"Arif Babayev demişdi, razılaşmadım" — Rəmiş

12:55
28.06.2018
17617
Mədəniyyət
A
"Heç vaxt musiqi məktəbində dərs demərəm".

"Ölkə.Az"-ın məlumatına görə, bu fikirləri "Mədəniyyət" kanalında professor İlham Rəhimovun suallarını cavablandırarkən musiqiçi Rəmiş səsləndirib.

Sənətkar səbəb kimi bunları deyib:

"Mənim tələbələrim, məndən öyrənənlər konservatoriyanın baş müəllimi, dekanlarıdır. Mən niyə musiqi məktəbində işləyim ki? Bu barədə bir dəfə Arif Babayev də mənə demişdi, razılaşmadım".

İntiqam VALEHOĞLU  
Ölkə.Az

ŞƏRH YAZ
1

Cəfər Cabbarlının bu vaxtadək naməlum qalan romanı nəşr olunacaq

Cəfər Cabbarlının bu vaxtadək naməlum qalan romanı nəşr olunacaq
22:07
14.02.2019
2137
Mədəniyyət
A
Azərbaycan Respublikasının Prezidenti İlham Əliyevin görkəmli dramaturq Cəfər Cabbarlının anadan olmasının 120 illiyinin qeyd edilməsi haqqında 17 dekabr 2018-ci il tarixli Sərəncamına əsasən Milli Elmlər Akademiyasında bir çox tədbirlərin həyata keçirilməsi üçün ciddi hazırlıq işləri aparılır.

"Ölkә.Az" trend-ә istinadәn bildirir ki, bunu Milli Elmlər Akademiyasının vitse-prezidenti, akademik İsa Həbibbəyli deyib.

İ.Həbibbəyli bildirib ki, bu münasibətlə Akademiyanın Humanitar və İctimai Elmlər Bölmələrinin əhatə etdiyi elmi-tədqiqat institutları Cəfər Cabbarlının ev muzeyi ilə birlikdə respublika miqyasında elmi konfrans keçirəcəkdir: "Konfransda elmi məruzələrdən başqa, Cəfər Cabbarlıya həsr edilmiş film səsləndiriləcək, onun həyatı və yaradıcılığını əks etdirən sərgi nümayiş etdiriləcəkdir. Milli Elmlər Akademiyasının Nizami Gəncəvi adına Ədəbiyyat və Nəsimi adına Dilçilik, Memarlıq və İncəsənət, Fəlsəfə və Tarix institutlarında, Milli Azərbaycan Ədəbiyyatı Muzeyində, Hüseyn Cavidin ev muzeyində də elmi konfranslar və elmi sessiyalar, sərgilər təşkil olunacaq".

 

Akademik bundan başqa, Cəfər Cabbarlının bu vaxtadək naməlum qalan “Kazım bəy” adlı romanı və məktubları ilk dəfə kitab halında nəşr ediləcəyini də vurğulayıb.

Qeyd edək ki, bu əsərləri filologiya elmləri doktoru, professor Asif Rüstəmli aşkar edib.

Əlyazmalar İnstitutunda isə Cəfər Cabbarlının şəxsi arxivi rəqəmsallaşdırılır. Böyük yazıçının şəxsi arxivində 2 mindən çox sənəd vardır. Milli Elmlər Akademiyasının alimləri ölkə miqyasında keçiriləcək tədbirlərdə də yaxından iştirak edəcəklər.

Ölkә.Az

ŞƏRH YAZ
0

Xalq artisti vəfat etdi

Xalq artisti vəfat etdi
17:37
14.02.2019
2138
Mədəniyyət
A
Moskvada Rusiyanın xalq artisti, məşhur estrada müğənnisi Sergey Zaxarov vəfat edib.

“Ölkə.Az” xəbər verir ki, 68 yaşlı müğənni ürək çatışmazlığından dünyasını dəyişib.

Onunla vida mərasimi və dəfnin harada keçiriləcəyi barədə dəqiq məlumat yoxdur.

Sovet estradasının məşhur ulduzu Zaxarov 1974-cü ildə Bolqariyada keçirilən müsabiqədə qalib gəlib. 1975-ci ildə isə Leonid Kvinixidzenin “Səma qaranquşları” filminə çəkilib. Bu rol ona şöhrət gətirib.

43 ölkədə qastrol səfərində olub.

Hikmət Həsənov
Ölkə.Az

ŞƏRH YAZ
0
BAĞLA