Appaturay: "Azərbaycanla NATO arasındakı münasibətlər etibarlı və daim inkişaf edəndir"

Appaturay:
11:19
26.09.2017
282
Siyasət
A
"Azərbaycanla NATO arasındakı münasibətlər lap əvvəldən etibarlı və daim inkişaf edən münasibətlər kimi xarakterizə olunur".

"Ölkə.Az" "Report"a istinadən xəbər verir ki, bunu ANAMA-NATO/NSPA Sülh Naminə Tərəfdaşlıq Etimad Fondu çərçivəsində icra olunan “Ceyrançöl layihəsinin 3-cü mərhələsinin təqdimatı, Gələcəkdə Azərbaycanda İcra Olunacaq Etimad Fondu Layihələrinin Perspektivləri” mövzüsunda tədbirdə NATO baş katibinin Cənubi Qafqaz və Orta Asiya üzrə xüsusi nümayəndəsi Ceyms Appaturay deyib.

C.Appaturay qeyd edib ki, "Ceyrançöl" layihəsi kənd təsərrüfatı, su təsərrüfatı, arxeoloji qazıntılar və s. ilə məşğul olan insanlar üçün vacibdir: "ANAMA-nın etdikləri işlərə görə təbrik edirəm. Bu, çox təhlükəli işdir. Cari proseslər insanların təhlükəsiz şəraitdə yaşamasının zəruri olduğunu göstərir".
NATO-nun xüsusi nümayəndəsi həmçinin bu layihənin sponsorlarına minnətdarlığını bildirib və bu layihə çərçivəsində Azərbaycanla Gürcüstanın birgə fəaliyyətini qeyd edib: "Gürcüstanla birfə işləmək müvafiq sahədə təcrübə mübadiləsi aparmağa imkan verdi".

Sonda NATO nümayəndəsi bugünkü tədbirin iştirakçılarının Ceyrançöl layihəsinin başa çatması ilə bağlı tədbirə də toplaşacaqlarına ümid etdiyini dilə gətirib.

Qeyd edək ki, Azərbaycan-Gürcüstan sərhədi boyunca ölkənin şimal-qərb hissəsində yerləşən Ceyrançöl ərazisi 1955-1991-ci illər ərzində keçmiş Sovet hərbi ordusunun sınaq və təlim ərazisi kimi intensiv surətdə istifadə edilib. Layihənin birinci mərhələsi çərçivəsində 28 ay (Aprel 2012 – İyul 2014) ərzində 64 kv.km. olan ümumi sahənin 19 kv.km ərazisi tam təmizlənib və 14,654 PHS və 173 tank əleyhinə mina tapılaraq zərərsizləşdirilib.

Layihənin ikinci mərhələsinə 2014-cü il 8 iyul tarixindən start verilib və 24 ay müddətində davam edən mərhələ çərçivəsində 23.584.545 kv.m ərazi təmizlənib, 1,553 döyüş məqsədli PHS və minlərlə metal qırıntıları tapılaraq zərərsizləşdirilib.

22 kv.km ərazini əhatə edən üçüncü mərhələ 2017-ci ilin yanvar ayında başlayıb və 2018-ci il ərzində bitməsi nəzərdə tutulub.

ŞƏRH YAZ
0

Elçibəyin anadan olmasından 80 il ötür

Elçibəyin anadan olmasından 80 il ötür
00:30
Bu gün
1766
Siyasət
A
Bu gün Azərbaycan milli azadlıq hərəkatının lideri Əbülfəz Elçibəyin doğum günündür.

"Ölkə.Az"ın məlumatına görə, Ə. Elçibəy 1938-ci il iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin şərqşünaslıq fakültəsini bitirib. O, 1988-ci ildə Azərbaycanda başlayan xalq hərəkatının öndərlərindən biri, Azərbaycan Xalq Cəbhəsini yaradanlardan olub.

1992-ci ildə prezident seçilən Əbülfəz Elçibəy bir il sonra Gəncədə başlayan qiyam nəticəsində Bakını tərk edərək Kələkiyə gedib. Milli Məclisin qərarı ilə səlahiyyətləri ləğv edilən Əbülfəz Elçibəy fəaliyyətini Azərbaycan Xalq Cəbhəsi Partiyasının və Bütöv Azərbaycan Birliyinin sədri kimi davam etdirib.

Uzun sürən ağır xəstəlikdən sonra 2000-ci ilin avqustun 22-də Türkiyənin Gülhanə Hərbi Tibbi Akademiyasında dünyasını dəyişən Əbülfəz Elçibəyin nəşi Bakıya gətirilərək Fəxri xiyabanda dəfn edilib.

Ölkə.Az

ŞƏRH YAZ
0

Azərbaycanın yeni hərbi helikopterləri Ermənistanı təşvişə saldı — ABŞ-a TƏCİLİ MƏKTUB

Azərbaycanın yeni hərbi helikopterləri Ermənistanı təşvişə saldı
22:40
23.06.2018
4850
Siyasət
A
Ermənistan Azərbaycan ordusunun Amerika istehsalı olan yeni Bell-412 hərbi helikopterlərindən təşvişə düşüb.

“Ölkə.Az” Ermənistan mətbuatına istinadən xəbər verir ki, təşviş dolu məktubla ölkə parlamentinin vitse-spikeri Arpin Hovanisyan ABŞ konqresinin Ermənistan-Amerika Dostluq Qrupunun üzvü Tulsi Harbarda müraciət edib. O,  Azərbaycanda hərbi parad zamanı sözügedən helikopterlərin nümayiş etdiriləcəyi barədə xəbərlərdən narahat olduğunu dilə gətirib:

“Bu məlumatlar bir çox problem və narahatlıqlar yaratmaqdadır. Narahatlığım xüsusilə Azərbaycanın bu helikopterləri haradan aldığı, bunların Azərbaycanın öhdəsinə necə verildiyinə dairdir”.

Hovanisyan qrup rəhbərlərinin bu durumu izləmələrini və məsələ ilə bağlı məlumat vermələrini xahiş edib.

Ölkə.Az

ŞƏRH YAZ
0
BAĞLA