“Argentina Azərbaycan ilə əməkdaşlığı inkişaf etdirməkdə maraqlıdır” — Səfir

“Argentina Azərbaycan ilə əməkdaşlığı inkişaf etdirməkdə maraqlıdır”
22:42
14.03.2019
448
Dünya
A
Xarici işlər naziri Elmar Məmmədyarov Argentina Respublikasının Azərbaycan Respublikasına yeni təyin olunan səfiri Serxio Osvaldo Perez Qunellanı qəbul edib.

XİN-dən “Ölkə.Az”a verilən məlumata görə, görüşdə nazir Elmar Məmmədyarov Azərbaycanla Argentina arasında münasibətlərin inkişaf etdiyini qeyd edərək, gələcəkdə tərəflər arasında əməkdaşlığın daha da genişlənəcəyinə əmin olduğunu diqqətə çatdırdı. Xüsusilə iqtisadi, ticarət və turizm kimi sahələrdə əlaqələrin irəli aparılması baxımından perspektivlər mövcud olduğu vurğulandı.

Cari ilin oktyabr ayında keçiriləcək Qoşulmama Hərəkatının dövlət və hökumət başçılarının 18-ci sammitinə Argentina Respublikasını müşahidəçi qismində dəvət edildiyini vurğulayan nazir Elmar Məmmədyarov bu tədbirdə Argentina tərəfinin yüksək səviyyədə təmsil olunacağına ümidvar oduğunu qeyd etdi.

Səfir Serxio Osvaldo Perez Qunella ölkəsinin bütün sahələrdə xüsusilə iqtisadi müstəvidə Azərbaycan ilə əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ticarət əlaqələrin inkişafı üçün səylərini əsirgəməyəcəyini bildirdi.

Nazir Elmar Məmmədyarov Argentina səfirinə diplomatik fəaliyyətində uğurlar arzu etdi.

Səfir Serxio Osvaldo Perez Qunella etimadnaməsinin surətini nazir Elmar Məmmədyarova təqdim etdi.

Ölkə.Az

ŞƏRH YAZ
0

Rusiyada təyyarə qəzası — Ölən və yaralananlar var

Rusiyada təyyarə qəzası
09:02
Bu gün
1694
Dünya
A
Rusiyada sərnişin təyyarəsi qəza enişi edib.

“Ölkə.Az” xəbər verir ki, hadisə Buryatiya Respublikasının şimalında baş verib. “An-24” sərnişin təyyarəsinin qəza enişi zamanı 2 pilot həlak olub, 22 nəfər xəsarət alıb. 43 nəfər isə xilas edilib.

Məlumata görə, təyyarə səmada olanda mühərriklərdən birində nasazlıq baş verib. Qəza enişi edən təyyarə uçuş zolağı xəttindən kənara çıxıb və və təmizləyici qurğuların binası ilə toqquşub. Təyyarə bundan sonra yanmağa başlayıb. 

Qeyd edək ki, təyyarə Nijneanqarskdan Ulan-Udeyə uçurmuş.

Ölkə.Az

 

ŞƏRH YAZ
0

“S-500”lər kosmosdakı hədəfləri vura biləcək — AÇIQLAMA

“S-500”lər kosmosdakı hədəfləri vura biləcək
05:48
Bu gün
1936
Dünya
A
Rusiyanın yeni həsil hava hücumundan müdafiə sistemi “S-500 Prometheus”ların kosmosdakı hədəfləri də vura biləcəyi bildirilib.

 “Ölkə.Az” xəbər verir ki, bu barədə “VKO Almaz-Antey” şirkətinin baş direktorunun müavini Serqey Druzin bildirib. Druzin “RİA Novosti” qəzetinə açıqlamasında bildirib ki, “S-500”lər hər növ ballistik raketi məhv edə bilər. Sistem aero-dinamik nəzarətin mümkünsüz olduğu atmosfer kənarında da çalışır.

“S-500” başqa cihazlara ehtiyac duymayan aktiv radar sistemləri ilə təchiz edilib. Sistem böyük məsafələrdə siqnal axtarır və analiz edir. Bir antena birdən çox şüa yaya bilir. Bundan başqa antena rəqiblərinə nisbətən daha az enerji ilə işləyir və bu da raketləri qarşılaya bilmək üçün çox vacibdir.

“S-500”lər 600 km məsafədən hədəflərin qarşısını ala bilər.

Ölkə.Az

ŞƏRH YAZ
0
BAĞLA