KORONAVİRUSA YOLUXANLARIN SAYI - CANLI STATİSTİKA

Salyan sakini özünü türk iş adamı kimi qələmə verdi, ferma almaq adı ilə telefon oğurladı

Salyan sakini özünü türk iş adamı kimi qələmə verdi, ferma almaq adı ilə telefon oğurladı
12:43
12.07.2019
1820
Ölkə
A
Bakıda özünü türk iş adamı kimi qələmə verərək dələduzluq yolu ilə insanları aldadan və zərərçəkənlərin qiymətli əşyalarını ələ keçirən şəxs saxlanılıb.

"Ölkə.Az" xəbər verir ki, bu barədə Nərimanov Rayon Polis İdarəsi 18-ci Polis Şöbəsinə müraciət edən zərərçəkən bir müddət əvvəl özünü Hakan kimi təqdim edən şəxslə tanış olduğunu və həmin şəxsin onun mobil telefonunu oğurladığını bildirib.

Şöbə əməkdaşları tərəfindən keçirilən əməliyyat zamanı qeyd edilən cinayəti törətməkdə şübhəli bilinən Salyan rayon sakini Məmmədəli Əhmədov saxlanılıb. O, ifadəsində özünü türk iş adamı kimi təqdim etdiyini və zərərçəkənlə guya fermasını almaq adı ilə görüşdüyünü bu zaman onun mobil telefonunu oğurladığını etiraf edib.

Qeyd edilən faktla bağlı Nərimanov RPİ-nin 18-ci Polis Şöbəsində araşdırmalar davam etdirilir.

Polis əməkdaşlarıM.Əhmədovun digər analoji cinayətlərdə iştirak etdiyini də istisna etmirlər. Onun əməllərindən zərərçəkən başqa vətəndaşlar varsa, bu barədə Daxili işlər Nazirliyinin “102” Zəng Mərkəzinə, Nərimanov RPİ və ya 18-ci PŞ-nə müraciət edə bilərlər.

Natiq Allahverdiyev
Ölkə.Az

ŞƏRH YAZ
0

SON DƏQİQƏ: Azərbaycan - Ermənistan sərhədində düşmən təxribatı: Döyüş gedir, itkilər var — RƏSMİ

SON DƏQİQƏ: Azərbaycan - Ermənistan sərhədində düşmən təxribatı: Döyüş gedir, itkilər var
16:20
Bu gün
846
Ölkə
A
İyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar.

Bu barədə "Ölkə.Az"a Müdafiə Nazirliyindən məlumat verilib.

Qeyd edilib ki, hər iki tərəfdən itki var.

Hazırda bu istiqamətdə döyüş gedir. Əməliyyat şəraiti bölmələrimizin nəzarəti altındadır.

İctimaiyyətə əlavə məlumat veriləcək.

ŞƏRH YAZ
0

Hafiz Paşayevin həyat yoldaşı vəfat etdi

Hafiz Paşayevin həyat yoldaşı vəfat etdi
15:53
Bu gün
3458
Ölkə
A
Azərbaycan Resbublikasının Xarici İşlər nazirinin müavini, ADA Universitetinin rektoru Hafiz Paşayevin həyat yoldaşı Rəna Paşayeva dünyasını dəyişib.

"Ölkə.Az" qaynarinfo-ya istinadla xəbər verir ki, bu barədə XİN-in mətbuat xidməti məlumat yayb.

Rəna Paşayeva uzun illər AMEA-nın Şərqşünaslıq İnstitutunun elmi işçisi kimi çalışıb.

Allah rəhmət eləsin!

ŞƏRH YAZ
0
BAĞLA