Aprel döyüşlərinə həsr edilmiş cüdo üzrə beynəlxalq yarış keçirildi — FOTOLAR

Aprel döyüşlərinə həsr edilmiş cüdo üzrə beynəlxalq yarış keçirildi
00:53
21.04.2017
149
İdman
A
Bakı Əl Oyunları İdman Sarayında aprel döyüşlərində qəhrəmancasına həlak olmuş polkovnik-leytenant Raquf Orucovun və digər şəhidlərin xatirəsinə həsr edilmiş beynəlxalq cüdo turnirinin açılış mərasimi keçirilib.

“Raquf Orucov Kuboku” adlandırılan turnir Azərbaycan Gənclər və İdman Nazirliyinin, Azərbaycan Cüdo Federasiyasının dəstəyi və “Azman Holdinq”in tərkibinə daxil olan “Judo Club 2012”nin təşkilatçılığı ilə keçirilib.

101 idmançının (82 oğlan, 19 qız) iştirak etdiyi beynəlxalq turnirdə 12 komanda qalib adı uğrunda mübarizə aparıb.
“Aran-Qarabağ”, “Gəncə”, “Judo 2012”, “Masallı”, “Neftçi İdman Klubu” İB, “Qəbələ”, “Sumqayıt”, “Şimal Qərb” zonası, Bakı UGİM-11, İOEUGİM-13 klubları ilə yanaşı Rusiya və Gürcüstan millisi də mötəbər turnirin iştirakçısı olub.

Yarış öncəsi açılış mərasimi də keçirilib. Mərasimdə ilk olaraq Olimpiya və dünya çempionu Fərid Mansurov çıxış edib: "Bu gün Raquf Orucovun xatirəsinə həsr edilməsi bu yarışın keçirilməsi bir daha sübut edir ki, Azərbaycan öz qəhrəmanlarını heç vaxt unutmur və unutmayacaq. İdman yarışları gənclərin sağlam yetişməsi üçün çox vacindir və həmçinin gözəl təbliğat üsuludur. Bütün iştirakçılara uğurlar arzu edirəm"

Cüdo Federasiyasının İdarə Heyətinin üzvü Ağayar Axundzadə: "Biz hər zaman şəhidlərimizi yad edəcəyik, onları unutmayacağıq. Arzu edirəm ki, belə bir yarışlardan olimpiya çempionları yetişsin, bayrağımızı xarici dövlətlərdə dalğalandırsınlar".

Gənclər və idman komitəsinin sədri deputat Fuad Muradov: "Raquf Orucov Azərbaycanın mübarizəsinin simvoludur. Aprel döyüşləri bir daha sübut etdi ki, Azərbaycan heç vaxt torpaqlarının işğal altında qalması ilə razılaşmayacaq. Biz bilirik ki, ölkə başçısı idman sahəsinə çox böyük önəm verir. Bunun sayəsində idmanımız hər gün daha da inkişaf edir. Mən bir daha Raquf Orucovun ailəsinə təşəkkür etmək istəyirəm. Bizim qəhrəmanlarımız heç vaxt yaddan çıxmır. Belə tədbirlərin keçirilməsi çox yaxşı haldır və bütün təşkilatçılara təşəkkür edirəm".

Azərbaycan Kikboksinq Federasiyasının prezidenti Adil Əliyev: "Bu gün sizlər çox önəmli bir tədbirə şahidlik edirsiniz. Raquf Orucov şəhidlik zirvəsinə ucalmaqla bərabər minlərlə gəncin vətənpərvər yetişməsinə səbəb olub. Aprel döyüşlərində şəhid olanlar xalqımız üçün şəhid olublar. Biz onları unutmarıq, unutmamalıyıq. Biz bilirik ki, Azərbaycan idman ölkəsidir. Ölkəmiz prezident İlham Əliyevin sayəsində hər gün daha da güclənir və güclü ordumuz, gülü dövlətimiz var. Azərbaycan nəinki regionda, həmçinin dünyada öz sözünü deməyi bacaran bir dövlətdir. Buna görə də, Ali Baş Komandanımız İlham Əliyevə təşəkkür etməliyik ki, Azərbaycan ordusuna, idmanına dövlət səviyyəsində qayğı göstərir. Mən bir daha hər kəsə təşəkkür edirəm və hər birinizi Azərbaycan gəncliyinin vətənpərvər ruhda yetişməsində fal olmağa çağırıram".

