Araz Abdullayev rəsmən Kipr klubunda

Araz Abdullayev rəsmən Kipr klubunda
12:57
11.08.2017
153
İdman
A
“Qəbələ”nin və Azərbaycan milli komandasının futbolçusu Araz Abdullayev karyerasını Kiprdə davam etdirəcək.

"Ölkə.Az" sport24.az-a istinadən xəbər verir ki, 25 yaşlı yarımmüdafiəçi “Anortosis” klubuna keçib. Abdullayev Famaqusta təmsilçisi ilə 1 illik müqavilə imzalayıb.

Abdullayev 2008-2011 və 2012-2016-cı illərdə “Neftçi”də çıxış edib. 2011-2012-ci illərdə müqavilə ilə İngiltərə “Everton”una məxsus olan yarımmüdafiəçi icarə əsasında 2012-ci ilin ilk yarısında Yunanıstanın “Panionios” klubunda legioner həyatı yaşayıb. Araz 2017-ci ilin qış transfer pəncərəsində “Qəbələ” ilə müqavilə imzalamışdı.

Abdullayev millimizdə 2008-ci ildən çıxış edir.

ŞƏRH YAZ
0

Samir Əliyev "Səbail"dən getdi

Samir Əliyev
23:36
22.05.2018
333
İdman
A
Bu gün "Səbail" klubunun rəhbərliyi və baş məşqçi Samir Əliyev arasında görüş keçirilib.

Klubun mətbuat xidmətindən "Ölkə.Az"a verilən məlumata görə, görüşdə "Səbail"in Topaz Premyer Liqasının geridə qalan mövsümündə çıxışı barədə ətraflı müzakirələr aparılıb.

Qarşılıqlı razılıq əsasında S.Əliyevin "Səbail"in baş məşqçisi kimi müqaviləsinə xitam verilməsi barədə qərar qəbul edilib.

Samir Əliyev "Səbail"ə cari mövsüm ərəfəsində baş məşqçi təyin olunub. Premyer Liqanın debütantı gənc mütəxəssisin rəhbərliyi altında 23 xalla 7-ci yeri tutub.

Ölkə.Az

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
633
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0
BAĞLA