Araz Əlizadə: “Xarici İşlər Nazirliyi axı hara baxır, nə ilə məşğuldur?”

Araz Əlizadə: “Xarici İşlər Nazirliyi axı hara baxır, nə ilə məşğuldur?”
15:33
17.05.2018
4082
Siyasət
A
Azərbaycan Sosial Demokrat Partiyasının sədri, Milli Məclisin deputatı Araz Əlizadə Avropa Şurası Parlament Assambleyasının (AŞPA) Səməd Seyidov başda olmaqla 4 deputatın mandatının dondurulması barədə qəbul etdiyi qərarı pisləyib.

A.Əlizadə “Ölkə.Az”a açıqlamasında bildirib ki, sözügedən sanksiya qərarı Azərbaycana qarşı növbəti qərəzliliyin bariz nümunəsidir:

“Səməd Seyidov Milli Məclisin ən fəal çalışan komitə sədridir. Ona qarşı qəbul edilən bu qərar bütövlükdə Azərbaycan dövlətinə qarşı atılan addımdır. Hesab edirəm ki, Azərbaycan tərəfi bu qərara kəskin mövqe bildirməlidir. Azərbaycan dünyaya göstərməlidir ki, biz öz insanlarımızı tək buraxmırıq. Bu şər-böhtan kampaniyasına cavab olaraq, Səməd Seyidovu müdafiə etməliyik. Elə etməliyik ki, gələcəkdə heç kəs Azərbaycan nümayəbndələrinə bu cür hücumları ağıllarından belə keçirtməsin. Əgər buna cavab verilməsə, çox pis tendensiya yaradacaq, qapazaltı olacağıq”.

Deputat Azərbaycanın Xarici İşlər Nazirliyinin fəaliyyətini də sərt tənqid edib:

“Mən başa düşə bilmirəm ki, bizim Xarici İşlər Nazirliyi axı hara baxır, nə ilə məşğuldur? Hesab edirəm ki, bu məsələ ilə bağlı onlar bəyanat verməlidir”.

Vasif Həsənli
Ölkə.Az

ŞƏRH YAZ
0

Azərbaycanlı deputatlar Gürcüstandakı prezident seçkilərini müşahidə edəcək

Azərbaycanlı deputatlar Gürcüstandakı prezident seçkilərini müşahidə edəcək
20:29
Bu gün
461
Siyasət
A
"Mili Məclisin üzvləri oktyabrın 28-də Gürcüstanda keçiriləcək prezident seçkilərini müşahidə edəcəklər".

"Ölkə.Az" “Report"a istinadən xəbər verir ki, bunu jurnalistlərə Milli Məclisin üzvü, Azərbaycan-Gürcüstan parlamentlərarası dostluq qrupunun rəhbəri Əflatun Amaşov deyib.

Onun sözlərinə görə, azərbaycanlı deputatların Gürcüstana müşahidəçi kimi göndərilməsi məsələsi ilə bağlı hazırda məsləhətləşmələr aparılır.

Qeyd edək ki, qonşu ölkədəki prezident seçkilərini Azərbaycanın Mərkəzi Seçki Komissiyasının 4 nəfərdən ibarət nümayəndə heyəti də izləyəcək. 

Ölkə.Az

ŞƏRH YAZ
0

Bu nazirliyin səlahiyyətləri artırıldı — FƏRMAN

Bu nazirliyin səlahiyyətləri artırıldı
18:59
Bu gün
676
Siyasət
A
Prezident İlham Əliyev “Azərbaycan Respublikası İqtisadiyyat Nazirliyinin fəaliyyətinin təmin edilməsi və “Azərbaycan Respublikası İqtisadi İnkişaf Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2006-cı il 28 dekabr tarixli 504 nömrəli fərmanında dəyişikliklər edilməsi barədə” Azərbaycan Respublikası Prezidentinin 2014-cü il 20 fevral tarixli 111 nömrəli fərmanında dəyişiklik edilməsi haqqında fərman imzalayıb.

"Ölkə.Az"ın məlumatına görə, fərmanla Azərbaycan Respublikası Prezidentinin 2014-cü il 20 fevral tarixli 111 nömrəli fərmanı ilə təsdiq edilmiş “Azərbaycan Respublikasının İqtisadiyyat Nazirliyi haqqında Əsasnamə”yə aşağıdakı məzmunda 3.0.63-1-ci yarımbənd əlavə edilir:

“3.0.63-1. Azərbaycan Respublikasının Mənzil Məcəlləsinin tələblərinə idarəedici subyektlərin riayət etmələrinə nəzarəti həyata keçirmək, həmçinin çoxmənzilli binanın idarə edilməsi qaydasına uyğun olaraq sahə mülkiyyətçiləri (sakinlər) ilə müqavilələr bağlanılmasını tələb etmək, müvafiq qanunvericiliyin tələblərinə əməl olunması vəziyyətinin araşdırılması üçün mənzil münasibətlərinin iştirakçılarından məlumatlar almaq, onları təhlil etmək, habelə bu yarımbənddə qeyd edilən məsələlərə dair daxil olmuş müraciətlər üzrə zəruri tədbirlər görmək;”.

Nazirlər Kabineti hüquqi nəticə yaradan hərəkətləri dövlətin adından həyata keçirən, Azərbaycan Respublikası Prezidentinin yaratdığı publik hüquqi şəxsin (statusu Azərbaycan Respublikasının qanunu ilə müəyyən edilən, habelə dövlət orqanlarının strukturuna daxil olmayan tabeliyindəki publik hüquqi şəxslər istisna olmaqla) işlər görülməsindən və xidmət göstərilməsindən əldə etdiyi vəsaitin (o cümlədən tutulan xidmət haqlarının) həmin publik hüquqi şəxsin sərəncamında qalan hissəsindən istifadə qaydasını, Azərbaycan Respublikasının Prezidenti ilə razılaşdırmaqla, üç ay müddətində müəyyən etməlidir.

ŞƏRH YAZ
0
BAĞLA