Çıxışlardan sonra gərgin idman mübarizəsi şəraitində keçən yarışlarda “Neftçi İdman Klubu” və Rusiya yığması 3-cü olub. Həlledici görüşündə isə Gürcüstan millisi ilə “Judo 2012” komandası qarşılaşıb. Gürcüstan millisi rəqibinə qalib gələrək aprel döyüşlərinə həsr edilmiş cüdo üzrə beynəlxalq komanda yarışının qalibi olub.

Xatırladaq ki, şəhidlərimizin xatirəsinə hörmət və ehtiram əlaməti olaraq keçirilən turnirin məqsədi gənclərə vətənpərvərlik hissi və döyüş ruhu aşılamaq, onların Vətənin müdafiəsinə hazırlıq səviyyəsini inkişaf etdirmək, həmçinin idmançılar arasında dostluq və yoldaşlıq hisslərini möhkəmləndirməkdir. (Musavat.com)

Ölkə.Az

ŞƏRH YAZ
0

“Gəncədə ağır olacağını bilirdik” — Tərlan Əhmədov

“Gəncədə ağır olacağını bilirdik”
23:25
20.05.2018
754
İdman
A
Azərbaycan Premyer Liqasının sonuncu - 28-ci turunda səfərdə “Kəpəz”i məğlub edərək həm çempionatda bürünc medalları, həm də Avropa Liqasına vəsiqəni təmin edən “Neftçi”nin baş məşqçisi Tərlan Əhmədov oyundan sonra mətbuat konfransında jurnalistlərin suallarını cavablandırıb:

“Ölkə.Az” xəbər verir ki, Əhmədov əvvəlcə qarşılaşma ilə bağlı fikirlərini bildirib:

- Gəncədə ağır olacağını bilirdik. Bizim üçün burda oynamaq həmişə çətin olub. Bu gün bir daha bunun şahidi olduq. Üzərimizdə təzyiq var idi. Rəqibin itirəcək heç nəyi yox idi. Komandam ehtyat edirdi. Futbolçulara matçdan öncə demişdim ki, mənə gözəl oyundan daha çox 3 xal qazanmaq lazımdı. Bu gün də bunun nəticəsini gördük. Nə qədər çətin olsa da, rəqibi səhv etməyə məcbur edə bildik. Bu səhvlərin də nəticəsində qollarımızı vurub, 3 xalımızı qazandıq.

- Fransisko Qarsiya oyuna sonradan daxil etsəz də, əvəzlədiz. Bu, Kiril Petrovun qırmızı vərəqə alması ilə bağlı idi, yoxsa başqa səbəb var idi?

- Qırmızı vərəqə ilə bağlı idi. Mənə müdafiə xəttini gücləndirmək lazım idi. Komandam hesabda 2:1 öndə idi. Buna görə, hesabı qorumaq istəyirdik. Buna görə, Qarsiyan əvəzləməli oldum. Daha sonra onu çağırıb, üzr istədim. Çünki futbolçunun karyerası var. Ola bilsin, bizdə davam etdirsin, ola bilsin etdirməsin. Hər halda, bu, ona mənfi təsir eləməməlidi. Buna görə, ondan üzr istədim və bildirdim ki heç vaxt ruhdan düşməsin. Bu, məcburiyyətdən irəli gələn bir əvəzetmə idi.

- Qapıçı Səlahət Ağayev bu gün kobud səhvlə yadda qaldı...

- Futbolçular meydanda ani qərar verməlidilər. Bu qərar səhv olsa belə, ona hörmət edirəm. Həm Səlahət, həm də Rəşad (Rəşad Əzizli) bizim əsas qapıçılarımızdılar. Əgər meydandadılarsa, deməli, səhvə məhkumdular. Komanda qol buraxırsa, bu, bir nəfərin yox, hamının səhvidi. Səhvsiz heç nə olmur. Əsas odu, səhvdən nəticə çıxaraq.

