Arvadı ilə barışmağa getdi — Qızın qohumları döydü

Arvadı ilə barışmağa getdi
11:22
18.06.2017
11
Hadisə
A
Şəmkirdə keçmiş həyat yoldaşı ilə barışmaq istəyən gənc gözləmədiyi hadisə ilə qarşılaşıb. Gənc qadının yaxınları onu döyüb.

Ölkə.Az Xezerxeber.az-a istinadən məlumat verir ki, hadisə Şəmkirin Dəllər-Cəyir kəndində baş verib. Yardımlı sakini, 20 yaşlı Əliqismət Şəkərov 1 il əvvəl Dəllər-Cəyir kənd sakini, 17 yaşlı Mətanət Bayramovanı qaçırıb. Bir müddət sonra isə onlar ayrılıblar və qız ata evinə qayıdıb. Ötən gün oğlan yenidən qayınatasıgilin evinə gedib. Ancaq keçmiş həyat yoldaşını evinə qaytarmaq üçün içəri damdan girən Əliqismət Şəkərov buna müvəffəq olmayıb. Qızın ailə üzvləri qonşuların köməkliyi ilə onun bu istəyinə mane olublar.

Qızın ailə üzvlərinin və qonşuların sözlərinə görə, Əliqismət Şəkərov qeyri-rəsmi nikahda yaşadığı Mətanətə mütəmadi olaraq işgəncələr verib. Hətta döyülmə nəticəsində qadın bətnindəki uşağı da itirib. Bu səbəbdən də qız öz istəyi ilə atası evinə qaytarılıb. Elə o vaxtdan da Əliqismət həyat yoldaşının ailəsini hədələməyə başlayıb. Onlara hədələyici mesajlar göndərərək evlərini yandıracağı ilə qorxudub. Qızın toy şəkillərinin arxasına təhqiramiz sözlər yazaraq kəndin çayxanasında stolların üstünə düzüb. Hətta bir neçə dəfə qayınatasıgilin evinə gələrək dava da salıb.

Əcəbnaz Bayramovanın sözlərinə görə, cəmi 20 yaşı olan Əliqismət Şəkərov qızından ayrıldıqdan sonra iki dəfə ailə həyatı qurub. Keçmiş kürəkənin törətdiyi əməllər barədə Şəmkir polisinə də müraciət edilib.

 

ŞƏRH YAZ
0

Cəlilabadda avtomobil piyadanı vurdu

Cəlilabadda avtomobil piyadanı vurdu
10:27
Bu gün
266
Hadisə
A
Cəlilabad rayonunda bir nəfərin ölümü ilə nəticələnən yol qəzası baş verib.

"Ölkə.Az" “Report”-a istinadən xəbər verir ki, hadisə Ələt-Astara magistral yolunda, rayonun Olimpiya İdman Kompleksinin yaxınlığından keçən hissəsində qeydə alınıb.

Qəza nəticəsində Cəlilabadın Göytəpə şəhər sakini, 1986-cı il təvəllüdlü Natiq Fazil oğlu Nəzərov aldığı xəsarətlərdən dünyasını dəyişib. 

Faktla bağlı araşdırma aparılır. 

ŞƏRH YAZ
0

Bakıda güllələnmə — Bacısının ərini və qayınatasını yaraladı

Bakıda güllələnmə
10:00
Bu gün
588
Hadisə
A
Bakıda güllələnmə hadisəsi baş verib.

"Ölkə.Az" Trend-ə istinadən məlumat verir ki, hadisə Bakının Sabunçu rayonunda qeydə alınıb. Suraxanı rayonu, Bülbülə qəsəbə sakini Vüsal Tufan oğlu Tanrıverdiyev Ramanı qəsəbəsində bacısının həyat yoldaşının yaşadığı evə gəlib. V.Tanrıverdiyev həmin evdə yeznəsi Anar Vaqif oğlu Rəsulov və onun atası Vaqif Rəsulova ov tüfəngi ilə atəş açaraq onları öldürməyə cəhd edib.

Hadisə nəticəsində ata və oğul güllə yarası ilə xəstəxanaya yerləşdirilib.

Sabunçu rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxs saxlanılıb.

Faktla bağlı Sabunçu rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

ŞƏRH YAZ
0
BAĞLA