Arvadını 5-ci mərtəbədən atan “Buta Palace”-ın art direktorundan — XƏBƏR VAR

Arvadını 5-ci mərtəbədən atan “Buta Palace”-ın art direktorundan
15:12
23.07.2019
38648
Maqazin
A
Arvadını yaşadıqları mənzilin balkonundan ataraq xüsusi amansızlıqla öldürməkdə təqsirləndirilən “Buta Palace”ın art direktoru Ramiz Taxvelinin məhkəməsi keçirilib.

"Ölkə.Az" Qafqazinfo-ya istinadən xəbər verir ki, Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan prosesdə R.Taxvelinin vəkili vəsatət verərək məhkəmə iclaslarının audio və video görüntülərlə lentə alınmasını istəyib.

Vəsatət təmin edilməyib.

Ramiz Taxvelinin işçisi olmuş Rəna Məmmədovanın şahid qismində dindirilməsi barədə vəsatət verilib.

Ramiz Taxvelinin avtomobilinə baxış keçirilib oradan marixuana aşkar olunarkən R.Məmmədova hal şahidi kimi orada iştirak edib. Məhkəmə bu vəsatəti təmin edib.

Penitensiar Xidmətin Müalicə Müəssisəsində saxlanılan R.Taxveli məhkəməyə əlil arabasında gətirilib. Şüşə qəfəsdə deyil, konvoyun nəzarəti ilə salonun girişində əlil arabasına saxlanılır.

O, proses zamanı rabitəsiz nitqlər söyləyir. Lakin istintaq onun anlaqlı vəziyyətdə olduğunu müəyyənləşdirib. Keçmiş qayınanası isə Taxvelinin bu hərəkətlərini şou adlandırıb.

Hadisə 2018-ci il dekabrın 10-da gecə saat 3 radələrində paytaxtın Nəsimi rayonu, Rəşid Behbudov küçəsində yerləşən hündürmərtəbəli binada baş verib.

Orada yaşayan Taxveli Adelya Azər qızı 5-ci mərtəbədə balkondan düşərək vəfat edib.

İlkin olaraq A.Taxvelinin intihar etdiyi zənn edilsə də, sonradan hadisənin cinayət olduğu ortaya çıxıb. Məlum olub ki, A.Taxvelinin mübahisə zəminində əri Ramiz Taxveli balkondan aşağı atıb.

Mərhum Adelya Taxveli Gənclər və İdman naziri Azad Rəhimovun yaxın qohumu olub. 30 yaşında vəfat edən Adelyanın anası nazirin xalası qızıdır.

Ramiz Taxveli isə Azərbaycanın xalq artisti Gülağa Məmmədovun yeganə qızının nəvəsidir. 

Ölkə.Az
 

 

ŞƏRH YAZ
1

Aktyorluq təhsili olmayan, uşaqlarla "varlanan" 85 yaşlı Sofi Loren... — VİDEO

Aktyorluq təhsili olmayan, uşaqlarla
04:35
Bu gün
732
Maqazin
A
Bu günlərdə milyonların sevimlisi, italyan aktrisası Sofi Lorenin 85 yaşı tamam oldu. O, karyerası boyu çoxu klassikaya çevrilmiş yüzdən artıq filmdə rol alıb. Üstəlik, Loren səksən filmdə özünü canlandırıb - bu, qadının kinematoqrafiya ikonu kimi qəbul edilməsinə sübut deyilmi? Artistin həyatı isə ictimai tədbirlərsiz ötüşmür, harada ki, onlar jurnalistlərlə rastlaşır. Məhz elə onların materiallarından biz Sofinin əsas deyimlərini toplamışıq.

"Ölkə.Az" Sofi Lorenin ayrı-ayrı müsahibələrində səsləndirdiyi fikirlərini təqdim edir:

Uşaqlarla "varlanan" insan

"Mənim ailəm daim kasıb yaşayıb, amma bizim bir yerə toplaşmağımız, o birlik hissi mənə özümü varlı hiss etməyə imkan verirdi", - Loren amerikalı jurnalistin sualına cavab verir. Qadın uzun müddət övlad dünyaya gətirə bilmirdi - iki hamiləlik uşaq düşməsi ilə nəticələnirdi. Ancaq çox illər sonra Sofinin iki gözəl oğlu dünyaya gəldi. "Mənim üçün əsl var-dövlət - səni əhatə edən möhkəm, belə demək olarsa, beton ailəyə sahib olmaqdır. Bunu uşaqlarıma da öyrətməyə çalışıram. Ailə - bizim balaca şəxsi dünyamızdır", - aktrisa fikrini yekunlaşdırır.

