Araz Əlizadə: “Azərbaycan keçmiş SSRİ ölkələrindən daha yaxşı yaşayır”

Araz Əlizadə: “Azərbaycan keçmiş SSRİ ölkələrindən daha yaxşı yaşayır”
17:57
15.07.2017
115
Siyasət
A
“Dünyada sosial problemi olmayan ölkə yoxdur. Ancaq Azərbaycan əhalisi keçmiş SSRİ ölkələri arasında ən yaxşı yaşayır”.

Bu fikirləri “Ölkə.Az”-a açıqlamasında Milli Məclisin deputatı, Azərbaycan Sosial Demokrat Partiyasının (ASDP) sədri Araz Əlizadə bildirib. 

A.Əlizadə deyib ki, bu gün Azərbaycan əhalisi Moldova, Ukrayna, Gürcüstan, Qırğızıstan, Türkmənistan, Qazaxıstan, Ermənistan və digər keçmiş SSR ölkələrinin əhalisindən daha yaxşı yaşayır:

“Azərbaycan əhalisi Rusiyanın Moskva, Sankt-Peterburq və bir neçə böyük şəhərlərini çıxmaq şərti ilə daha yaxşı yaşayır. Bu gün bəzi insanlar Azərbaycandakı vəziyyəti bəyənmirsə, əslində bu yaxşı haldır. Çünki insan daim işləyib yaxşıya doğru addımlamalıdır. Daha bir parça çörəyim var, bəsimdir prinsipi olmamalıdır. Bunun üçün də daha çox işləmək lazımdır. Misal üçün, mən ABŞ-dan yeni qayıtmışam. Mən ilk dəfə ABŞ-a gedəndə təəccüb etmişdim. Oranın yolları elə bizim yollar kimi idi. Ancaq indi bizim yollar ABŞ-ın yollarından qat-qat yaxşıdır. Donald Tramp prezident olandan sonra ABŞ-da da yolları düzəltməyə başlayıblar. Həmçinin, ötən sərin 90-cı illərinin əvvəlinədək Almaniyanın yolları çox yaxşı idi, ancaq indi pis vəziyyətdədir. Azərbaycanın yolları daha yaxşıdır”.

Deputat qeyd edib ki, vaxtilə Qərbdə genişləndirilən sosial problemləri indi məqsədli şəkildə məhdudlaşdırırlar: 

“Bunun da səbəbi odur ki, əhali tənbəlləşib, işləmək istəmir. Mən hərdən alman deputatlarla da görüşəndə bu barədə soruşuram. Onlar da bildirir ki, bizim gənclərin işləməyə həvəsi yoxdur. Səbəb də Almaniyada insanların sosial təminatının yüksək olmasıdır. Almaniyada sosial təminat o qədər yüksəkdir ki, əhalinin işsizlikdən aldığı müavinətlə işçi maaşı təqribən eynidir. Almaniya və digər Qərb dövlətlərində insanlar işsiz qala-qala sosial müavinətlə yaxşı dolanırlar, bütün dünyanı gəzirlər. Bütün bunlara görə miqrantlar da həmin ölkələrə üz tuturlar. Ona görə də Qərbdə sosial təminatın çox yüksək olması müəyyən problemlər yaradır”.

Vasif Həsənli
Ölkə.Az

ŞƏRH YAZ
0

Azərbaycan-Aİ sazişi üzrə danışıqlarda hansı məsələlər müzakirə ediləcək — AÇIQLAMA

Azərbaycan-Aİ sazişi üzrə danışıqlarda hansı məsələlər müzakirə ediləcək
13:00
Bu gün
2762
Siyasət
A
"Azərbaycan ilə Avropa İttifaqı arasında yeni saziş üzrə danışıqların növbəti mərhələsində siyasi və təhlükəsizlik məsələləri müzakirə olunacaq".

 "Ölkə.Az" Report-a istinadən xəbər verir ki, bunu Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas deyib.

Onun sözlərinə görə, Azərbaycan ilə Aİ arasında yeni saziş üzrə danışıqların növbəti mərhələsi mayın 29-30 tarixlərində Bakıda keçiriləcək.

Səfir həmçinin qurumla Azərbaycan arasında imzalanacaq aviasiya sazişinə də toxunub: "Sazişlə bağlı bir sıra işlər həyata keçirilib. Biz bununla bağlı görülmüş işlərin nəticələrini, ümid və nikbinliklə gözləyirik". 

ŞƏRH YAZ
0

Siyavuş Novruzov: "Abituriyentlərin intiharında mətbuatın da günahı var"

Siyavuş Novruzov:
12:55
Bu gün
1932
Siyasət
A
Yeni Azərbaycan Partiyasının (YAP) İcra katibinin müavini, Milli Məclisin Dini qurumlar və ictimai birliklər komitəsinin sədri Siyavuş Novruzov ölkədə abituriyentlər, ümumiyyətlə gənclər arasında intihar halının mətbuatda işıqlandırılmasına qarşı çıxıb.

"Ölkə.Az"ın APA-ya istinadən məlumatına görə, Milli Məclisdə keçirilən dəyirmi masada S. Novruzov bildirib ki, son vaxtlar xüsusilə abituriyentlər arasında intihar hallarının baş verməsində mətbuat günahkardır.

“Məsələn, biri intihar edir, mətbuat isə bunu işıqlandırır, dayanmadan təbliğ edir. Bunu görən digər uğur qazanmayanlar da intihara meyllənir. Əvvəllər belə hallar gizli saxlanırdı, indi isə sanki açıq təbliğ olunur. Hesab edirəm ki, bu barədə ciddi düşünməliyik”, - deyə o qeyd edib.

ŞƏRH YAZ
2
BAĞLA