Aprel qəhrəmanları haqqında sənədli film çəkilir

Aprel qəhrəmanları haqqında sənədli film çəkilir
19:02
11.08.2017
51
Mədəniyyət
A
“Aprel qəhrəmanları: bir andan əbədiyyətə qədər” adlı sənədli filmin çəkilişlərinə başlanılıb.

"Ölkə.Az" AZƏRTAC-a istinadən xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Media İnkişaf Mərkəzi İctimai Birliyi tərəfindən reallaşdırılan layihə “Aprel döyüşləri qəhrəmanlarının gənclər arasında təbliği ilə bağlı tədbirlərin təşkili” adlanır.

Layihənin məqsədi 2016-cı il aprel döyüşlərində iştirak etmiş, yaralanmış, şəhid olmuş şəxslərin şücaətindən, ümumiyyətlə, şəhidlik zirvəsinin mahiyyətindən bəhs edən 30 dəqiqəlik sənədli film hazırlamaqdır.

Aprel döyüşlərində iştirak etmiş əsgər və zabitlərimizin qəhrəmanlığının geniş təbliği gənc nəslin vətənpərvərlik tərbiyəsi baxımından vacib addımdır.

ŞƏRH YAZ
0

Tanınmış alim vəfat etdi

Tanınmış alim vəfat etdi
15:45
Bu gün
416
Mədəniyyət
A
Görkəmli alim Əsəd Musayev vəfat edib.

"Ölkə.Az" xəbər verir ki, bu barədə APA-ya Kənd Təsərrüfatı Nazirliyindən (KTN) məlumat verilib.

Bildirilib ki, Ə. Musayev yanvarın 21-də 80 yaşında dünyasını dəyişib.

Əsəd Cənnət oğlu Musayev uzun müddət Aqrar Elm Mərkəzinə və Əkinçilik Elmi-Tədqiqat İnstitutuna rəhbərlik edib.

Ə. Musayevin tədqiqat işləri nəticəsində yüzlərlə buğda, çovdar və digər dənli bitkilərin təbii hibrid formaları toplanıb. Rəhbərlik etdiyi “Bitki seleksiyası” şöbəsində bir sıra buğda, arpa, qarğıdalı, soya, lobya, noxud, tritikale bitkilərinin 20 mindən çox genofondunun toplanmasına nail olunub, dənli, dənli-paxlalı bitkilərin 90-dan çox sortu yaradılıb, KTN yanında Bitki Sortlarının Qeydiyyatı və Toxum Nəzarəti üzrə Dövlət Xidmətinə verilib. İndiyədək onlardan 47-si rayonlaşıb və patentləşib. Bu sortlar hər il respublikada 600 min hektardan artıq sahədə əkilir. 

Mərhum alim “Şərəf nişanı” ordeni ilə təltif edilib, əməkdar kənd təsərrüfatı işçisi fəxri adına və Azərbaycan prezidentinin fərdi təqaüdünə layiq görülüb.

ŞƏRH YAZ
0

“Paddinqton 2” Azərbaycan dilində nümayiş olundu — Foto

“Paddinqton 2” Azərbaycan dilində nümayiş olundu
22:27
21.01.2018
565
Mədəniyyət
A
"CinemaPlus Ganjlik Mall"da Azərbaycan dilinə dublyaj olunmuş “Paddinqton 2” filminin nümayişi keçirilib.

"Ölkə.Az" xəbər verir ki, ekran əsərində baş rolları Hyu Bonnevill, Salli Hokins, Brendan Qlison, Hyu Qrant kimi məşhurlar ifa edirlər.

Xronometrajı 103 dəqiqə olan filmin rejissoru Paul Kinqdir.

Filmi Azərbaycan dilinə Murad Dadaşov, Oksana Rəsulova, Aqil M. Quliyev, Kamran Ağabalayev və Sənubər İsgəndərli səsləndiriblər.

Filmin süjet xəttinə görə, Londonun əntiq əşyalar satılan mağazasında gözəl və yaxşı tərbiyə olunmuş ayı Paddinqton qədim qeyri-adi bir kitab tapır. O, bütün ayı gücü ilə həmin kitaba pul yığana kimi, nadir kitab oğurlanır. Paddinqton, it konservləri reklam edən, öz çevrilmə bacarığını bütün Londanda gizlədilən zinət əşyalarının ovuna istifadə edən aktyorun planı olan əsrin hiyləsinə qoşulmuş olur.

Ölkə.Az

ŞƏRH YAZ
0
BAĞLA