Aptekdə narkotik tərkibli dərman satan qadının MƏHKƏMƏSİ

Aptekdə narkotik tərkibli dərman satan qadının MƏHKƏMƏSİ
19:03
16.05.2019
712
Ölkə
A
Gəncə Ağır Cinayətlər Məhkəməsində işlətdiyi aptekdə narkotik tərkibli dərmanlar satmaqda təqsirli bilinən Şəlalə Əliyevanın cinayət işi üzrə məhkəmə prosesi davam edir.

"Ölkə.Az" xəbər verir ki, hakim Natiq Əliyevin sədrliyi ilə keçiriləcək növbəti məhkəmə porsesi may ayının 20-nə təyin olunub.
Qeyd edək ki, ötən il Baş Narkotiklərlə Mübarizə İdarəsinə Gəncə şəhərində fəaliyyət göstərən apteklərdə psixotrop dərmanların qanunsuz satışı barədə məlumat daxil olub.

Baş İdarə və regional şöbəsinin əməkdaşları daxil olan məlumat əsasında  şəhər sakini Şəlalə Əliyevanın işlətdiyi, Gəncə şəhəri Əziz Əliyev küçəsi döngə 2, ev 8 ünvanında fəaliyyət göstərən, “Xəmsə-2” MMC-yə məxsus aptekə və onun bacısı Kəmalə Bağırovanın Nəriman Nərimanov prospekti, ev 52, mənzil 25 ünanında icarə əsasında işlətdyi aptekə baxış keçirilib. Baxış zamanı onlara məxsus apteklərdən külli miqdarda, satışı qadağan olunmuş, eyni zamanda istifadə müddəti bitmiş və satışı xüsusi lisenziya tələb edən psixotorp dərmanlar aşkarlanaraq götürülüb. Sonradan məlum olub ki, bu işlərə Əliyeva Şəlalə Abdulcamal qızı rəhbərlik edib və o təşkil edib.

Onun barəsində Cinayət Məcəlləsinin müvafiq 4 maddəsi ilə cinayət iş açılıb.

Natiq Allahverdiyev
Ölkə.Az

ŞƏRH YAZ
0

Abituriyentlər ali təhsil müəssisələrinə müsabiqədənkənar qəbul ola biləcəklər

Abituriyentlər ali təhsil müəssisələrinə müsabiqədənkənar qəbul ola biləcəklər
00:25
Bu gün
707
Ölkə
A
Beynəlxalq səviyyədə akkreditasiya olunan təhsil proqramları üzrə təhsil almış abituriyentlər ali təhsil müəssisələrinə müsabiqədənkənar qəbul ola biləcəklər.

"Ölkə.Az"ın məlumatına görə, bunu Təhsil Nazirliyinin şöbə müdiri Emin Əmrullayev 20 may 2019-cu il tarixində Nazirlər Kabinetinin təsdiq etdiyi qərarlarla bağlı mətbuat konfransında çıxışı zamanı bildirib.

Onun sözlərinə görə, bu abituriyentlər yalnız ingilisdilli ixtisaslara qəbul ola biləcəklər:

“Son beş ildə ingilisdilli ixtisasların sayı beşdən 69-a artırılıb. Hər il bu ixtisasların sayında artım olacaq”.

“Beynəlxalq proqramlar əsasında təhsil alan şagirdlərin təhsil proqramları ilə Dövlət İmtahan Mərkəzinin ali məktəblərə qəbul proqramları arasında fərq olurdu. Buna görə də həmin məzunlar ali təhsil almaq üçün xarici ölkərə üz tutmaq məcburiyyətində qalırdılar.

Yeni qərar həmin məzunlara Azərbaycanda ali təhsil almaq imkanı yaradır. Bu məzunlar üçün əsas tələb odur ki, onlar mütləq Azərbaycan dilindən də imtahan verməlidirlər”, - deyə şöbə müdiri qeyd edib.

Qeyd edək ki, abituriyentlərin müsabiqədənkənar qəbulu Dövlət İmtahan Mərkəzi tərəfindən beynəlxalq səviyyədə akkreditasiya olunan “IB Diploma Programme” (Beynəlxalq Bakalavriat Diplom Proqramı), “Advanced Level of General Certificate of Education” (Təhsil haqqında ümumi sertifikatın yüksək səviyyəsi) və “Advanced Placement” (Yüksək yerləşdirmə) təhsil proqramları üzrə aparılacaq.

Ölkə.Az

ŞƏRH YAZ
0

Birinci vitse-prezident Mehriban Əliyeva iftarda — FOTO

Birinci vitse-prezident Mehriban Əliyeva iftarda
23:43
23.05.2019
447
Ölkə
A
Azərbaycan Respublikasının Birinci vitse-prezidenti Mehriban Əliyeva və Heydər Əliyev Fondunun vitse-prezidenti Leyla Əliyeva Bakının Xəzər rayonunun Mərdəkan qəsəbəsindəki Pir Həsən ziyarətgahında təşkil olunan iftar mərasimində iştirak ediblər.

"Ölkə.Az" xəbər verir ki, Birinci vitse-prezident Mehriban Əliyeva və Heydər Əliyev Fondunun vitse-prezidenti Leyla Əliyeva bu yaxınlarda həmin ziyarətgahda olarkən iftar süfrəsinə dəvət edilmişdilər.

İftar mərasiminə toplaşanlar Azərbaycandakı sosial-iqtisadi inkişafa, əmin-amanlığa görə təşəkkürlərini bildirdilər. Onlar Prezident İlham Əliyevin və Birinci xanım Mehriban Əliyevanın ölkəmizim inkişafı istiqamətində gördükləri işləri yüksək qiymətləndirdilər, belə mərasimlərin tezliklə Qarabağda da keçiriləcəyinə əminliklərini ifadə etdilər.

Birinci vitse-prezident Mehriban Əliyeva Xəzər rayonunun sakinləri ilə görüşməkdən şad olduğunu bildirdi, müqəddəs Ramazan ayında onların dualarının qəbul olunmasını və Allah-Təalanın ölkəmizi hər zaman qorumasını arzuladı.

İftar mərasimində “Qurani-Kərim”dən ayələr və iftar duası oxundu.

Müqəddəs kitabımız olan “Qurani-Kərim”in nazil olduğu Ramazan ayı insanların qəlbini nurlandıran, onları sülhə, həmrəyliyə, əxlaqi saflığa dəvət edən mübarək aylardandır. Müsəlmanlar bu ayda xeyirxah əməllərin, mərhəmət duyğularının fərəhini, mənəvi-ruhi kamilliyin nəfs üzərində qələbə sevincini yaşayırlar. Mübarək Ramazan günlərində gözəl ənənəyə çevrilən iftar süfrələrinin təşkil edilməsi də cəmiyyətimizin vahidliyinin, ümumi amallar naminə ölkəmizdə dövlətlə din arasında sıx birliyin bariz nümunəsidir. Ramazanın önəmli mərasimlərdən biri olan iftar süfrələrinin mənası, sadəcə, ehtiyacı olanlara yemək vermək deyil, paylaşmaq, yaxınlaşmaq, birlikdə Allaha dua etməkdir. Azərbaycan dövləti çox möhkəm milli dəyərlər üzərində qurulub. İslam dəyərləri isə milli dəyərlərimizin ayrılmaz tərkib hissəsidir.

Ölkə.Az

ŞƏRH YAZ
0
BAĞLA