Argentinada məhkumlar aclıq aksiyasına başladılar: “Biz futbol çempionatına baxmaq istəyirik”
Argentinanın Puerto-Madrin şəhərindəki həbsxananın məhkumları aclıq aksiyasına başlayıblar.
“Ölkə.Az” xəbər verir ki, futbol üzrə dünya çempionatına baxa bilməyən məhkumlar bu addımı atıblar. Onlar televiziya kabeli təmir olunana qədər yeməkdən imtina ediblər.
Məhkumların məktubunda deyilir:
“Biz günorta və axşam yeməyindən imtina edirik. Bizim problem həll edilənə qədər bu aclıq aksiyası davam edəcək”.
Amma məhkəmə bu işə baxmaqdan imtina edib.
Qeyd edək ki, futbol üzrə dünya çempionatı bu gün Rusiyanın paytaxtı Moskva şəhərində start götürür.
Hikmət Həsənov
Ölkə.Az
