Aprel döyüşlərinə həsr edilmiş cüdo üzrə beynəlxalq yarış keçirildi — FOTOLAR

Aprel döyüşlərinə həsr edilmiş cüdo üzrə beynəlxalq yarış keçirildi
00:53
21.04.2017
20
İdman
A
Bakı Əl Oyunları İdman Sarayında aprel döyüşlərində qəhrəmancasına həlak olmuş polkovnik-leytenant Raquf Orucovun və digər şəhidlərin xatirəsinə həsr edilmiş beynəlxalq cüdo turnirinin açılış mərasimi keçirilib.

“Raquf Orucov Kuboku” adlandırılan turnir Azərbaycan Gənclər və İdman Nazirliyinin, Azərbaycan Cüdo Federasiyasının dəstəyi və “Azman Holdinq”in tərkibinə daxil olan “Judo Club 2012”nin təşkilatçılığı ilə keçirilib.

101 idmançının (82 oğlan, 19 qız) iştirak etdiyi beynəlxalq turnirdə 12 komanda qalib adı uğrunda mübarizə aparıb.
“Aran-Qarabağ”, “Gəncə”, “Judo 2012”, “Masallı”, “Neftçi İdman Klubu” İB, “Qəbələ”, “Sumqayıt”, “Şimal Qərb” zonası, Bakı UGİM-11, İOEUGİM-13 klubları ilə yanaşı Rusiya və Gürcüstan millisi də mötəbər turnirin iştirakçısı olub.

Yarış öncəsi açılış mərasimi də keçirilib. Mərasimdə ilk olaraq Olimpiya və dünya çempionu Fərid Mansurov çıxış edib: "Bu gün Raquf Orucovun xatirəsinə həsr edilməsi bu yarışın keçirilməsi bir daha sübut edir ki, Azərbaycan öz qəhrəmanlarını heç vaxt unutmur və unutmayacaq. İdman yarışları gənclərin sağlam yetişməsi üçün çox vacindir və həmçinin gözəl təbliğat üsuludur. Bütün iştirakçılara uğurlar arzu edirəm"

Cüdo Federasiyasının İdarə Heyətinin üzvü Ağayar Axundzadə: "Biz hər zaman şəhidlərimizi yad edəcəyik, onları unutmayacağıq. Arzu edirəm ki, belə bir yarışlardan olimpiya çempionları yetişsin, bayrağımızı xarici dövlətlərdə dalğalandırsınlar".

Gənclər və idman komitəsinin sədri deputat Fuad Muradov: "Raquf Orucov Azərbaycanın mübarizəsinin simvoludur. Aprel döyüşləri bir daha sübut etdi ki, Azərbaycan heç vaxt torpaqlarının işğal altında qalması ilə razılaşmayacaq. Biz bilirik ki, ölkə başçısı idman sahəsinə çox böyük önəm verir. Bunun sayəsində idmanımız hər gün daha da inkişaf edir. Mən bir daha Raquf Orucovun ailəsinə təşəkkür etmək istəyirəm. Bizim qəhrəmanlarımız heç vaxt yaddan çıxmır. Belə tədbirlərin keçirilməsi çox yaxşı haldır və bütün təşkilatçılara təşəkkür edirəm".

Azərbaycan Kikboksinq Federasiyasının prezidenti Adil Əliyev: "Bu gün sizlər çox önəmli bir tədbirə şahidlik edirsiniz. Raquf Orucov şəhidlik zirvəsinə ucalmaqla bərabər minlərlə gəncin vətənpərvər yetişməsinə səbəb olub. Aprel döyüşlərində şəhid olanlar xalqımız üçün şəhid olublar. Biz onları unutmarıq, unutmamalıyıq. Biz bilirik ki, Azərbaycan idman ölkəsidir. Ölkəmiz prezident İlham Əliyevin sayəsində hər gün daha da güclənir və güclü ordumuz, gülü dövlətimiz var. Azərbaycan nəinki regionda, həmçinin dünyada öz sözünü deməyi bacaran bir dövlətdir. Buna görə də, Ali Baş Komandanımız İlham Əliyevə təşəkkür etməliyik ki, Azərbaycan ordusuna, idmanına dövlət səviyyəsində qayğı göstərir. Mən bir daha hər kəsə təşəkkür edirəm və hər birinizi Azərbaycan gəncliyinin vətənpərvər ruhda yetişməsində fal olmağa çağırıram".

