Arvadını 5-ci mərtəbədən atan “Buta Palace”-ın art direktorundan — XƏBƏR VAR

Arvadını 5-ci mərtəbədən atan “Buta Palace”-ın art direktorundan
15:12
23.07.2019
39146
Maqazin
A
Arvadını yaşadıqları mənzilin balkonundan ataraq xüsusi amansızlıqla öldürməkdə təqsirləndirilən “Buta Palace”ın art direktoru Ramiz Taxvelinin məhkəməsi keçirilib.

"Ölkə.Az" Qafqazinfo-ya istinadən xəbər verir ki, Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan prosesdə R.Taxvelinin vəkili vəsatət verərək məhkəmə iclaslarının audio və video görüntülərlə lentə alınmasını istəyib.

Vəsatət təmin edilməyib.

Ramiz Taxvelinin işçisi olmuş Rəna Məmmədovanın şahid qismində dindirilməsi barədə vəsatət verilib.

Ramiz Taxvelinin avtomobilinə baxış keçirilib oradan marixuana aşkar olunarkən R.Məmmədova hal şahidi kimi orada iştirak edib. Məhkəmə bu vəsatəti təmin edib.

Penitensiar Xidmətin Müalicə Müəssisəsində saxlanılan R.Taxveli məhkəməyə əlil arabasında gətirilib. Şüşə qəfəsdə deyil, konvoyun nəzarəti ilə salonun girişində əlil arabasına saxlanılır.

O, proses zamanı rabitəsiz nitqlər söyləyir. Lakin istintaq onun anlaqlı vəziyyətdə olduğunu müəyyənləşdirib. Keçmiş qayınanası isə Taxvelinin bu hərəkətlərini şou adlandırıb.

Hadisə 2018-ci il dekabrın 10-da gecə saat 3 radələrində paytaxtın Nəsimi rayonu, Rəşid Behbudov küçəsində yerləşən hündürmərtəbəli binada baş verib.

Orada yaşayan Taxveli Adelya Azər qızı 5-ci mərtəbədə balkondan düşərək vəfat edib.

İlkin olaraq A.Taxvelinin intihar etdiyi zənn edilsə də, sonradan hadisənin cinayət olduğu ortaya çıxıb. Məlum olub ki, A.Taxvelinin mübahisə zəminində əri Ramiz Taxveli balkondan aşağı atıb.

Mərhum Adelya Taxveli Gənclər və İdman naziri Azad Rəhimovun yaxın qohumu olub. 30 yaşında vəfat edən Adelyanın anası nazirin xalası qızıdır.

Ramiz Taxveli isə Azərbaycanın xalq artisti Gülağa Məmmədovun yeganə qızının nəvəsidir. 

Ölkə.Az
 

 

ŞƏRH YAZ
1

"Qadınlar da kişilərə intim obyekt kimi baxırlar" — Rövşanə Lalə Məmmədovanın fikrini ŞƏRH ETDİ

17:39
Bu gün
316
Maqazin
A
Teleaparıcı Rövşanə Ağasəfqızı əməkdar artist Lalə Məmmədovanın ''boşanmış qadına intim obyekti kimi baxılır" açıqlamasına münasibət bildirib.

 Ağasəfqızı "Ölkə.Az-"a açıqlamasında bildirib ki, boşanmış qadına yanaşma onun şəxsi keyfiyyətlərindən asılıdır:

 ''Mənə elə gəlir ki, kiminsə qadına yanaşması həmin qadının tərbiyəsindən, əxlaqından, özünü necə aparmasından asılıdır. Lalə xanımın fikirləri ilə razıyam. Boşanmış qadına elə yanaşan insanlar var. Lakin bunu bütünlüklə kütləvi şəkildə hər kəsə aid etmək olmaz. Qadına intim obyekti kimi baxan kişinin daxili əxlaqı, tərbiyəsi əsas rol oynayır. İstər boşanmış olsun, istərsə də ailəli kişi, qadına o cür yanaşırsa, bu, həmin kişinin əxlaqının olmaması deməkdir. Küçədə xanım gedərkən və ya hər hansısa toyda, məclisdə qadın əlində şüar tutub getmir ki, mən boşanmışam. Sadəcə, burada incə məqam var. Bəzən qadınlar da kişiyə intim obyekti kimi yanşırlar. Yəni, demək olmaz ki, təkcə kişi qadına belə yanaşır.  Çünki bu hisslər insana Allah tərəfindən verilib. Sadəcə, insanlar bunu əxlaq çərçivəsi daxilində aşkara çıxarmamalıdırlar''. 

Qeyd edək ki, Lalə Məmmədova sözügedən açıqlamanı kulis.az-a müsahibəsində səsləndirib.

Ölkə.Az

 

ŞƏRH YAZ
0

Hülya Avşar axtardığı SEVGİSİNDƏN DANIŞDI

Hülya Avşar axtardığı SEVGİSİNDƏN DANIŞDI
17:14
Bu gün
858
Maqazin
A
Türkiyənin məşhur müğənnisi Hülya Avşar maraqlı açıqlama verib.

 “Ölkə.Az” xəbər verir ki, ifaçı aşiq olacağı kişinin ondan güclü olamasının vacib olduğunu bildirib.

“Bu uğur, pul qazanan, idmanla məşğul olan bir insan olmalıdır. Mən də o kişinin hər an məni tərk edə bilər qorxusu olmalıdır. Qarşımdakı adam məndən uzaqlaşmaq gücünə sahib olmalıdır. Əlbəttə, ətrafımda kişi çoxdur. Ancaq istədiyim adam yoxdur”, - deyə o, bildirib.

Daha sonra sənətçi 20 yaşında gecə həyatı, əyləncə və sevgi dolu yaşadığını da vurğulayıb.

Qeyd edək ki, 56 yaşlı aktrisa rəsmi olaraq 2 dəfə ailə həyatı qurub. Sənətçi əvvəl 1979-1981-ci illərdə Mehmet Tecirli adlı şəxslə, daha sonra 1997-2005-də Kaya Çilingiroğlu ilə evil olub.

Ölkə.Az

ŞƏRH YAZ
0
BAĞLA