"Apple" şirkətindən daha bir — YENİLİK

09:36
07.01.2018
5417
Maraqlı
A
"Apple" şirkəti "iPhone", "iPad" və "Mac" modellərində istifadə edilən "Safari" veb-brauzeri üçün patç hazırlayacaq.

"Ölkə.Az" xarici KİV-ə istinadən xəbər verir ki, bu qərar aparıcı çip istehsalçısının hər kompüter cihazını hakerlərin hücumuna həssas edən qüsür haqqında məlumat verməsindən sonra elan edilib.

"Google" şirkətinin nümayəndələri və digər təhlükəsizlik təhqiqatçıları "Intel" şirkətinin çiplərinə təsir edən "Meltdown" adlı qüsür və son 10 il ərzində istehsal edilən bütün kompüter çiplərinə təsir edən "Spectre" adlı qüsür haqqında məlumat yayıblar. Bu xəbər "Intel" şirkətinin səhmlərini aşağı düşməsinə səbəb olub.

Vebsəhifəsində yerləşdirilmiş elanda "Apple" şirkəti bildirib ki, bütün "Mac" və "iOS" əməliyyat sistemindən istifadə edən cihazları həm "Meltdown", həm də "Spectre" qüsurların təsirində ola bilərlər. 

Şirkət əlavə edib ki, əməliyyat sisteminin "Mac" kompüterləri, "Apple TV", "iPhone" və "iPad" üçün sonuncu versiyaları "Meltdown" hücumundan qorumaqla yanaşı, cihazların sürətinə heç bir təsir göstərmir. 

"Meltdown" qüsuru "Apple Watch" saatlarına təsir göstərmir.

Buna baxmayaraq, "Mac" və "iOS" cihazları "Spectre" hücumlarına həssasdır. Həmin qüsur veb-brauzer vasitəsilə cihaza müdaxilə edə bilər. 

"Apple" şirkəti bildirib ki, yaxın günlərdə bu problemi aradan qaldırmaq məqsədilə "Safari" veb-brauzeri üçün xüsusi patç buraxacaq.

Zaur Əziz
Ölkə.Az

ŞƏRH YAZ
0

Cənubi Amerikada Roma Papasının başına iş gəldi — Maşınının təkəri deşildi

Cənubi Amerikada Roma Papasının başına iş gəldi
21:46
20.01.2018
2296
Maraqlı
A
Roma Papası I Fransiskin Cənub Amerikaya səfəri çərçivəsində başına iş gəlib.

“Ölkə.Az” xəbər verir ki, Papanın avtomobili ötən gün Peruya başlayan səfəri zamanı yarı yolda qalıb. Belə ki, Roma papası paytaxt Limada Prezident sarayına gedərkən, mənzil başına çatmağa 3-4 kilometr qalmış avtomobilin təkəri deşilib. I Fransiskin avtomobili dərhal dəyişdirilib və tez bir vaxtda saraya çatdırılıb.

Məlumat üçün bildirək ki, Roma papası Limada müxtəlif görüşlər keçirib və Truxilyo şəhərinə gedib.

Ölkə.Az

ŞƏRH YAZ
0

Kiçik ölçülü nüvə reaktoru hazırlanır — Yeni tədqiqatlar aparılacaq

Kiçik ölçülü nüvə reaktoru hazırlanır
22:52
19.01.2018
11087
Maraqlı
A
NASA və ABŞ Energetika Nazirliyi kiçik ölçülü nüvə reaktoru hazırlayırlar.

"Ölkə.Az" xəbər verir ki, reaktordan kosmik məkanın araşdırılması və ya Ay və Marsın öyrənilməsi üçün istifadə oluna bilər. Qurğunun növbəti sınağı martda Nevada səhrasında keçiriləcək.

"Kilopower" adlandırılan reaktorun gücü 1-dən 10 kVt-dək olacaq və 10 il istifadə ediləcək.

Kosmik qurumun mütəxəssislərinin qiymətləndirməsinə əsasən, bununla iki fərdi yaşayış evini enerji ilə təmin etmək olar.

Ölkə.Az

ŞƏRH YAZ
0
BAĞLA