Arnold Şvartsnegger yeni maşın aldı
Hollivud aktyoru və Kaliforniyanın sabiq qubernatoru Arnold Şvartsnegger "Hummer H1" elektromobili əldə edib.
"Ölkə.Az" xəbər verir ki, bu dünyada bir ilkdir və heç kəs bu günə qədər elektriklə çalışan "Hummer" sahibi olmayıb.
Avtomobilin təqdimatı Avstriyanın Reynbax şəhərində "Kreisel Electric" tədqiqat mərkəzinin açılışı çərçivəsində baş tutub.
490 at güclü yolsuzluq avtomobili iki elektrik mühərriki və 100 kilovalıq batareyalarla çalışır. Yeni "Hummer" bir dəfəyə 300 km məsafə qət edə bilər.
Şvartsnegger isə instagram səhifəsində avtomobilin ətraf mühiti çirkləndirməyəcəyini yazıb.
Hikmət Həsənov
Ölkə.Az
