"Arsenal" klubu Bakıya nə vaxt gələcək?

10:41
13.05.2019
837
İdman
A
İngiltərənin "Arsenal" klubunun Avropa Liqasının final matçı ilə əlaqədar Bakıya səfər planı açıqlanıb.

"Ölkə.Az"ın məlumatına görə, bu barədə "topçular"ın baş məşqçisi Unay Emeri açıqlama verib. İspaniyalı mütəxəssis mayın 20-də Londonda bir araya gələcəklərini bildirib. O, İngiltərə paytaxtında 3 gün hazırlıq keçdikdən sonra mayın 25-də Bakıya doğru hərəkət edəcəklərini söyləyib. Emeri Azərbaycan paytaxtında da daha 3 məşq gerçəkləşdirəcəklərini diqqətə çatdırıb. 

Qeyd edək ki, mayın 29-da Bakı Olimpiya Stadionunda keçiriləcək final matçında "Arsenal"ın digər rəqibi "Çelsi" olacaq. Oyun saat 23:00-da başlanacaq. 

Ölkə.Az

ŞƏRH YAZ
0

“Arsenal” futbolçuları Bakıya uçur — FOTOLAR

“Arsenal” futbolçuları Bakıya uçur
15:44
Bu gün
432
İdman
A
Bu gün “Arsenal” komandasının futbolçuları təyyarə ilə Bakıya uçublar.

 “Ölkə.Az” xəbər verir ki, London klubunun rəsmi internet səhifəsində məsələ ilə bağlı fotolar yerləşdirib. Fotolarda futbolçular hava limanında və təyyarədədirlər. Mesut Özil, Qranit Caka və Denni Uelbek də Bakıya uçan futbolçular arasındadırlar.

Qeyd edək ki, 29 may tarixində Bakının Olimpiya Stadionunda “Arsenal”  və “Çelsi” komandalarının qarşılaşması baş tutacaq.

Ölkə.Az

ŞƏRH YAZ
0

Azad Rəhimov: Mxitaryana görə F-16 qırıcılarını göndərək?

Azad Rəhimov: Mxitaryana görə F-16 qırıcılarını göndərək?
15:24
Bu gün
231
İdman
A
Azərbaycan Bakıda olacağı müddətdə “Arsenal” klubunun futbolçusu Henrix Mxitaryanın təhlükəsizliyinə tam zəmanət verir.

"Ölkə.Az" xəbər verir ki, bu haqda Azərbaycanın Gənclər və İdman naziri Azad Rəhimov CNN-ə verdiyi müsahibədə danışıb.

Amerika telekanalının jurnalisti Azərbaycanın Mxitaryanın təhlükəsizliyinə daha çox zəmanət verməyə hazır olub-olmadığını soruşub. Nazir Azərbaycanın bütün mümkün zəmanətləri verdiyini vurğulayıb.

“Başqa nə etməliyik ki? Dalınca F-16 qırıcılarının müşayiəti ilə şəxsi təyyarə göndərməliyik? Bundan başqa nə edə bilərik axı?”, - deyə nazir bildirib.

A.Rəhimov  Mxitaryanın Bakıya gələcəyi təqdirdə təhlükəsizliyinin tam təmin olunacağı ilə bağlı bütün sənədlərin həm UEFA, həm də futbolçunun çıxış etdiyi “Arsenal” futbol klubuna göndərildiyini diqqətə çatdırıb.

“Azərbaycan hökumətinin, həmçinin, Azərbaycan Futbol Federasiyaları Assosasiyası və təhlükəsizliyə cavab verən bütün dövlət orqanlarının adından zəmanət məktubu göndərmişəm”, - deyə nazir əlavə edib.

O, həmçinin, qeyd edib ki, Mxitaryana şəxsən təhlükəsizliklə bağlı zəmanətlərin çatdırılması üçün onun Azərbaycan səfirliyi ilə əlaqə yaratması təklif edilsə də, futbolçu müraciət etməyib.

Bakıya gəlmək istəyən digər erməni əsilli futbol azarkeşlərinə gəlincə, nazir Azərbaycanın heç vaxt azarkeşlərin ölkədə keçirilən beynəlxalq miqyaslı idman tədbirlərində iştirakına əngəl yaratmadığını dilə gətirib.

“Erməni əsilli istənilən şəxs Azərbaycana viza almaq üçün sorğu göndərə bilər”, - deyə o əlavə edib.

Xatırladaq ki, UEFA Avropa Liqasının finalı mayın 29-da Bakı Olimpiya Stadionunda keçiriləcək.

Bundan əvvəl “Arsenal” klubu erməni futbolçu Henrix Mxitaryanı “Çelsi”yə qarşı matça Bakıya gətirməyəcəyini bəyan edib.  

“Biz Mxitaryanla bağlı bütün variantları nəzərdən keçirmişik, onunla və ailəsi ilə danışıqlar aparmışıq. Keçirilən görüşdən sonra qərar aldıq ki, o, final oyununda oynamayacaq. Biz artıq bu barədə UEFA-nı da məlumatlandırmışıq”, - deyə saytda dərc olunan bəyanatda deyilib.

Ölkə.Az

ŞƏRH YAZ
0
BAĞLA