Arvadını 5-ci mərtəbədən atan “Buta Palace”-ın art direktorundan — XƏBƏR VAR

Arvadını 5-ci mərtəbədən atan “Buta Palace”-ın art direktorundan
15:12
23.07.2019
38851
Maqazin
A
Arvadını yaşadıqları mənzilin balkonundan ataraq xüsusi amansızlıqla öldürməkdə təqsirləndirilən “Buta Palace”ın art direktoru Ramiz Taxvelinin məhkəməsi keçirilib.

"Ölkə.Az" Qafqazinfo-ya istinadən xəbər verir ki, Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan prosesdə R.Taxvelinin vəkili vəsatət verərək məhkəmə iclaslarının audio və video görüntülərlə lentə alınmasını istəyib.

Vəsatət təmin edilməyib.

Ramiz Taxvelinin işçisi olmuş Rəna Məmmədovanın şahid qismində dindirilməsi barədə vəsatət verilib.

Ramiz Taxvelinin avtomobilinə baxış keçirilib oradan marixuana aşkar olunarkən R.Məmmədova hal şahidi kimi orada iştirak edib. Məhkəmə bu vəsatəti təmin edib.

Penitensiar Xidmətin Müalicə Müəssisəsində saxlanılan R.Taxveli məhkəməyə əlil arabasında gətirilib. Şüşə qəfəsdə deyil, konvoyun nəzarəti ilə salonun girişində əlil arabasına saxlanılır.

O, proses zamanı rabitəsiz nitqlər söyləyir. Lakin istintaq onun anlaqlı vəziyyətdə olduğunu müəyyənləşdirib. Keçmiş qayınanası isə Taxvelinin bu hərəkətlərini şou adlandırıb.

Hadisə 2018-ci il dekabrın 10-da gecə saat 3 radələrində paytaxtın Nəsimi rayonu, Rəşid Behbudov küçəsində yerləşən hündürmərtəbəli binada baş verib.

Orada yaşayan Taxveli Adelya Azər qızı 5-ci mərtəbədə balkondan düşərək vəfat edib.

İlkin olaraq A.Taxvelinin intihar etdiyi zənn edilsə də, sonradan hadisənin cinayət olduğu ortaya çıxıb. Məlum olub ki, A.Taxvelinin mübahisə zəminində əri Ramiz Taxveli balkondan aşağı atıb.

Mərhum Adelya Taxveli Gənclər və İdman naziri Azad Rəhimovun yaxın qohumu olub. 30 yaşında vəfat edən Adelyanın anası nazirin xalası qızıdır.

Ramiz Taxveli isə Azərbaycanın xalq artisti Gülağa Məmmədovun yeganə qızının nəvəsidir. 

Ölkə.Az
 

 

ŞƏRH YAZ
1

Roza oğullarına ev alıb — VİDEO

Roza oğullarına ev alıb
22:19
Bu gün
2864
Maqazin
A
Müğənni Roza Zərgərli “5/5” verilişində qonaq olub.

“Ölkə.Az” axşam.az-a istinadən xəbər verir ki, onunla birlikdə proqrama oğlu, aktyor Corc Qafarov da təşrif buyurub.

Sənətçi veriliş zamanı bildirib ki, oğulları Jerar və Corca ayrı ev alıb. Corc da anasının dediyini təsdiqləyib:

“Ayrı yaşayıram. Evimiz iki otaqlıdır. Qardaşımla mən qalırıq”.

Qeyd edək ki, Roza Zərgərlinin dörd övladı var. Müğənni uşaqlardan yalnız birinin genetik anasıdır.

Ölkə.Az

ŞƏRH YAZ
0

Dünyada ilk Daun sindromlu model

Dünyada ilk Daun sindromlu model
20:00
Bu gün
4787
Maqazin
A
Dünyaya Daun sindromu olaraq gözlərini açan, həkimlərin ''heç nə edə bilməz'' dedikləri Madelina model olub.

''Ölkə.Az'' xəbər verir ki, Madelina adlı Daun sindromlu qız doğulanda həkimlər 25 yaşındakı anasına ''uşağınız heç vaxt balaca uşaq zəkasından çıxa bilməyəcək'' deyiblər.

Belə ki, həkimlərin həmin sözündən 22 il sonra dünyada ilk Daun sindromlu model olub.

Anasının dediyinə görə Madelina özünü inkişaf etdirməyi heç vaxt dayandırmayıb.

Onun sadəcə danışığında qüsur var, qalan hər şeyi asanlıqla bacarır. 

Madelina ''İnstagram'' hesabında paylaşdığı şəkilləri ilə bir çox Daun sendromlu insanlara ümid yeri olub.

Nərmin Nuru

Ölkə.Az

ŞƏRH YAZ
0
BAĞLA