Araz Əlizadə: “Xarici İşlər Nazirliyi axı hara baxır, nə ilə məşğuldur?”

Araz Əlizadə: “Xarici İşlər Nazirliyi axı hara baxır, nə ilə məşğuldur?”
15:33
17.05.2018
4012
Siyasət
A
Azərbaycan Sosial Demokrat Partiyasının sədri, Milli Məclisin deputatı Araz Əlizadə Avropa Şurası Parlament Assambleyasının (AŞPA) Səməd Seyidov başda olmaqla 4 deputatın mandatının dondurulması barədə qəbul etdiyi qərarı pisləyib.

A.Əlizadə “Ölkə.Az”a açıqlamasında bildirib ki, sözügedən sanksiya qərarı Azərbaycana qarşı növbəti qərəzliliyin bariz nümunəsidir:

“Səməd Seyidov Milli Məclisin ən fəal çalışan komitə sədridir. Ona qarşı qəbul edilən bu qərar bütövlükdə Azərbaycan dövlətinə qarşı atılan addımdır. Hesab edirəm ki, Azərbaycan tərəfi bu qərara kəskin mövqe bildirməlidir. Azərbaycan dünyaya göstərməlidir ki, biz öz insanlarımızı tək buraxmırıq. Bu şər-böhtan kampaniyasına cavab olaraq, Səməd Seyidovu müdafiə etməliyik. Elə etməliyik ki, gələcəkdə heç kəs Azərbaycan nümayəbndələrinə bu cür hücumları ağıllarından belə keçirtməsin. Əgər buna cavab verilməsə, çox pis tendensiya yaradacaq, qapazaltı olacağıq”.

Deputat Azərbaycanın Xarici İşlər Nazirliyinin fəaliyyətini də sərt tənqid edib:

“Mən başa düşə bilmirəm ki, bizim Xarici İşlər Nazirliyi axı hara baxır, nə ilə məşğuldur? Hesab edirəm ki, bu məsələ ilə bağlı onlar bəyanat verməlidir”.

Vasif Həsənli
Ölkə.Az

ŞƏRH YAZ
0

Rusiyanın Azərbaycandakı səfiri: “Moskva Qarabağ münaqişəsində tərəflərə kömək etmək istəyir”

Rusiyanın Azərbaycandakı səfiri: “Moskva Qarabağ münaqişəsində tərəflərə kömək etmək istəyir”
12:12
Bu gün
1097
Siyasət
A
Rusiyanın Azərbaycandakı yeni səfiri Mixail Boçarnikov Qarabağ münaqişəsi ilə bağlı yeni açıqlama verib.

“Ölkə.Az” xəbər verir ki, səfir Dağlıq-Qarabağ münaqişəsində Rusiyanın mövqeyinin məlum olduğunu deyib:

“Bizim məqsədimiz hamıya bəllidir. Biz münaqişənin həlli üçün tərəflərə dəstək vermək niyyətindəyik. Bu, bizim rəsmi mövqeyimizdir”.

Bundan başqa səfir keçirdiyi mətbuat konfransında qeyd edib ki, Rusiya heç vaxt digər ölkələri “ya Qərblə, ya da bizimlə” seçimi qarşısında qoymur:
“Heç bir ölkəni “Ya Qərbə, ya da bizə” seçimi qarşısında qoymur. Bəlkə də Qərb ölkələri belə bir təcrübəni tətbiq edirlər. Rusiya və Azərbaycan beynəlxalq arenada öz dostlarını sərbəst müəyyənləşdirən və seçən müstəqil dövlətlərdir. Rusiya Azərbaycanla münasibətlərini daha da möhkəmləndirmək üçün bütün yollara baş vurur”.

Hikmət Həsənov
Ölkə.Az

ŞƏRH YAZ
0

Prezident Vaqif Axundova orden verdi

Prezident Vaqif Axundova orden verdi
11:52
Bu gün
2410
Siyasət
A
Prezident İlham Əliyev Azərbaycan Respublikası Хüsusi Dövlət Mühafizə Хidmətinin hərbi qulluqçularının təltif edilməsi haqqında sərəncam imzalayıb.

"Ölkə.Az" xəbər verir ki, ölkə başçısının imzaladığı sərəncama əsasən, Xüsusi Dövlət Mühafizə Xidmətinin rəisi, general-polkovnik Axundov Vaqif Əlibala oğlu 1-ci dərəcəli “Vətənə xidmətə görə” ordeni ilə təltif olunub.

ŞƏRH YAZ
0
BAĞLA