Artıq çəki və köklük xərçəngə səbəb olur
İngiltərədə aparılan genişmiqyaslı bir tədqiqat artıq çəki və köklüyün xərçəngin əsas səbəblərindən birinə çevrildiyini üzə çıxarıb.
“Ölkə.Az” xəbər verir ki, “Cancer Research UK” qurumunun apardığı araşdırmaya görə xərçəng xəstəliyinin üçdə birinin qarşısını almaq mümkündür.
Artıq çəkili şəxslərdə xərçəngə yaxalanma riski 6.3 faiz təşkil edib. Bu rəqəm 2011-ci ildə 5.5% idi.
Siqaret çəkmək xərçəngə yoluxma üçün ən böyük səbəb kimi göstərilsə də, 2011-ci ildə bu rəqəm 19.4%, indi isə 15.1% təşkil edir.
Xərçəngə yoluxma kimi ikinci səbəb köklük, üçüncü səbəb isə günəşə məruz qalmaqdır.
Qarşısı alına bilən xərçəng səbəbləri isə spirtli içki və az lifli yemək qəbul etməkdir.
Digər tərəfdən isə qarşısı alına bilən xərçəng hadisələrinin miqdarı 2011-ci ildə 37.7% idisə, indi bu rəqəm 42.7%-ə çatıb.
Hikmət Həsənov
Ölkə.Az