Çıxışlardan sonra gərgin idman mübarizəsi şəraitində keçən yarışlarda “Neftçi İdman Klubu” və Rusiya yığması 3-cü olub. Həlledici görüşündə isə Gürcüstan millisi ilə “Judo 2012” komandası qarşılaşıb. Gürcüstan millisi rəqibinə qalib gələrək aprel döyüşlərinə həsr edilmiş cüdo üzrə beynəlxalq komanda yarışının qalibi olub.

Xatırladaq ki, şəhidlərimizin xatirəsinə hörmət və ehtiram əlaməti olaraq keçirilən turnirin məqsədi gənclərə vətənpərvərlik hissi və döyüş ruhu aşılamaq, onların Vətənin müdafiəsinə hazırlıq səviyyəsini inkişaf etdirmək, həmçinin idmançılar arasında dostluq və yoldaşlıq hisslərini möhkəmləndirməkdir. (Musavat.com)

Ölkə.Az

ŞƏRH YAZ
0

İbrahim Şehiçə ağır cəza

İbrahim Şehiçə ağır cəza
13:43
Bu gün
277
İdman
A
AFFA İntizam Komitəsinin növbəti iclası keçirilib.

"Ölkə.Az"ın məlumatına görə, iclasda Premyer Liqanın 12-ci turunun oyunları ilə bağlı bir sıra qərarlar qəbul olunub.

Belə ki, noyabrın 17-də Premyer Liqanın XII turunun “Qarabağ” – “Sumqayıt” matçında “Sumqayıt” klubunun 5 futbolçusu sarı vərəqə ilə cəzalandığı üçün klub 800 manat cərimə olunub. Oyunun 30-ci dəqiqəsində “Qarabağ” klubunun 13 №-li futbolçusu İbrahim Sehiç aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb, klub 2400 manat cərimə olunub.

“Kəpəz” – “Səbail” matçında “Kəpəz” və “Səbail” klublarının 4 futbolçusu sarı vərəqə ilə cəzalandığları üçün hər iki klub 800 manat cərimə olunub. Oyunun 5-ci dəqiqəsində “Kəpəz” klubunun 3 №-li futbolçusu Dedimar Ferreir aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb, klub 2400 manat cərimə olunub.

ŞƏRH YAZ
0

Böyük Britaniyanın səfiri "Qarabağ" klubunu dəstəklədi — FOTO

Böyük Britaniyanın səfiri
13:07
Bu gün
169
İdman
A
Bu gün Çempionlar Liqasının qrup mərhələsi çərçivəsində "Qarabağ" və "Çelsi" klubları qarşılaşacaq.

"Ölkə.Az" xəbər verir ki, Britaniyanın səfiri də bu oyuna marağını nümayiş etdirib.

Böyük Britaniyanın ölkəmizdəki səfiri Tvitter səhifəsində yeni foto payıaşıb. Fotoda səfirin boynunda Kerol Merki Krofts üzərinə "Qarabağ" və "Çelsi"nin adı yazılan şərf var.

Fotonun üzərindəki yazıda isə səfirin sözləri əks edilib və qarşısında Britaniya ilə Azərbaycan bayraqlarının şəkli yerləşdirilib: “Səfir Krofts deyir: Niyə də yox?!”.

Oyun bu gün yerli vaxtla 21:-00 radələrində keçiriləcək.

Hikmət Həsənov
Ölkə.Az

ŞƏRH YAZ
0
BAĞLA