Arda Turan üçün — ŞOK QƏRAR

Arda Turan üçün
09:21
08.08.2017
204
İdman
A
Hazırlıq görüşündə təyyarə qəzasına düşən "Chapecoense" komandası ilə qarşı-qarşıya gələn "Barcelona"da 11 dəyişiklik edilsə də, Arda Turanın adı siyahıda yoxdur.

 "Ölkə.Az" xəbər verir ki, kataloniyalıların 5-0 qalib gəldikləri oyunda baş məşqçi Ernesto Valverde 11 oyunçu dəyişdirsə də, Arda Turanı sahəyə buraxmayıb.  "Barcelona"da Arda Turan və Duqlasdan başqa bütün oyunçular "Chapecoense" oyununda sahədə top qovublar. Valverdenin bu qərarı isə "Növbəti mövsümdə Ardanı heyətdə düşünmür" fikrini gündəmə gətirib.

Yeni mövsümdən əvvəl ilk də Nou Kamp stadionda rəqib qarşısına çıxan "Barcelona" 2016-cı ilin noyabr ayında təyyarə qəzasında futbolçularını və texniki heyəti həlak olan "Chapecoense" ilə üz-üzə gəlib.

Alan Raşel və Helio Neto ilə qəzadan sağ qalan, amma sağ ayağını itirən qapıçı Cekson Folmann oyunun start fitini verib.

Komandanın kapitanı Raşel 36-cı dəqiqədə oyunu tərk edərək göz yaşlarına hakim ola bilməyib.

Mövsümdən əvvəl baş məşqçi təyin edilən Ernestonun komandasında Deulofeu, Busquets, Messi, Luis Suarez ve Denis Suarezin qolu ilə "Barcelona" 5-0 qalib gəlib.

Hikmət Həsənov
Ölkə.Az

ŞƏRH YAZ
0

Samir Əliyev "Səbail"dən getdi

Samir Əliyev
23:36
22.05.2018
333
İdman
A
Bu gün "Səbail" klubunun rəhbərliyi və baş məşqçi Samir Əliyev arasında görüş keçirilib.

Klubun mətbuat xidmətindən "Ölkə.Az"a verilən məlumata görə, görüşdə "Səbail"in Topaz Premyer Liqasının geridə qalan mövsümündə çıxışı barədə ətraflı müzakirələr aparılıb.

Qarşılıqlı razılıq əsasında S.Əliyevin "Səbail"in baş məşqçisi kimi müqaviləsinə xitam verilməsi barədə qərar qəbul edilib.

Samir Əliyev "Səbail"ə cari mövsüm ərəfəsində baş məşqçi təyin olunub. Premyer Liqanın debütantı gənc mütəxəssisin rəhbərliyi altında 23 xalla 7-ci yeri tutub.

Ölkə.Az

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
633
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0
BAĞLA