- Komandada qalacaqsız?

- Bilmirəm. Qalıb-qalmayacağım mənim üçün də müəmmalıdı. Müqaviləm mayın 31-də başa çatacaq. Gözləyirik. Sabah “Qəbələ” - “Qarabağ” oyunu var. Mükafatlandırma olacaq. Bundan sonra nə olacağını görəcəyik. Nə qərar veriləcəksə, hörmətlə yanaşacam. Mənə tapşırılan işin öhdəsindən gəldim. Bu uğuru qazanmaqda köməyi olan klubun keçmiş prezidenti Orxan Hüseynzadə, keçmiş baş məşqki Elxan Abdullayev, hansı ki, komandadak futbolçuların 90 faizi onun dövründə transfer edilib, onların da əməyi var. O cümlədən bizim azarkeşlərimizi də qeyd edərdim. Çempionat boyu bizə dəstək oldular. Bu gün də uzun yol qət edib, bizə dəstək olmağa gəlmişdilər. Bu uğurda sürücüdən, xadiməyədək, hamının əməyi var. Komandanı qəbul edəndə demək olar, sıfır xalımız var idi. Ancaq mövsümü 3-cü pillədə başa vurmağı bacardıq. O ki qaldı müqaviləyə, bu barədə hələ ki heç nə deyə bilmərəm.

- Bəs siz necə, qalmaq istəyirsiz?

- Hər şey qarşılıqlı razılıqdan asılıdı. Mənim qarşıma avrokuboklara vəsiqə tələbi qoyulmamışdı. Məndən komandanın yaxşı futbol nümayiş etdirməsi və çempionatda minimum 4-5-ci pillələri tutmaq tələb olunurdu. Biz isə mövsümü 3-cü pillədə başa vurduq. Məncə, böyük iş görmüşük. Növbəti mövsümdə məqsədlər yəqin ki, tam fərqli olacaq. 8 ayda bu qədər irəliləyiş əldə etmişiksə, deməli, yaxşık nəticəyə imza atmışıq. Daha böyük uğurlar üçün daha çox vaxta ehtiyac olur. Bunun üçün yaxşı transferlər etmək lazımdı. Klubda hamı bunun üçün çalışmalı, hamı bir nöqtəyə vurmalıdı. Yəqin ki, klub rəhbərliyinin yeni tələbləri olacaq. Mənim də öz şərtlərim olacaq.

Ölkə.Az

ŞƏRH YAZ
0

Samboçularımız II Avropa Oyunlarına üç lisenziya qazanıblar

Samboçularımız II Avropa Oyunlarına üç lisenziya qazanıblar
22:33
20.05.2018
628
İdman
A
Mayın 20-də Yunanıstanın paytaxtı Afinada sambo üzrə Avropa çempionatına yekun vurulub.

"Ölkə.Az" xəbər verir ki, 2019-cu ildə Minskdə təşkil olunacaq II Avropa Oyunlarına lisenziya verən yarışda ölkəmizi 9 samboçu təmsil edib.

Çempionatın sonuncu günündə Azərbaycan millisi daha bir medal qazanıb. Belə ki, 62 kiloqram çəki dərəcəsində mübarizə aparan Cavidan Qarayev Avropa çempionatının bürünc medalına sahib olub.

Qitə birinciliyinin əvvəlki günlərində isə Mehman Xəlilov (57 kq), Emil Həsənov (68 kq) və Nəbi Məmmədov (100 kq) bürünc medal qazanıblar. Həmçinin millimiz II Avropa Oyunlarına 3 lisenziya əldə edib.

Yığmamız çempionatda Azərbaycan Sambo Federasiyasının prezidenti Ceyhun Məmmədovun rəhbərliyi altında yarışıb.

Ölkə.Az

ŞƏRH YAZ
0
BAĞLA