Arnold Şvartsnegger Senat seçkiləri ilə maraqlanır
ABŞ-ın kino ulduzu və Kaliforniya ştatının eks-qubernatoru Arnold Şvartsnegger senator olmaq qərarına gəlib
"Ölkə.Az" xəbər verir ki, Arnold 2018-ci ildə keçiriləcək Senat seçkilərində iştirak etmək niyyətindədir. ABŞ Senatı Konqresin üst palatası hesab edilir.
Aktyorun təmsilçisi deyib: "Bu hədəfə nail olmaq üçün heç bir imkanı əldən verməyəcəyik".
"Respublikaçılar" partiyasından bildiriblər ki, Şvartsnegger senator kreslosuna müstəqil namizəd kimi iddia edə bilər. Qeyd edək ki, aktyor həmişə respublikaçıların tərəfində olub.
Aktyorun rəsmi nümayəndəsinin sözlərinə əsasən, Arnold ABŞ prezidenti Donald Trampın siyasi kursuna əks olan siyasi platforma təqdim edə bilər.
Hikmət
Ölkə.Az
