Aprel qazisi Türkiyədə müalicə olundu

"Ölkə.Az" xəbər verir ki, 46 gün komada qalan qazimiz ayıldıqdan sonra danışa bilmir, sol tərəfini tərpədə bilmirdi. Hərbçinin kəllə sümüyünün yarısı yox idi.

Keçirilən əməliyyat nəticəsində beyindəki zədə ortadan qaldırılıb. 25 sentyabr tarixində isə "kranioplasti" ilə 3D printerdə istehsal edilən kəllə sümüyü qazimizin başına yerləşdirilib.

Sonradan 28 yaşlı döyüşçü Türkiyəyə aparılıb. "Sağlık Bilimleri Üniversitesi"nə yerləşdiriləndə Yaşar gəzə bilmirdi və bədəninin sol tərəfini tərpədə bilmir, çox çətinliklə danışırdı.

Azərbaycanda 3 dəfə əməliyyat olan döyüşçü iki dəfə də Türkiyədə əməliyyat olunur. Yaşar deyir: "Yaralandıqdan sonra özümü ilk dəfə görəndə şok yaşamadım. Soyuqqanlı davrandım. İnsan heç başından yaralanarmı? Başa dəyən güllə insanı öldürər. Bədənim sol tərəfinin işləməməsi mənə pis təsir etmişdi. Mən bir dəfə  əzab çəkdim, amma ailəm hər gün acılar içində idi".

Anasının yanında başını açmayan, daim papaqla oturan aprel qazisi onu daha çox pəjmürdə etmək istəməyib. Müalicə boyu onu heç vaxt tək buraxmayan qardaşı Anar isə Yaşarı bu vəziyyətdə ilk dəfə görəndə göz yaşlarına boğulub.

25 sentyabrda başındakı qüsurun aradan qaldırılması üçün əməliyyata girən Yaşar uğurlu olacağına inanmayıb. Əməliyyatdan sonra isə başının yeni vəziyyətini qardaşının mobil telefonla çəkdiyi fotolardan görüb. Nəticədə gənc döyüşçü ilk olaraq əli ilə başını qaşıyır və qüsurun aradan qalxdığına əmin olur.

Hikmət Həsənov
Ölkə.Az