18-də Bakıya gələcək və 19-da Gənclər və İdman Nazirliyində iki illik müqavilə bağlayacağıq. Böyük ehtimalla, orda nazir Azad Rəhimov da iştirak edəcək. Həmin tədbirdə bu layihənin detalları açıqlanacaq. Azərbaycan Avropada 29-cu ölkə olacaq. Bizdən əvvəl 28-ci ölkə Gürcüstan olub. Ümumiyyətlə, Junior NBA liqası MDB-də Rusiya, Qazaxıstan və Gürcüstandan sonra Azərbaycanda tətbiq ediləcək.  

– Junior NBA liqasının hansı arenada keçirilməsi nəzərdə tutulub?  

– Heydər Əliyev İdman Arenasında keçirməyi planlaşdırırıq. Ancaq bu da hələ dəqiq deyil. Çünki sistem bizdən oyunlar zamanı tamaşaçıların çoxluğunu tələb edir. Bu üzdən seçimimiz qətiləşməyib. 13-14 yaşlı oğlan və qızlardan birgə qurulmuş 30 komanda iki konfederasiya üzrə yarışacaq. Onların tələblərindən biri də odur ki, gender bərabərliyi olsun. NBA-da olduğu kimi yarış əvvəlcə Şərq və Qərb Konfederasiyaları arasında keçiriləcək. NBA bizi geyimlərlə və toplarla təchiz edəcək. İldə iki dəfə master-klasslar keçəcəklər. Bu liqanın çempion komandasını NBA-nın bir əfsanəvi basketbolçusu mükafatlandıracaq. NBA-da olduğu kimi, onların barmaqlarına üzük taxılacaq. Yarış gələn ilin martından mayınadək davam edəcək. Bunadək isə həmin liqaya seçimlər olacaq.  

– Hansı NBA ulduzunu Bakıya gətirmək istəyirsiniz?  

– Şəxsən mən amerikalı basketbolçu Alonzo Mourninqi gətirmək istərdim.  

– Qalib komandanın harda iştirak etmək şansı olacaq?  

– 14 yaşadək basketbolçular arasında dünya çempionatında. Həmin dünya çempionatı bu yaş kateqoriyasında ən böyük yarışdır. Ordan isə onlar NBA-nın Draftına düşəcək. Bir sözlə, NBA Azərbaycana gəlir. Biz artıq NBA sisteminə daxil oluruq. Sadəcə, bəzi şeyləri müqavilə bağlamamış açıqlaya bilmirik.  

– Çoxları artıq Azərbaycan basketbolunun yığma və klub səviyyəsində Avropada təmsil olunmasını gözləyir. Bu nə vaxt mümkün olacaq?  

– Artıq bu barədə danışmaq olar. 16, 18 və 20 yaşadək komandalarımız fəaliyyət göstərir. Düşünürəm ki, iki ildən sonra bizim milli komanda olacaq. Klublara gəlincə, onlardan biri artıq avrokuboklarda iştirak etməyi hədəfləyib. Sponsorlar bunu istəyir.  

– Yeni şirkətlərdən də Azərbaycan basketboluna maddi dəstək olmaq istəyənlər varmı?  

– Sizi inandırım ki, dörd böyük şirkət şəxsən özümlə əlaqə saxlayıb. Onlar Litva, Serbiya və Polşadan legionerlər gətirmək istəyirlər. Junior NBA liqası Azərbaycanda keçirilsə, martın 1-dən onlar da Azərbaycan basketboluna yardım göstərməkdə maraqlıdırlar.

Ölkə.Az

ŞƏRH YAZ
0

Azərbaycanın futbol klubu Almaniyada akademiya açır

Azərbaycanın futbol klubu Almaniyada akademiya açır
15:17
11.12.2019
545
İdman
A
“AZE Nakhchivan-Köln SK" Futbol Klubu Avropa ilə Azərbaycan arasında futbol əlaqələrini gücləndirmək barədə qərar verib

“AZE Nakhchivan-Köln SK”  Futbol Klubunun idarə heyətinin iclası keçirilib. 

Klubun mətbuat xidmətindən “Ölkə.Az”a verilən məlumata görə, iclasda bir sıra vacib qərarlar qəbul olunub. Klubun tərkibində akademiyanın yaradımasına qərar verilib. Bundan başqa klubun nəzdində təxminən 5 müxtəlif yaş qrupundan ibarət komandalar yaradılacaq. Birinci qrup 6-7, ikinci qrup 8-9, üçüncü qrup 11-12, dördüncü qrup isə 17-18 yaşlılardan təşkil olunacaq. Hələlik 4 yaş qrupundan ibarət komandanın olması qərarlaşdırlıb. Gələckdə bu yaş qruplarının sayının artırılacağı nəzərdə tutulur. Akademiyadan başqa klubun tərkibində transfer və skout fəaliyyətinin aparılması üçün “AZE Nakhchivan-Köln SK” Futbol şirkətinin qurulmasına qərar verilib. Akademiya ilə bağlı işlər davam etdirilir. Hələlik Almaniyada yaşayan uşaqlar, yeniyetmə və gənclər müraciət edə biləcəklər. Amma orada daimi qalmaq üçün şərait formalaşandan sonra digər ölkələrdən də uşaq və yeniyetmələr qəbul ediləcək. Klub eyni zamanda qərara alıb ki, Avropa ilə Azərbaycan arasında idmanın əsas qollarından biri olan futbolla bağlı əlaqələri gücləndirsin. Eyni zamanda Azərbaycan klublarının xarici klublarla əlaqələri, onların skout işlərinin dəstəklənməsi, gələcəkdə Azərbaycan klublarının da təlim-məşq toplantılarının Avropada təşkil olunması istiqamətində fəaliyyət göstəriləcəyi ilə bağlı qərar qəbul olunub.  

İclasda həmçinin Köln Nippes Bələdiyyəsinin bu şəhərin Weiden qəsəbəsində yerləşən futbol kompleksindən istifadəsinə dair razılıq qərarı üçün klub rəhbərliyi adından şəhər bələdiyyə rəhbərliyinə təşəkkür müraciəti qəbul edilib.

Mürtəza
Ölkə.Az

ŞƏRH YAZ
0
BAĞLA