Kinoda ilk debütü

Gənclik illərində qız ailəsi ilə Romada yaşayırdı. Maddi vəsait sadə ehtiyacların ödənilməsinə belə yetmirdi. O, stasionar telefondan zəng etmək üçün o vaxt artıq məşhur olan "Çiniçetta" kinostudiyasına gedirdi, harada ki, bunu ödənişsiz etmək olardı. Günlərin bir günü Sofi oraya anası ilə bərabər "Quo Vadis" filmi üçün dublyaj aktyor və aktrisaların axtarılması elanı ilə bağlı getdi. Onun məqsədi bir az pul qazanmaq idi. Amerikalı rejissor Mervin Leroy qızı bütün camaatın içindən seçib əlinin işarəsi ilə yanına çağırdı. Sofi Lorenin ingilis dilində bir söz belə başa düşməməsi səbəbindən, anası olan istənilən suala "Yes" ("Bəli") deyərək cavab verməsini tapşırmışdı. Yalnız yarım saat danışdıqdan sonra Leroy Lorenin dili bilmədiyini başa düşdü. Rolu ifa etmək üçün ingilis dilini bilmək lazım olsa da, Sofini istisna kimi çəkilişlərə götürdülər...

ABŞ, yoxsa İtaliya?

Dili bilmədiyindən iş zamanı yaşadığı çətinliklərə baxmayaraq, Loren həyatının həmin dönəmini təbəssümlə xatırlayır: "Bu, mənim üçün məktəbdə oxumağa bərabər idi, axı mənim o vaxt cəmi 21-22 yaşım var idi". Amerikalılarla əməkdaşlıq etdiyi vaxtda, daim həmkarlarını müşahidə edən qız təkcə sıfırdan ingilis dilini öyrənməyə yox, həm də onların təcrübəsinə yiyələnməyə müvəffəq oldu. Məhz əzmli müşahidə ona aktyor oyununu öyrənməyə kömək etdi, halbuki, onun bu üzrə təhsili belə olmayıb. Tezliklə Hollivuda köçən aktrisa, vətəninə həmişə sevinclə qayıdırdı: "İtaliyada oynadığım personajlar mənə yaxındır... Və mən düşünürəm ki, bu rolları var gücümlə oynayıram".

Aktyor peşəsinin dəyəri

"Aktyorluq mənim üçün yüngülləşmək hissinə, emosiyaları boşaltmağa bərabərdir. Bu, elə şeydir ki, bunsuz həyatımı təsəvvür etmirəm". Jurnalistin Lorenin 8-9 yaşlarında gözəl həyat arzulayıb-arzulamaması ilə bağlı sualına aktrisa qürurla cavab verir: "Məni heç vaxt dəbdəbə cəlb etməyib. Mən balaca şəhərdə böyümüşəm və həmişə məşhur olmağı arzulamışam - şəxsiyyət olub həyatda nəyəsə nail olmaq. Həmin vaxt ağlıma gələn və gücüm çatacaq yeganə yol - aktrisa olmaq idi". (qafqazinfo.az)

Ölkə.Az

ŞƏRH YAZ
0

Muradın yerinə Kənan gəldi

Muradın yerinə Kənan gəldi
01:00
Bu gün
3270
Maqazin
A
Aktyor Murad Yıldırım Türkiyədə yayımlanan "Kim Milyoner Olmak İster?" yarışmasına aparıcılıq etməkdən imtina etdiyini açıqlamışdı.

“Ölkə.Az” axsam.az-a istinadən xəbər verir ki, həmin gündən proqrama kimin gələcəyi ilə bağlı müxtəlif versiyalar irəli sürülüb.

Ötən gün isə yarışmanın yeni mövsüm anonsu yayımlanıb. Bəlli olub ki, Muradı həmkarı Kenan İmirzalıoğlu əvəzləyəcək.

Ölkə.Az

ŞƏRH YAZ
0
BAĞLA