KORONAVİRUSA YOLUXANLARIN SAYI - CANLI STATİSTİKA

Arif Quliyev 65 yaş qadağasını pozdu — Evə göndərildi - VİDEO

Arif Quliyev 65 yaş qadağasını pozdu
20:37
26.03.2020
2755
Ölkə
A
Nazirlər Kabineti yanında Operativ Qərargahın koronavirus pandemiyasına qarşı ölkə ərazisində elan etdiyi xüsusi karantin rejiminə əsasən, 65 yaşdan yuxarı insanlara evdən çıxmaq qadağan edilib.

"Ölkə.Az" report-a istinadən xəbər verir ki, mübarizə tədbirləri çərçivəsində polis əməkdaşlarının paytaxt küçələrində apardığı reyd zamanı Xalq artisti Arif Quliyevin qadağanı pozduğu müəyyən edilib.

Arif Quliyev qoruyucu tibbi maskadan istifadə etsə də, yanındakı 70 yaşlı şəxsdə heç birindən olmayıb. Bunu görən polis əməkdaşı həmin şəxsə dərhal qoruyucu maska verib, onların əlinə spirt vurub.

A.Quliyev polislə söhbətində yaşlı şəxslərin çölə çıxmasının düzgün olmadığını deyib: “Dövlətin yaşlı tənha insanların evdən çıxmaması ilə bağlı verdiyi qərar həm bizə dəstək, həm də sağlamlığımız üçün yaxşı addımdır.Asayişi qoruyan polis işçilərimizə xüsusi təşəkkürümü bildirirəm”. 

Xalq artisti ilə maarifləndirici söhbət aparılıb, ona karantin qaydaları izah edilib və o, yaşadığı ünvana göndərilib.

ŞƏRH YAZ
0

Cəbhədə atəş səsləri intensivləşib — VİDEO

Cəbhədə atəş səsləri intensivləşib
11:41
Bu gün
630
Ölkə
A
Hazırda qızğın döyüşlərin getdiyi cəbhə xəttində atəş səsləri intensivləşib.

"Ölkə.Az"ın oxu.az-a istinadən məlumatına görə, düşmənin artilleriya atəşləri, eləcə də, Azərbaycan ordusunun adekvat cavab atəşinin səsləri gəlməkdədir.

Əməliyyat şəraiti Azərbaycan Ordusunun nəzarəti altındadır.

Qeyd edək ki, Ermənistan silahlı qüvvələrinin bölmələri iyulun 14-ü səhər saatlarından başlayaraq, Tovuz rayonunun Ağdam və Əlibəyli kəndlərini iriçaplı silahlardan və artilleriya qurğularından atəşə tutub.

ŞƏRH YAZ
0

Bu şəxslər növbəti imtahanlarda iştirak etməyəcək — DİM-dən yeni qərar

Bu şəxslər növbəti imtahanlarda iştirak etməyəcək
11:09
Bu gün
2697
Ölkə
A
Dövlət İmtahan Mərkəzi (DİM) sərtləşdirilmiş karantin rejimi tətbiq olunan şəhər və rayonlarda buraxılış və qəbul imtahanlarının keçirilməsi üçün də tədbirlər planı hazırlayıb və aidiyyəti qurumlarla razılaşdırılır.

“Ölkə.Az” DİM-ə istinadən xəbər verir ki, bu bölgələrdən olan şagirdlərin (abiturieyntlərin) sayı 47 000 nəfər təşkil edir.

Tədbirlər planı bu gün DİM-in Direktorlar Şurasının iclasında müzakirə olunacaq və Nazirlər Kabineti yanında Operativ Qərargaha təqdim olunacaq.

Qərargah icazə verəcəyi təqdirdə iyulun 20-dən sonra növbəti 2 həftə ərzində və hər həftə 2 dəfə olmaqla hazırda sərtləşdirilmiş karantin rejimi tətbiq olunan rayon və şəhərlərdə buraxılış (qəbul) imtahanlarının keçirilməsi nəzərdə tutulur.

Bu imtahanlarda iştirakçıların kütləviliyinin azaldılması məqsədilə kolleclərə (və ya hərbi liseylərə) ərizə verməyən 9-cu sinif şagirdləri iştirak etməyəcəklər. Bu şagirdlər üçün buraxılış imtahanı sentyabr ayında keçiriləcək.

Həmçinin ali məktəblərə (kolleclərə) sənəd verməyən və buraxılış imtahanlarında iştirak etməyən 11-ci sinif məzunları üçün də sentyabr ayında buraxılış imtahanları keçiriləcək.

İyul ayında keçiriləcək imtahanların dəqiq tarixləri, onların keçiriləcəyi şəhər və rayonlar, eləcə də imtahanlarda iştirak edəcək kontingent haqqında məlumat imtahandan 1 həftə əvvəl DİM-in saytında yerləşdiriləcək.

Daha sonrakı həftələrdə isə sanitar epidemioloji vəziyyətin əlverişli olacağı və Operativ Qərargah icazə verəcəyi təqdirdə ali təhsil müəssisələrinə qəbul imtahanlarının ikinci mərhələsinin (blok imtahanları) keçirilməsi nəzərdə tutulur. Bu imtahanlarda 73 000 abituriyentin iştirakı nəzərdə tutulur.

Qeyd edək ki, imtahan keçiriləcək tarixlərdə hansısa rayon və şəhərdə sərtləşdirilmiş karantin rejimi tətbiq olunarsa, həmin bölgələrdəki imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək.

ŞƏRH YAZ
0
BAĞLA